Jueces 3:8 - Chuj San Sebastian Bible

⁸ Yuj wal cha, xcot yowl sc'ojl Jehová 'a yib'n̈ eb', 'ix 'ajx 'och eb' 'a yol sc'ab' win Cusan-risataim sreyl Mesopotamia. Wajxque ab'il 'ix 'och eb' israel chi yac' servil jun rey cha,

Chuj San Mateo Bible

⁸ Yuj chi' ix cot yoval sc'ol Jehová chi' d'a eb', ix ac'jioch eb' d'a yol sc'ab' vin̈aj Cusan-risataim, sreyal Mesopotamia. Vajxaque' ab'il ix can eb' d'a yalan̈ smandar vin̈.

Jueces 3:8 Iomraidhean Croise

Gn 24:10

Xlajw cha, 'ix si'n 'elt siylab' caw wach' 'ay 'a scal smasnil tas 'ay 'a spatron̈ cha, 'ix yi'n 'at lajn̈wan̈ no cameyo yet'oc, yic 'ix 'at 'a schon̈b' can win Nacor 'a yol yic Mesopotámia.

Salmos 106:41

'Ixta x'aj scan eb' 'a yol sc'ab' eb' chuc chon̈b'al cha, ax eb' 'ajc'ojl chi 'ix yac' yajlil 'a yib'n̈ eb'.

Salmos 129:1

Ex wit israelal, til wal jun tzo'n̈ yailal 'ix ya'ch eb' 'ajc'ojl chi 'a quib'n̈ec yic cochc can chon̈b'al. Calc cab' 'ixtic:

Salmos 44:12

Nab'an̈ej xcob' on̈ a chon̈cn 'el an̈ 'a chon̈b' on̈ tic, toc niwn jac qui tojl xa cha'aj.

Salmos 6:1

Mamin Jehová man̈ in a tumc yet' yowl a c'ojol, man̈ a'ch in yailal yet' yowl a c'ojol.

Salmos 85:3

Yelc'ojlal 'ix ej 'och wan yowl a c'ojl 'a quib'n̈ on̈ yet' a c'a'lc'ojlal.

Ex 22:24

Caw 'oj cot wowl 'ayex, ax ex in miln cham yet' q'uen espada. 'Oj can eyistl 'a man̈x 'a yichmil, ax scan pax eyunnal 'a man̈x 'a smam.

Is 50:1

A Jehová a tzaln 'ixtc 'a schon̈ab': Ex Israel, ¿tzam e na to an pechjnacx 'el 'icha junc winc tzpechl yistzil? Toto 'ixta' ¿'ajtil 'ay yun̈al pojjb'al 'a in cal eyet'oc? ¿Tzam e na'a to an tzex in chon̈b't yuj in b'oc yic tzex 'och mosoal? Ax tic yuj e mul eyijx 'at 'icha presoal, yuj e maysch'olnilal ex in pechn 'eli.

Lv 26:17

An 'oj woch 'ajc'ojlal 'ayex, ax e lajw 'el yuj eb' 'ajc'ojl cha. 'Oj e can 'a yaln̈ yuj eb', mun xoj 'oj e 'at 'eloc, wach'xam may mach tzex pechni.

Habacuc 3:7

'Ix wil yochcn eb' 'aj chon̈b' Cusán 'a somc'ojlal, ax eb' cajn 'a lum Madián, 'ix 'ochcn eb' 'a xiwc'ojlal.

Ro 7:14

Cojquec, a Yespíritu Dios 'a'jnac cot jun ley cha. Palta an tic, an̈ja wet' jun in tu nab'enal tic. 'Icha to chon̈b'iln 'och ya'malc servil maysch'olnil.

Dt 29:20

A Jehová man̈x 'oj yac' niwnc'ojlal, palta tojl xoj ya'n cot yowl sc'ojl 'a yib'n̈ jun 'anma cha. A smasnil yowl sc'ojl Dios alb'il can 'a yojl ch'an̈ un̈ tic, a 'oj jawc 'a yib'an̈, ax satn 'el yin̈tl jun 'anma chi 'a sat lum lum cha.

Dt 32:30

¿Tas yuj cojn yuj junc eb' 'ajc'ojol on̈ 'atc 'elc junc mil on̈ec? ¿Tas pax yuj cojn chawn̈ eb' xon̈ pechn 'at lajn̈e mil on̈ec? May tas tztac' yuj eb', toto man̈oc Jehová qui Colmal on̈ 'a'nec 'a yol sc'ab' eb'.

Jueces 2:14

Yuj wal cha, xcot yowl sc'ojl Jehová 'a eb'. 'Ix 'ajx 'och eb' 'a yol sc'ab' nan̈l eb' soldado xwul 'elc'noc tas 'ay 'a eb'. 'Ix 'ajx 'och pax eb' 'a yol sc'ab' eb' 'ajc'ojl 'ayc' 'a stz'ey, man̈x 'ic stac' scoln sb'a eb' 'a eb' 'ajc'ojl cha.

Jueces 2:20

Yuj cha, xcot yowl Jehová 'a eb', xyaln yuj eb' 'ixtic: A jun tzo'n̈ 'anma tic, caw matz yiclj eb' jun trato ya'jnac can smam yichm eb' wet'oc, matz tzyab' eb' tas tzwala.

Jueces 3:10

Ax Yespíritu Jehová x'och 'a Otoniel, sjucb'tzan eb' yit israelal cha, xya'n owal. A Jehová a x'och yet' eb', x'ajx eb' 'ajc'ojl chi 'a yol sc'ab'. 'Ix lajw 'el eb' yu'uj.

Jueces 3:7

Caw tu tas sb'o eb' israel 'a sat Jehová sDiosal, xya'n eb' sat sc'ojl 'a 'a. Cojxn 'a jun tzo'n̈ yechl comn dios tzcuch Baal yet' 'a jun tzo'n̈ yechl Asera ata xyac' 'ejm sb'a eb'.

Jueces 3:9

masnto xtew eb' 'a Jehová, ax si'n 'elt jun colwjum 'a scal eb' israel cha. A xcoln 'elt eb', atn Otoniel win yunnal Cenaz, slajb' 'u'tac Caleb.

Jueces 4:9

Xyaln 'ix 'a win 'ixtic: 'Oj in 'at et'oc, palta man̈oc ach 'oj a b'inax 'a yic 'oj 'ajxoc ganar jun owl cha, yujto a 'a yol sc'ab' jun 'ix 'ix 'oj ya'ch Jehová win Sísara cha, xchi 'ix. Xlajw cha, x'at 'ix Débora chi yet' win Barac 'a Cedes.

A Ch'an̈ B'ab'el Libro Samuel 12:9

Palta 'ix 'at satc'ojlal Jehová qui Diosalec yuj eb'. Yuj cha, jab'jb' scal tz'ajx 'och eb' 'a yol sc'ab' eb' 'ajc'ojol. 'Ay jun tiempoal x'ajx eb' 'a yol sc'ab' win Sísara win yajl yaj 'a eb' soldado 'a chon̈b' Hazor, an̈jtona x'ajx pax eb' 'a yol sc'ab' eb' filisteo yet' pax 'a yol sc'ab' win sreyl Moab. Junjn c'aj eb' tic xyac' eb' owl yet' eb' israel.