Jueces 3:7 - Chuj San Sebastian Bible

⁷ Caw tu tas sb'o eb' israel 'a sat Jehová sDiosal, xya'n eb' sat sc'ojl 'a 'a. Cojxn 'a jun tzo'n̈ yechl comn dios tzcuch Baal yet' 'a jun tzo'n̈ yechl Asera ata xyac' 'ejm sb'a eb'.

Chuj San Mateo Bible

⁷ Te chuc tas sc'ulej eb' israel d'a yichan̈ Jehová Dios, ix b'atcan satc'olal yuj eb', axon̈ej d'a yechel Baal yed' d'a yechel Asera tz'och eb' ejmelal.

Jueces 3:7 Iomraidhean Croise

A Ch'an̈ B'ab'el Libro Yic Yab'ixal Eb' Rey 16:33

An̈jtona 'ix ya'n win Acab chi b'o jun yechl comn dios Asera sb'i. Yuj cha, 'ix yi'n cot win yowl sc'ojl Jehová 'a yib'an̈, yujto yel xo wal 'ec'b'al say win smulc 'a yib'n̈ jun tzo'n̈ eb' rey b'ab'l 'e'nc yu'uj.

A Ch'an̈ B'ab'el Libro Yic Yab'ixal Eb' Rey 18:19

A ticnec, checb't yi'mal cot smasnil eb' quit israelal, yet' eb' 450 schecb' Baal, yet' pax chan̈e ciente eb' schecb' Asera, atn eb' tz'ajx wa yuj 'ix Jezabel. Al 'a eb' to ata tzin chaj in b'a yet' eb' 'a lum jolm witz Carmelo, xchi Elías 'a Acab cha.

A Ch'an̈ Schab'il Libro Yic Yab'ixal Eb' Rey 23:14

An̈jtona', 'ix ya'n win ma'xoc poj jun tzo'n̈ q'uen q'uen to niwn yel'chi, yet' jun sch'oxnb'il Asera cha. Xlajw cha, 'ix ya'n win julxoc can 'at sb'acl eb' chamnc 'anma 'a 'aj 'ayc' eb' cha.

A Ch'an̈ Schab'il Libro Yic Yab'ixal Eb' Rey 23:6

'Ix ya'n win rey 'ijxoc 'el jun yechl Asera 'a sti 'el chon̈b' Jerusalén, atn jun 'aych 'a yol yatut Jehová. Ata xyac' win n̈usxoctz'a 'a sti a Cedrón, xlajw cha, 'ix ya'n tenxoc chojoc, 'ix stzicn can 'at stan̈il chi 'a yib'n̈ 'aj mucn eb' comn 'anma'.

2 Cr 15:16

An̈jtona', 'ix yi'n 'el Asa chi sb'inab'ilal snun chichim, atn 'ix Maaca, yujto ya'jnac b'o 'ix jun yechl comn dios Aserá. Ax Asa cha, caw choc' 'ix yutj jun yechl cha, ax 'a sti a Cedrón, ata xit' yac' tz'a'oc.

2 Cr 24:18

'Ixta xyutj eb' yactn can yatut Jehová sDiosal yet' smam yicham. 'Ix ya'n 'och sb'a eb' 'emmquilal 'a jun tzo'n̈ sch'oxnb'il comn dios Aserá, yet' 'a jun tzo'n̈ yechl b'ob'il yuj 'anma'. Yuj cha, xcot yowl sc'ojl Dios 'a yib'n̈ Judá yet' a Jerusalén yuj smul eb' cha.

2 Cr 33:19

Tz'ib'b'il pax slesal, yet' tas x'aj yo'ch sc'ojl Dios 'a yuj slesl cha. An̈jtona', tz'ib'b'il smasnil smul yet' stenmtaquil, yet' jun tzo'n̈ macsej sb'o chan̈ 'a jolmctac witz yet' 'a 'aj sb'o 'ejm yechl comn dios tzcuch Aserá yet' jun tzo'n̈ xo yechl comn dios, yic mantzac yij 'ejm sb'a 'a Dios. A jun tzo'n̈ cha, ata tz'ib'b'il can 'a ch'an̈ libro yic yab'xil eb' schecb' Dios.

2 Cr 33:3

'Ix sb'o chan̈ jun tzo'n̈ macsej 'a jolmctac witz jun 'ejm xo, atn jun tzo'n̈ satb'il 'el yuj Ezequías, atn smam; sb'on pax chan̈ yet'l xajmb'al yic comn dios tzcuch Baal, yet' jun tzo'n̈ yechl comn dios tzcuch Aserá; xyaln pax sb'a 'a jun tzo'n̈ c'anal, 'a 'uj yet' 'a c'u.

