Jueces 4:6 - Chuj San Sebastian Bible

⁶ 'Ay jun c'ual, 'ix yac' 'ix 'awtxoc cot jun winc tzcuch Barac, yunnal Abinoam. Ata cajn 'a Cedes, 'a yol yic Neftalí. Xyaln 'ix 'a win 'ixtic: —A Jehová qui Diosalec a tzaln jun tzo'n̈ tic 'ixtc 'ayach: 'Ixic, tza'n syam sb'a lajn̈ec mil eb' soldado tzcot 'a yin̈tl Neftalí yet' 'a eb' yin̈tl Zabulón. Tze'n 'at eb' 'a jolm witz Tabor.

Chuj San Mateo Bible

⁶ A d'a jun tiempoal chi', ay jun vin̈ vinac scuchan Barac yuninal vin̈aj Abinoam cajan d'a Cedes, d'a yol yic eb' yin̈tilal Neftalí. Ix avtaj vin̈ yuj ix Débora chi', ix yalan ix d'a vin̈: —A Jehová co Diosal tz'alan d'ayach icha tic: Molb'ej 10 miloc eb' soldado d'a scal eb' yin̈tilal Neftalí yed' d'a scal eb' yin̈tilal Zabulón, tzic'anb'at eb' d'a lum svitzal Tabor.

Jueces 4:6 Iomraidhean Croise

Salmos 7:6

Mamin Jehová cotn̈ yet' yowl a c'ojol, 'ac' sat yowl sc'ojl eb' 'ajc'ojl yajch 'ayin. B'onyaj wal 'a stojlal 'icha tza nib'ej.

Salmos 89:12

Smasnil tas 'ay 'a stojlal norte masnto tzc'och 'a stojlal sur, ach xa b'o'o. A lum niwquil witz Tabor yet' lum Hermón, til wal sja'l ach sb'itnan eb' lu'um.

Salmos 89:13

Caw wal 'ay a poder, tztac' oj smasnil.

Jeremías 46:18

An ton rey in, 'aynn̈ej 'eq'ui. Tzin cuch Jehová tztac' wuj smasnil, tzwac' in ti', to 'icha lum witz Tabor caw yel xo chan̈ yajb't 'a yib'n̈ jun tzo'n̈ xo eb' lum witz, 'icha pax lum witz Carmelo, yel xo chan̈ yajb't 'a yib'n̈ a mar, 'ixta wal yip jun 'ajc'ojl tzjaw 'ayex.

Os 5:1

Ex 'aj chon̈b' Israel, yet' ex ya'mal 'och sti eb' 'anma 'ayin, 'ab'tec wal tas 'oj wala', tze maclni eyab' ex yin̈tl eb' rey: A 'a eyib'n̈ ax tic, ata 'oj jawc jun yailal cha, yujto ax tic, 'icha wal junc ch'an̈ ya'al, 'ixta eyaj 'a chon̈b' Mizpa yet' pax 'a lum jolm witz Tabor.

A Tas Sc'ulejnac Eb' Schecab' Jesús Hechos 13:47

Yujto yaljnac can Cajlil 'ayn̈ 'ixtc on̈: Ach wa'cn 'och sacq'uinlal 'a jun tzo'n̈ nacion̈ masnto 'aj tzlajw c'och yolyib'n̈q'uinal, yuj e'n 'at colnb'il ta', xchi Cajlil, xchi eb'.

A Ch'an̈ Carta D'a Eb' Hebreo 11:32

Til to wal tas tzin nib'j tzwalb't 'ayex. Palta man̈x 'a tiempo tzwal yab'xil Gedeón, Barac, Sansón, Jefté, David, Samuel, yet' jun tzo'n̈ xo eb' schecb' Dios.

Josué 1:9

An tzwala, te'wtzej a b'a, man̈ ach xiwoc, may cab' a chab'c'ojlal, yujto Jehová in, a Diosal in, 'aynn̈ej 'och et' 'aj tzach 'eq'ui, xchi Dios 'a Josué.

