Jueces 6:24 - Chuj San Sebastian Bible

²⁴ Xlajw cha, 'ix sb'on chan̈ Gedeón jun yet'l xajmb'al yic tzyi'n chan̈ sb'i Jehová. Xya'n can scuch: A Jehová 'Ac'm Junc'ojlal, xchi. A jun yet'l xjamb'al tic, ata xcan 'a Ofra 'a yol yic eb' yin̈tl Abiezer.

Chuj San Mateo Bible

²⁴ Ix lajvi chi', ix sb'oanq'ue jun altar vin̈ ta' yic syic'anchaan̈ Jehová vin̈. Ix yac'ancan vin̈ sb'iej: A Jehová ac'um junc'olal. A jun altar chi' ix cann̈ej d'a Ofra d'a yol smacb'en eb' yin̈tilal Abiezer.

Jueces 6:24 Iomraidhean Croise

Gn 12:7

Ata xch'ox sb'a Jehová 'a Abram cha, 'ix yaln 'ixtic: A jun lum tic 'oj wac' 'a smasnil eb' en̈til, xchi 'a 'a. Yuj cha, sb'on Abram jun yet'l xajmb'al 'a 'aj tzyal sb'a 'a Jehová, yujto ata xch'ox sb'a Dios 'a 'a.

Gn 12:8

Xlajwn̈ej cha, 'ix cotxi, axta 'ix japx 'a eb' lum jolmctac witz 'a snan̈l chon̈b' Bet-el yet' chon̈b' Hai. Ata x'aj cajan. A chon̈b' Bet-el cha, ata 'ay 'a stojlal 'aj tz'em c'u. Ata 'ix sb'o junx yet'l xajmb'al, 'a 'aj tzyal sb'a 'a Jehová.

Gn 22:14

Xlajw cha, xya'n can Abraham sb'ic jun lugar chi 'ixtic: A Jehová, a tz'a'n tasto yowlal tznib'xi, xchi. Yuj cha, an̈ja 'ixta yaln eb' 'anma ticnec: A 'a lum witz yic' Jehová, ata tzyac' tas yowlal tznib'xi, xchi eb'.

Gn 33:20

Sb'on pax jun yet'l xajmb'al ta', xya'n sb'ic El-Elohe-Israel.

A Ch'an̈ Schab'l Libro Samuel 24:25

'Ix sb'o chan̈ David jun yet'l xajmb'al 'a Jehová 'a jun lugar cha, 'ix yac' tz'a xajmb'al, yet' xajmb'al yic junc'ojlal. 'Ixtnta 'ix yutj Jehová yab'ni, yuj tas 'ix sc'an yuj chaml wan yoch 'a chon̈b' Israel, yuj cha, 'ix 'och wan jun yab'il cha.

A Ch'an̈ B'ab'el Libro Yic Yab'ixal Eb' Rey 18:32

'Ix sb'on chan̈ jun yet'l xajmb'al yic Jehová yet' eb' q'ue'en. 'Ix sb'on pax san̈jail jun yet'l xajmb'al chi 'a sti 'eli, tecn co'lb' tz'ejm chan̈e'oc ch'ub' a a 'a yojol.

Esdras 3:2

Xlajw cha, ax Jesúa yunnal Josadac, yet' jun tzo'n̈ xo eb' ya'mal 'och sti eb' 'anma 'a Dios, yet' Zorobabel yunnal Salatiel, yet' eb' yican, 'ix sb'on chan̈ eb' jun yet'l xajmb'al yic sDiosal chon̈b' Israel yic tzya'n tz'a eb' xajmb'al 'a yib'an̈, 'icha yaj stzib'x can 'a ch'an̈ ley yic Moisés, atn win schecb' Dios.

Ex 17:15

'Ix sb'on Moisés jun yet'l xajmb'al, xya'n 'och sb'i: A Jehová in bandera yaji, xchi.

Jeremías 23:6

A 'a yol stiempoal yic 'oj ya'nc reyl cha, caw 'oj colchjoc can 'el eb' 'aj Judá, yet' pax eb' 'aj Israel, man̈x 'a tas 'oj sna eb'. Atn jun b'i tic 'oj 'ajxoc sb'ioc: A Jehová Tzon̈ B'onyajec 'A Stojlal, 'ixta 'oj sb'ioc, xchi.

Jeremías 33:16

A 'a yic jun tiempoal cha, a eb' 'aj Judá 'oj colchjoc can 'el eb', ax eb' 'aj Jerusalén, man̈x 'a tas 'oj 'i'noc eb'. Atn jun b'i tic 'oj 'ajxoc 'a eb' 'ixtic: A Jehová Tzon̈ B'onyajec 'A Stojlal, xchi.

Ez 48:35

A yechl jun muro chi 'a smasnil, jun oyn 'och 'a spatc 'el jun chon̈b' cha, b'aln̈e mil metro. Ax sb'i jun chon̈b' cha: Scajnub' Jehová, 'ixta 'oj sb'ioc, xchi Dios 'ayin, xchi Ezequiel.

Nm 26:30

Ax eb' yunnal Galaad tzb'inax 'a yin̈til: Jezer, Helec, Asriel, Siquem, Semida yet' Hefer.

Josué 22:10

A yic xc'och eb' 'a sti a Jordán 'a yol yic Canaán cha, ata sb'o eb' jun yet'l xajmb'al caw niwquil x'aji.

Jueces 21:4

Ax 'a junx c'u 'ix seb' q'ue wan eb', sb'on eb' jun yet'l xajmb'al. 'Ix ya'n eb' xajmb'al to tz'a smasnil 'a yojltac Jehová, yet' xajmb'al yic junc'ojlal.

Jueces 6:23

Palta xta'w Jehová 'ixtc 'a 'a: —Man̈ 'ach xiwoc, ma'oj a chami, xchi.

Jueces 8:27

Sb'on Gedeón jun yechl 'a q'uen oro yic tznan 'el junc tas, ax 'a schon̈b' Ofra, ata xcan jun yechl chi yu'uj. Ax smasnil eb' yit chon̈b' cha, 'ix spatquiln can 'el eb' Jehová yuj jun yechl cha, axta xyal sb'a eb' 'a 'a. A jun chi 'ix jun 'el snab'en Gedeón yet' eb' yunnal.

Jueces 8:32

Caw 'ichm winc xo Gedeón yic 'ix chami. Ata xmucx 'a 'aj mucn smam 'a chon̈b' Ofra, 'a yol smacb'en eb' yin̈tl Abiezer.

A Ch'an̈ B'ab'el Libro Samuel 14:35

Xlajw cha, sb'on Saúl jun yet'l xajmb'al 'a Jehová, at 'ijnoc sb'on jun b'ab'l yet'l xajmb'al cha.

A Ch'an̈ B'ab'el Libro Samuel 7:17

Tzlajw cha, tzmeltzj 'a chon̈b' Ramá, yujto ata 'ay yatut. A pax ta 'ay sdespacho yic tzb'onyaj eb' yit chon̈ab'. Ata sb'o pax jun yet'l xajmb'al yic Jehová.