Jueces 6:26 - Chuj San Sebastian Bible

²⁶ Ax 'a sjolm q'uen q'uen cha, ata tza b'o chan̈ junc yet'l xajmb'al 'a 'ayn an Jehová a Diosal in tic. Tzlajw cha, tze'n cot no quelm wacx uque ab'il sq'uinl cha, tza'n tz'a no xajmb'alil, ax te te 'oj a ch'ac 'ejm cha, a te tza'ch sc'a'loc yaln̈ no', xchi.

Chuj San Mateo Bible

²⁶ A d'a sjolom q'uen nivan q'uen chaan̈ ayq'uei, ata' tza b'oq'ue junoc altar d'ayin Jehová a Diosal in tic. Vach' tzutej a latz'anq'ue q'ueen. Axo te te' ix a ch'aquel chi', a te' tzac'och sc'atzitzaloc. Slajvi chi' tza milancham noc' vacax chi', tza n̈usantz'a noc' silab'il d'a yib'an̈, xchi d'a vin̈.

Jueces 6:26 Iomraidhean Croise

A Ch'an̈ Schab'l Libro Samuel 24:18

A 'a jun c'u cha, 'ix jaw win Gad 'a David, xwul yalnoc 'a win 'ixtic: Q'uen̈ c'och 'a ste'lab' trigo win Arauna jebuseo, tza b'on chan̈ junc yet'l xajmb'al 'a Jehová ta', xchi.

A Ch'an̈ Schab'l Libro Samuel 24:22

'Ix yaln Arauna 'a win rey David 'ixtic: —'Ij jac ec 'an mamin rey, b'o chan̈ yet'l a xajmb'al cha, tzlajw cha, tza'n tz'a 'a xajmb'al smasnil 'a Jehová, 'icha wal tznib'j a c'ojol. 'Ay no wacx 'a tic, tztac' a'n no xajmb'alil, 'ay te ma'lab' trigo yet' te yugo, tztac' yoch eb' te c'atztzil.

Ex 34:13

A jun tze b'o'o, to 'oj e ma'cn poj yet'l xajmb'al eb', yet' jun tzo'n̈ q'uen 'aj tzlaj leslwi eb', yet' pax jun te sch'oxnb'il comn dios tzcuch Asherá.

1 Co 14:33

Toto ton̈j tzon̈ somljiec calni, man̈oc 'a Dios tzcot jun cha. Yujto tznib'ej, sictac tzon̈ 'ajec. A sb'eyb'al eb' creyente 'a junjn iglesia, caw sictac tz'aj eb' 'ix 'ix.

1 Co 14:40

Caw wach' tzeyutj e b'on smasnil tas, sec tz'och 'a stzolil.

Jueces 6:25

Ax 'a jun 'ac'wl cha, 'ix yaln Jehová 'a Gedeón 'ixtic: —'Ij 'elt junc no schab'l quelm wacx 'a scal swacx a mam, junc no yucl ab'il sq'uinal. Tza ma'n lan̈chjoc yet'l xajmb'al Baal, jun b'ob'il yuj a mam. Tza ch'acn pax 'ejm jun te sch'oxnb'il comn dios Asherá 'ayc 'a stz'ey jun yet'l xajmb'al cha.

Jueces 6:27

Xlajw cha, xyawtn cot Gedeón chi lajn̈wan̈ ewin schecab', 'ix sb'on 'icha tas xyal Jehová 'a 'a. Ma'ix sb'o 'a c'ual, yujto tzxiw 'a eb' yican smam, yet' 'a eb' 'anma cajn 'ec' 'a jun chon̈b' cha, yuj cha, a 'a 'ac'wl 'ix sb'o'o.

A Ch'an̈ B'ab'el Libro Samuel 6:14

Ax e no wacx cha, ata xjaw e no yet' te caruaje chi 'a slum jun win tzcuch Josué 'aj Bet-semes. Ata x'och wan e no yet' te caruaje chi 'a stz'ey jun q'uen niwquil q'ue'en. Ax eb' yin̈tl Leví, a eb' x'i'n 'emt scaxail strato Jehová 'a yol caruaje cha. Xyi'n 'emt eb' te cajon 'a 'aj 'ay 'ejm q'uen oro. Xya'n q'ue eb' 'a yib'n̈ q'uen niwquil q'uen cha. Ax eb' 'aj Bet-semes cha, 'ix stzu'n poj eb' te caruaje cha, xya'n tz'a eb' e no wacx chi xajmb'al-l 'a Jehová. Ax 'a jun c'u cha, 'ix laj yac' tz'a eb' jun tzo'n̈ xo xajmb'al.