Jueces 4:16 - Chuj San Sebastian Bible

¹⁶ Ax win Barac, spech win eb' soldado win Sísara yet' pax eb' 'et'jnac q'uen q'uen caruaje cha, masnto xc'och eb' 'a Haroset-goim. C'uxn xcham eb' soldado chi smasnil ta', man̈x 'a junc eb' xcani.

Chuj San Mateo Bible

¹⁶ Ix och vin̈aj Barac yed' eb' soldado d'a spatic eb' soldado vin̈aj Sísara chi' yed' scarruaje eb', masanto ix c'och eb' d'a Haroset-goim. A d'a jun c'u chi', man̈xo junoc soldado vin̈aj Sísara ixto cani, ix cham eb' smasanil.

Jueces 4:16 Iomraidhean Croise

Salmos 104:35

Sat cab' 'el eb' maysch'olnil snab'en 'a sat lum lum tic, yactc cab' eb' maysch'olnil tic scajn lu'um. 'A smasnil in c'ojol, caw 'oj wal wach' paxti 'aych Mamin Jehová. ¡Alx cab' wach' paxti 'a Jehová!

Salmos 83:10

Ata 'ix chamcn eb' 'a Endor, 'ix 'ochcn eb' syaxilc sat lum lu'um.

Salmos 83:9

'Icha 'ix otj eb' 'aj Madián, 'icha 'ix otj win Sísara yet' pax win Jabín 'a sti a Cisón, 'ixta cab' tz'aj eb' o'oj.

Ex 14:28

'Ixta 'ix 'aj a schan can pax sb'a, 'icha xon yaji. 'Ix mucchj can 'ejm scaruaje ewinac, ewin 'et'jnac e no chej yet' smasnil eb' soldado win rey cha, atn eb' xcob' 'och tza'n yuj eb' israel cha; c'uxn 'ix 'atcn eb' 'a yojl a', man̈x 'a junc eb' xcani.

Is 43:17

'Ix yac' 'eltoc jun b'uln̈ eb' soldado, yet' eb' scaruaje, yet' pax eb' schej, palta 'ix satl eb' yu'uj. 'Ix telw can 'ejm eb', man̈x 'ic stac' sq'uex wan eb', 'ix satl eb' 'icha tz'aj stup sc'a'l junc cantil.

Ro 2:12

Jantcn̈ej eb' man̈ 'ojtnacoc ley yic Moisés, toto maysch'olnil sb'eyb'al eb', 'oj 'ajx can 'at eb' 'a chaml 'a jun 'ejmn̈ej. Man̈ yujoc jun ley cha, ax yajx can 'at eb'. Palta a jantcn̈ej eb' 'ojtnac jun ley cha, toto an̈ja maysch'olnil sb'eyb'al eb', yujn̈ej jun ley cha, ax sb'eyc'ojlax eb'.

Santiago 2:13

Toto matz 'o'ch qui c'ojlec 'a eb' quit 'anma'il, ax Dios, ma'oj 'o'ch sc'ojl 'ayn̈ec jun xo, yic 'oj on̈ sb'oncyaji. Palta toto tz'o'ch qui c'ojlec 'a eb' quit 'anma'il, to 'ixta', 'oj 'o'ch pax sc'ojl Dios 'ayn̈ec yic 'oj on̈ sb'oncyaji.

Josué 10:10

Ax Jehová 'ix ya'n 'och xiwlal 'a snab'en eb' amorreo cha. Caw niwn eb' xchamcn 'a Gabaón yuj eb' israel cha. Xlajw cha, 'ix 'at eb' israel chi 'a spatc eb' 'a jun b'e tzq'ue'ch a chon̈b' Bet-horón. Til wal eb' smilcn eb' israel chi 'a yol b'e yic xc'och eb' 'a chon̈b' Azeca yet' 'a chon̈b' Maceda.

Josué 11:8

Ax Jehová x'a'n 'och eb' 'a yol sc'ab' eb' israel, yuj cha, xlaj cham eb' yuj eb'. 'Ix 'och tza'n eb' israel chi yuj eb', masnto 'a niwquil chon̈b' Sidón, yet' 'a Misrefot-maim, 'a stojlal 'aj tzq'uel c'u, masnto 'a lum ya'lical Mizpa. Man̈x xon junc xcan ta', c'uxn xcham eb' 'anma chi smasnil.

Jueces 4:17

Palta ax win Sísara, 'ix c'och win 'elc 'a 'aj 'ay smantiado 'ix Jael, atn 'ix yistzil win Heber quenita, yujto wach' yaj win Jabín sreyl Hazor yet' eb' yunnal win Heber cha.

Jueces 4:2

Yuj cha, xya'n Dios eb' 'a yol sc'ab' win Jabín sreyl Canaán, win ya'jnac reyl 'a Hazor. A win syajlil eb' soldado win rey cha, atn win tzcuch Sísara. Ata cajn win 'a Haroset-goim.