Jueces 6:14 - Chuj San Sebastian Bible

¹⁴ 'Ix 'och q'ueln Jehová 'a 'a, 'ix yaln 'ixtic: —An tzach in checb'ti. C'anlb'ej jun ep 'ac'b'il wu'uj, yic tza coln 'elt eb' et israelal 'a yol sc'ab' eb' madianita, xchi.

Chuj San Mateo Bible

¹⁴ Ix och q'uelan Jehová chi' d'a vin̈, ix yalani: —A in tzach in checb'ati, ol vac'n̈ej ip yic tza colanel eb' etchon̈ab' d'a yol sc'ab' eb' madianita chi', xchi d'a vin̈.

Jueces 6:14 Iomraidhean Croise

Ex 3:10

Yuj cha, 'ixc ticnec, ach tzach wa'ch 'a sat paxtinc 'a win sreyl Egipto cha, ach 'oj a paxtin 'a winac, ax e'n 'elt eb' in chon̈b' chi 'a jun lugar cha, xchi Dios.

A Ch'an̈ Carta D'a Eb' Hebreo 11:32

Til to wal tas tzin nib'j tzwalb't 'ayex. Palta man̈x 'a tiempo tzwal yab'xil Gedeón, Barac, Sansón, Jefté, David, Samuel, yet' jun tzo'n̈ xo eb' schecb' Dios.

A Ch'an̈ Carta D'a Eb' Hebreo 11:34

'Ay eb' 'a'jnac tup jun tzo'n̈ c'ac' caw ow. 'Ay pax eb' colchjnac 'eli, yic 'ijn scham eb' yuj q'uen espada. A jun tzo'n̈ eb' may yip, caw 'ajxnac yip eb'. 'Ajxnac pax sjelnal eb' ya'n owal. Yuj cha, a ewin soldado ya'jnac owl yet' eb' cha, caw cannc ewin 'a yaln̈ yuj eb'.

Jueces 13:3

Palta ax jun yángel Jehová a 'ix sch'ox sb'a 'a 'ix. 'Ix yaln 'a 'ix 'ixtic: Ach tic, may xon junc one 'ix el satoc, ax ticnec jun, 'oj a cuchcnchan̈ jun a winc 'unin.

Jueces 4:6

'Ay jun c'ual, 'ix yac' 'ix 'awtxoc cot jun winc tzcuch Barac, yunnal Abinoam. Ata cajn 'a Cedes, 'a yol yic Neftalí. Xyaln 'ix 'a win 'ixtic: —A Jehová qui Diosalec a tzaln jun tzo'n̈ tic 'ixtc 'ayach: 'Ixic, tza'n syam sb'a lajn̈ec mil eb' soldado tzcot 'a yin̈tl Neftalí yet' 'a eb' yin̈tl Zabulón. Tze'n 'at eb' 'a jolm witz Tabor.

Jueces 6:11

'Ay jun c'ual 'ay jun yángel Jehová 'ix 'emli, axta x'em wocn 'a yich jun te mach' 'ay 'a Ofra. A jun lum cha, yic win Joás yin̈tl Abiezer. 'Ay pax jun yunnal win tzcuch Gedeón. A Gedeón cha, wan schayw trigo 'a c'ultaquil, sec matz yilsb'a eb' madianita 'a 'a. A 'aj tzte'x 'el yal uva, ata tzchayw trigo cha.

Jueces 6:36

'Ix yaln Gedeón 'ixtc 'a Dios: Toto caw yel an tzin a c'anlb'ej yic tza coln 'el a chon̈ab', 'icha wal xotj alni, ch'ox junc senya 'ayin.

A Ch'an̈ B'ab'el Libro Samuel 12:11

Yuj cha, xya'n cob' Jehová jaywn̈ eb' coljnac 'el eb' qui mam quichmec 'a yol sc'ab' eb' 'ajc'ojl cha. 'Ix jaw win Jerobaal, junx tiempoal 'ix jaw win Barac, junx tiempoal win Jefté, xlajw cha, in jaw an tic sec tzon̈ canc 'a junc'ojlal.