Josué 19:32

Lum swaquil, 'ix 'och suerte 'a yib'n̈ lu'um, ax eb' yin̈tl Neftalí a eb' x'i'n lu'um, a tzyal jayc'aj eb'. 'Ay b'aln̈lajn̈e chon̈b' chi 'a smasnil yet' yaldeail xyique'ej eb' yin̈tl Neftalí. A slum eb' cha, tz'atn̈j lum 'a Helef, Alón-saananim, Adami-neceb yet' Jabneel, masnto tzc'och 'a Lacum, axta tz'el'ch 'a a Jordán. Ax 'a smon̈jonal 'aj tz'em c'u tz'atn̈j Azrot-tabor, tzc'och 'a Hucoc, yuj cha, 'a 'a stojlal sur ata tzchaj sb'a smon̈jonal slum eb' chi yet' eb' yic Zabulón, a 'aj tz'em c'u cha, tzchaj sb'a slum eb' chi yet' eb' yic Aser, ax 'a stojlal 'aj tzq'uel c'u ata tzc'och smon̈jon eb' chi 'a a Jordán.

Josué 19:35

Xcan jaye chon̈b' 'aych smuroal 'a eb': Atn Sidim, Zer, Hamat, Racat, Cineret, Adama, Ramá, Hazor, Cedes, Edrei, En-hazor, Irón, Migdal-el, Horem, Bet-anat yet' Bet-semes.

Jueces 4:10

Ata syamtzej Barac chi lajn̈e mil eb' soldado, ata x'elt eb' 'a scal eb' yin̈tl Zabulón, yet' 'a eb' yin̈tl Neftalí. Xlajw cha, x'at eb' yet'oc, x'at pax 'ix Débora cha.

Jueces 5:1

A wal 'a yic jun c'u cha, 'ix b'itn 'ix Débora yet' win Barac, yunnal Abinoam, xyaln eb' 'ixtic:

Jueces 6:35

'Ix ya'n 'at pax schecb' 'a eb' yin̈tl Manasés, sec tz'och eb' yet'oc. 'Ix ya'n 'at pax schecb' 'a eb' yin̈tl Aser, yet' 'a eb' yin̈tl Zabulón, yet' pax 'a eb' yin̈tl Neftalí, yuj cha, junn̈j xyutj sb'a eb' yet'oc.

Jueces 8:18

Xlajw cha, sc'anb'n 'a win Zeba yet' 'a win Zalmuna chi 'ixtic: —¿Tas yilx eb' winc mac'b'il cham eyuj 'a Tabor? xchi 'a eb'. —Caw lajn wal quiln eb' 'icha ach tic, 'icha wal yilx yunnal junc win rey, 'ixta yilx eb', xchi ewinac.

A Ch'an̈ B'ab'el Libro Samuel 10:3

'Oj lajwc cha, ax a b'eyx 'at 'a ojltac, ax yic 'oj e c'och 'a 'aj 'ay te mach' 'a Tabor, 'oj e cha e b'a yet' 'oxwn̈ winac, tz'at eb' 'at yac' 'emmquilal 'a Dios 'a Betel. A win b'ab'el, yet' win 'oxwn̈ no chiwo, win schab'il, yet' win 'oxe 'ixm pan, win yoxil yet' win jun tz'u'um, 'a 'aj 'ay 'ejm te yal uva.

A Ch'an̈ B'ab'el Libro Samuel 12:11

Yuj cha, xya'n cob' Jehová jaywn̈ eb' coljnac 'el eb' qui mam quichmec 'a yol sc'ab' eb' 'ajc'ojl cha. 'Ix jaw win Jerobaal, junx tiempoal 'ix jaw win Barac, junx tiempoal win Jefté, xlajw cha, in jaw an tic sec tzon̈ canc 'a junc'ojlal.