Jueces 4:2 - Chuj San Sebastian Bible

² Yuj cha, xya'n Dios eb' 'a yol sc'ab' win Jabín sreyl Canaán, win ya'jnac reyl 'a Hazor. A win syajlil eb' soldado win rey cha, atn win tzcuch Sísara. Ata cajn win 'a Haroset-goim.

Chuj San Mateo Bible

² Ix ac'jioch eb' d'a yol sc'ab' vin̈aj Jabín, sreyal eb' cananeo cajan d'a chon̈ab' Hazor yuj Jehová chi'. A vin̈ yajalil eb' soldado vin̈ rey chi', aton vin̈aj Sísara, cajan d'a Haroset-goim.

Jueces 4:2 Iomraidhean Croise

Salmos 83:9

'Icha 'ix otj eb' 'aj Madián, 'icha 'ix otj win Sísara yet' pax win Jabín 'a sti a Cisón, 'ixta cab' tz'aj eb' o'oj.

Is 50:1

A Jehová a tzaln 'ixtc 'a schon̈ab': Ex Israel, ¿tzam e na to an pechjnacx 'el 'icha junc winc tzpechl yistzil? Toto 'ixta' ¿'ajtil 'ay yun̈al pojjb'al 'a in cal eyet'oc? ¿Tzam e na'a to an tzex in chon̈b't yuj in b'oc yic tzex 'och mosoal? Ax tic yuj e mul eyijx 'at 'icha presoal, yuj e maysch'olnilal ex in pechn 'eli.

Mt 18:25

Palta a jun winc cha, caw may stumin, man̈xtzac stac' ya'n meltzjoc jun tzo'n̈ sb'oc cha. Yuj cha, tzyaln win rey cha, to yowlal tzchon̈x 'el win yet' yistzil, yet' yunnal yet' jantcn̈ej tas 'ay 'a 'a, sec toq'ue tztup sb'oc win cha.

Josué 11:1

A yic xyab'n win Jabín sreyl Hazor yuj smasnil jun tzo'n̈ tic, 'ix ya'n 'at win schecb' 'a win Jobab sreyl Madón, 'a win sreyl Simrón yet' 'a win sreyl Acsaf, yic tzyaln 'at sti', to junn̈j tzyutj sb'a eb'.

Jueces 10:7

Yuj cha, 'ix cot yowl sc'ojl Dios 'a yib'n̈ eb'. A 'a jun ab'il cha ata 'ix 'ajx 'och eb' israel chi 'a yol sc'ab' eb' filisteo yet' 'a eb' 'aj Amón. Caw wal 'ix 'ixtx eb' israel yuj eb' 'ajc'ojl cha. Wajxclajn̈e ab'il 'ix can eb' 'a yol sc'ab' eb'. 'Ix yac' eb' sgana yixtn eb' cajn 'a lum Galaad, yet' eb' cajn 'a sc'axpil 'ec' sti a Jordán 'a slum can eb' amorreo.

Jueces 4:13

yuj cha, syamtzan win Sísara chi b'aln̈e ciente scaruaje yic owal, yet' smasnil eb' soldado 'ayc' yet'oc, x'atn̈j eb' 'a Haroset-goim, masnto 'a sti a Cisón.

Jueces 4:16

Ax win Barac, spech win eb' soldado win Sísara yet' pax eb' 'et'jnac q'uen q'uen caruaje cha, masnto xc'och eb' 'a Haroset-goim. C'uxn xcham eb' soldado chi smasnil ta', man̈x 'a junc eb' xcani.

A Ch'an̈ B'ab'el Libro Samuel 12:9

Palta 'ix 'at satc'ojlal Jehová qui Diosalec yuj eb'. Yuj cha, jab'jb' scal tz'ajx 'och eb' 'a yol sc'ab' eb' 'ajc'ojol. 'Ay jun tiempoal x'ajx eb' 'a yol sc'ab' win Sísara win yajl yaj 'a eb' soldado 'a chon̈b' Hazor, an̈jtona x'ajx pax eb' 'a yol sc'ab' eb' filisteo yet' pax 'a yol sc'ab' win sreyl Moab. Junjn c'aj eb' tic xyac' eb' owl yet' eb' israel.