Jueces 6:19 - Chuj San Sebastian Bible

¹⁹ Xlajw cha, 'ix 'at Gedeón, sb'on jun no yune chiwo, xyi'n cot jun echtab' 'ixm harina, sb'on jun tzo'n̈ pan may yich. Xlajw cha, xya'n 'ejm win no chib'j chi 'a yol jun te xu'uc, ax 'a yol jun lum chen ata xyac' 'ejm win yalil no chib'j cha. Xlajw cha, xyi'n cot smasnil jun tzo'n̈ chi 'a yojltac jun ángel 'aycn 'a yich te mach' cha.

Chuj San Mateo Bible

¹⁹ Ix lajvi chi' ix b'at vin̈aj Gedeón sb'o jun noc' yune' chiva, ix sb'oanpax ixim pan vin̈ d'a jun echlab' ixim harina, malaj yich pan ix yac'b'at vin̈ d'a scal. Ix lajvi chi' ix yac'anem noc' chib'ej chi' vin̈ d'a yol jun te' mooch, axo d'a yol jun lum chen ix yaq'uem yalil noc' vin̈. Ix yic'ancot masanil juntzan̈ chi' vin̈ d'a yichan̈ Ángel chi' d'a yich jun te' mach' chi'.

Jueces 6:19 Iomraidhean Croise

Gn 18:3

'Ix yaln Abraham 'a eb' 'ixtic: —Ex wajlil, tzin tew 'ayex mant ex 'atoc.

Gn 18:5

Ya' sb'a a 'a in tz'ey tic tzex 'eq'ui, tic tzin 'at wic' jac tas tze c'uxu, yic wach' 'oj 'ochx eyip, ax e 'atxi, xchi 'a eb'. —'Ixc 'an, xchi eb' 'a 'a.

Lv 2:4

A yic tz'ajx junc ofrenda c'anb'nac 'a yol jorna 'ayin, b'ob'il cab' yet' 'ixm harina caw wach', 'ixm may yich, pim tz'aj sb'o'i, tzcalx yet' aceite. Tztac' pax sb'o c'oxoxal, b'on̈b'il cab' yet' aceite.

Mt 13:33

'Ix yaln pax Jesús junx 'ab'x tic 'a eb': 'Oj walx 'ayex chajtl tz'aj sq'uib' sb'isl eb' 'anma tz'och 'a yol sc'ab' Dios 'aj satcha'an̈. Lajn tz'aj sq'uib' 'icha jab' yich pan tzya'ch junc 'ix 'ix 'a scal junc arroba harina. Yuj jab' yich pan cha, c'uxn tzpajb' 'ixm smasnil, xchi Jesús.

Jueces 13:20

A yic xq'uen̈ilnjoc sc'a'l jun xajmb'al chi stz'a 'a yib'n̈ yet'l xajmb'al cha, ax xyiln eb', x'och jun yángel Jehová chi 'a scal jun c'ac' cha. 'Ix pax 'a satcha'an̈. A yic xyiln eb' jun cha, 'ix 'em c'umnjoc eb' 'a sat lu'um.

Jueces 6:18

Tzin tew 'ayach, comnoc 'aych to 'ec'n̈ej 'a tic, comnoc manttoc tzach 'ati, masnto tzin japx 'aj 'aych 'ec' tic, tzin nib'j tzwij cot junc in xajmb'al 'a ojltac, xchi Gedeón cha. 'Ix ta'w Jehová 'ixtc 'a 'a: —'Oj in tan̈wc a japxi, xchi.

Jueces 6:20

Xyaln jun yángel Dios chi 'a win 'ixtic: 'Ij cot no chib'j yet' 'ixm pan may yich, tza'n q'ue 'a yib'n̈ q'uen q'uen tic, tza secn 'ejm yalil no cha, xchi. Ax Gedeón syiclj smasnil tas 'ix alx cha.