Jueces 4:14 - Chuj San Sebastian Bible

¹⁴ Xlajw cha, xyaln 'ix Débora chi 'a Barac 'ixtic: —'Ixc muc'uc, yujto a ticnec xc'och sc'ul ya'n 'och Jehová win Sísara 'a yol qui c'ab'. B'ab'l xo s'at Jehová 'a cojltac, xchi 'ix. Xlajw cha, x'em paxt Barac 'a lum jolm witz Tabor, tza'n 'och lajn̈e mil soldado yu'uj.

Chuj San Mateo Bible

¹⁴ Ix yalan ix Débora d'a vin̈aj Barac chi' yed' eb' soldado icha tic: —Eman̈ec, b'ab'elxo Jehová eyuuj, a' ol ac'anoch vin̈aj Sísara d'a yol e c'ab' ticnaic, xchi ix. Ix emta vin̈aj Barac yed' 10 mil eb' soldado d'a svitzal Tabor chi'.

Jueces 4:14 Iomraidhean Croise

Gn 19:14

Xlajw cha, 'ix 'at Lot 'at yal 'a eb' sn̈i', ewin to jab'xoj yi'n sb'a yet' eb' 'ix yisl win cha, 'ix yaln 'a eb' 'ixtic: —¡C'olc eyip, q'uen̈ec wa'an, 'elcoyec! Yujto wal satl jun chon̈b' tic yuj Jehová, xchi 'a eb'. Palta ma'ix chaj eb' yab' tas 'ix yal Lot cha, ton̈j tzyal win snan eb'.

Gn 44:4

Jab' nant tz'elt eb' 'a sti 'elt chon̈b' cha, xyaln José 'a win smayltoma chi 'ixtic: —'Ixc 'a spatc jun tzo'n̈ winc chi muc'uc, a yic tzyamchj ewin o'oj, tzaln 'ixtc 'a eb': ¿Tas yuj a swach'c'ojlal in patron̈, tu tzeyutj e pacn can paxi? ¿Tas yuj xeyel'j cot jun svaso nab'a plata,

A Ch'an̈ Schab'l Libro Samuel 5:24

A yic 'oj ab'nc sc'an̈ sb'eyc' jun 'icha 'anma 'a scal sc'ab' te bálsamo cha, 'ixta to b'i'an, tza yamn 'och ac' owl yet' eb', yujto a jun chi 'oj ch'oxnoc, chajtlto an Jehová in tic, b'ab'l inx o'oj, yic tzin miln cham eb' filisteo cha, xchi.

Is 52:12

Palta man̈toc ji'lti 'oj eyelt muc'uc, may cab' mach to 'oj sna to 'oj 'at 'eloc, yujto a Jehová qui Diosalec an̈ israel on̈c tic, a 'oj b'ab'ljoc 'ayex, ax yoch tza'n eyu'uj yic tzex stan̈wni.

Miqueas 2:13

An e Diosal in tic, 'oj in b'ab'lj eyu'uj, yuj in jacn e b'e, ax eyoch tza'n wu'uj. 'Oj eyelcn 'a sti 'el spuertail chon̈ab', 'ixta 'oj eyaj e colchjcan 'eli. An Jehová in, e Reyl in, an b'ab'l in eyu'uj, xchi Dios.

Dt 9:3

Yuj cha, yowlal tzeyojquej 'el ticnec, to a Jehová qui Diosalec, a 'oj b'ab'ljoc eyu'uj, 'icha wal junc c'ac' tzn̈uswji. A 'oj satnc 'el eb' 'anma chi 'a eyojltac. Ax xo tic, 'oj e pechl eb', ax e satn 'el eb' muc'uc, 'icha wal 'ix yutj Jehová yaln 'ayn̈ec.

Josué 10:8

'Ix yaln Jehová 'ixtc 'a Josué cha: —Man̈ ach xiw xon jac yuj ewinac, yujto an 'oj wac' ewin 'a yol e c'ab', may xon wal junc win 'oj ste'wtzoc sb'a ya'n owl eyet'oc, xchi.

Josué 7:13

Q'uen̈ wa'an, al 'a eb' chon̈b' tic to tzyac' lista sb'a eb' yic tzjaw eb' 'a wojltac q'uic'an, yujto an Jehová e Diosal in, an tzwal 'ixtic: Ex yin̈tl Israel, a 'a e cal tic, 'ay tas xeyij cot 'a tas xwal to tzsatli. Ya sb'a mantzac eyij 'el jun tzo'n̈ chi 'a e cal, matz tac' e te'wtzan e b'a 'a yojltac eb' 'ajc'ojl yajch 'ayex.

Jueces 19:28

'Ix yaln win 'ixtc 'a 'ix: —Q'uen̈ wa'an, con̈, xchi winac. Palta man̈x 'ic ta'w 'ix 'a winac. Yuj cha, 'ix sme'n q'ue wan win sniwnal 'ix, xya'n q'ue win 'a yib'n̈ no sb'uru, xyi'n 'at 'a yatut.

Jueces 4:10

Ata syamtzej Barac chi lajn̈e mil eb' soldado, ata x'elt eb' 'a scal eb' yin̈tl Zabulón, yet' 'a eb' yin̈tl Neftalí. Xlajw cha, x'at eb' yet'oc, x'at pax 'ix Débora cha.

Jueces 7:9

A 'a jun 'ac'wl cha, 'ix yaln Jehová 'ixtc 'a Gedeón: Lem, 'ixc muc'uc, 'at 'a'c owl yet' eb' madianita cha, yujto an tzwac' eb' 'a yol e c'ab'.

A Ch'an̈ B'ab'el Libro Samuel 9:26

Ax 'a junx c'u cha, 'ix seb' q'ue wan Samuel, 'ix yawtn 'emt Saúl 'a 'aj waync 'a cha'an̈, 'ix yaln 'a 'ixtic: —Lem q'uen̈ wa'an to tzach 'atxi, xchi. 'Ix q'ue wan Saúl. Xlajw cha, 'ix 'el eb' 'a yol caye schawn̈il, atn Saúl yet' Samuel cha.