Jueces 6:2 - Chuj San Sebastian Bible

² A eb' israel cha, caw 'ipn swach' 'ixtx eb' yuj eb' madianita. Caw wal tzxiw eb' 'a eb', yuj cha, sb'on eb' israel chi sjul 'aj tzc'ub'j 'el sb'a 'a spatc eb' lum niwc witz, 'a yojl n̈aq'ue'en, yet' 'ajtil caw 'ajltac sc'och 'anma'.

Chuj San Mateo Bible

² Ix och val eb' d'a syaelal yuj eb' madianita chi'. Ix laj say eb' b'ajtac sc'ub'ejel sb'a d'a lum vitz, d'a yoltac q'uen n̈aq'ueen yed' b'aj max yal sc'och anima. Ata' ix laj cajnaj eb'.

Jueces 6:2 Iomraidhean Croise

Job 30:6

ax 'a yoltc n̈aq'uen xcan cajn eb'. 'Ay eb' xlaj can 'a sat c'acap, 'ay pax eb' xlaj can 'a sat q'ue'en.

Jeremías 41:9

A jun xab' 'aj xyac' 'ejm Ismael sniwnal eb' 'anma smil cham cha, atn jun 'aj tzyam sb'a a a 'ix yac' win rey Asa joyxoc, yic scoln sb'a 'a win Baasa sreyl Israel. A jun xab' cha, caw wal niwquil, palta 'ix b'ut'j yuj sniwnal eb' 'anma smil cham Ismael.

Jeremías 48:28

E masnil ex 'aj Moab, 'actjec can e chon̈ab', 'ixquec cajn 'a satcq'ue'en, 'icha no 'uch, a 'a sat q'uen chi tzb'o no so'.

Lv 26:17

An 'oj woch 'ajc'ojlal 'ayex, ax e lajw 'el yuj eb' 'ajc'ojl cha. 'Oj e can 'a yaln̈ yuj eb', mun xoj 'oj e 'at 'eloc, wach'xam may mach tzex pechni.

A Ch'an̈ Carta D'a Eb' Hebreo 11:38

Man̈ smojc 'e'nc eb' 'a yolyib'n̈q'uinl tic, yujto yel xo wal wach' eb'. A eb' cha, 'icha xoj meb'a'il 'ajnc yec' eb' 'a lum cusltac lu'um, yet' 'a tzalctac. Ata 'e'nc cajn eb' 'a yoltc n̈aq'ue'en, yet' 'a yoltc xab'.

Apoc 6:15

Ax eb' rey 'a yolyib'n̈q'uinal, 'ix laj sc'ub'c 'el sb'a eb' 'a yol niwc n̈aq'ue'en, yet' 'a scal q'uen 'a tzalctac. 'Ixta xyutj pax sb'a jantcn̈ej eb' niwc winac, eb' rico, eb' yajal yet' eb' 'ay yel'chi. Eb' moso man̈ yico'oc sb'a, toxn̈ej eb' mun yic sb'a, c'uxn xlaj 'at eb' 'elc smasnil.

Jueces 10:9

Ax eb' 'aj Amón cha, 'ix c'axw 'ec' eb' 'a yol a Jordán yic tz'at ya'nc eb' owl yet' eb' yin̈tl Judá, eb' yin̈tl Benjamín yet' eb' yin̈tl Efraín. Caw wal tz'ixtx eb' chi yuj eb'.

Jueces 6:3

A yic tzyawn eb' israel yawb'en 'a 'aj 'ayc' cha, ax eb' madianita yet' eb' amalecita, yet' pax jun tzo'n̈ xo eb' cajn 'ec' 'a stojlal 'aj tzq'uel c'u, tz'at eb' 'at yac' owl yet' eb'.

A Ch'an̈ B'ab'el Libro Samuel 13:6

A yic xyiln eb' israel to matz techj yuj eb' 'a eb' filisteo, caw x'och xiwc'ojlal 'a scal eb'. 'Ix 'at eb' sc'ub'c 'el sb'a 'a yoltc n̈aq'ue'en, 'a yoltc xab', 'a sat q'ue'en, 'a slot'l tenam yet' 'a yoltc ch'olan.

A Ch'an̈ B'ab'el Libro Samuel 14:11

Ax yic xch'oxn sb'a eb' schawn̈il 'a 'aj 'ay yet'l eb' filisteo macwjum cha, yic xyiln sb'a eb' 'a eb', 'ix yaln eb' filisteo chi 'ixtic: 'Iltec, yaj eb' hebreo 'a cha, wan laj yeltoc eb' 'a yol sjul 'aj sc'ub'jnac 'el sb'a, xchi eb'.