2 Cr 34:3

A 'a yic swajxquil ab'il yoch reyal, yic quelm 'unn wali, 'ix schan 'el yich yaln sb'a 'a sDiosal David, atn smam yicham. Ax 'a slajchwil ab'il yoch reyal, syamn 'och satn 'el jun tzo'n̈ tas man̈ wach'c 'a Judá yet' 'a yol chon̈b' Jerusalén. 'Ix ya'n satxoc 'el jun tzo'n̈ macsej 'a jolmctac witz, jun tzo'n̈ sch'oxnb'il comn dios tzcuch Aserá, jun tzo'n̈ yechl to tzeyb'il b'o'oc, yet' pax jun tzo'n̈ yechl to tenb'il b'o'oc.

2 Cr 34:7

A yic 'ix lajw sma'n poj jun tzo'n̈ yet'l xajmb'al, jun tzo'n̈ sch'oxnb'il Aserá cha, jun tzo'n̈ yechl tzeyb'il b'o'oc, yet' pax smasnil jun tzo'n̈ xo yechl 'a smasnil yol yic Israel, 'ixta to b'i'an, 'ix paxx cot 'a Jerusalén.

Salmos 106:35

A yic eb' to scalj sb'a eb' yet' eb' chuc chon̈b'al cha. 'Ix sb'eylb'an eb' sb'eyb'al eb',

Salmos 106:36

xya'n servil eb' sdiosal eb' chuc chon̈b'al. Atn wal yuj jun tzo'n̈ cha, 'ix juw 'el eb'.

Salmos 106:7

A yic 'ayc' eb' qui mam quichm 'a Egipto on̈, 'icha to may yel'ch tas xa b'o 'a sat eb'; 'ix ya'n sat eb' sc'ojl 'a a niwn chamc'ojlal, ax 'a sla'nil sti a Chac Mar, ata x'och eb' 'ajc'ojlal 'ayach.

Ex 34:13

A jun tze b'o'o, to 'oj e ma'cn poj yet'l xajmb'al eb', yet' jun tzo'n̈ q'uen 'aj tzlaj leslwi eb', yet' pax jun te sch'oxnb'il comn dios tzcuch Asherá.

Jeremías 23:27

A jun tzo'n̈ eb' cha, tzna eb' tas tzin 'aj in 'atcn satc'ojlal yuj eb' in chon̈ab', yuj swaych eb' tzyal-laj 'a jun jun. 'Icha wal yutjnac sb'a eb' e mam eyicham, 'atnc in satc'ojlal yuj eb', cojxn̈ej Baal xyac' servil eb'.

Dt 16:21

Man̈ e comn 'awc junc te te', yic tz'och sch'oxnb'ilc jun comn dios tzcuch Asherá. Man̈ e comn 'awc te 'a stz'ey yet'l xajmb'al yic Jehová qui Diosalec.

Dt 4:9

Yuj cha, caw wal tzeyil e b'a, man̈ eyac' sat e c'ojl 'a tas xeyil tic. Man̈ eyi'l e nab'en 'a jun tzo'n̈ ley tic, ya' sb'a pitznex. A eyico', to tzeyalcn yab' eb' eyunnal yet' eb' eyiechiquin.

Dt 8:11

Caw wal tzeyil e b'a, man̈ eyac' sat e c'ojl 'a Jehová qui Diosalec. Yowlal tzeyiclj schecnb'il, sley yet' jun tzo'n̈ cuynb'il tzwalcn 'ayx tic.

Dt 8:14

man̈ e b'an̈ e b'a yet'oc. Xeya't wal sat e c'ojl 'a Jehová qui Diosalec, atn jun on̈ 'i'nec 'elt 'a Egipto, 'a 'aj 'ayn̈ec 'och mosoal.

Dt 8:18

Yowlal tze na coti to a Jehová a tz'a'n eyip, tzya'n e nab'en yic tzex 'och ricoal. 'Ixta wal tzyutj ya'n 'el'choc strato sb'ojnac yet' eb' qui mam quichmec, 'icha wal tas wan yuj ticnec.

Jueces 3:12

'Ix 'ochx smul eb' israel 'a sat Jehová jun 'ejm xo. Yuj cha, ax Jehová x'a'n sjelnal Eglón sreyl Moab, sec tzcan eb' 'a yaln̈ schecnb'il.

Jueces 3:8

Yuj wal cha, xcot yowl sc'ojl Jehová 'a yib'n̈ eb', 'ix 'ajx 'och eb' 'a yol sc'ab' win Cusan-risataim sreyl Mesopotamia. Wajxque ab'il 'ix 'och eb' israel chi yac' servil jun rey cha,

Jueces 6:25

Ax 'a jun 'ac'wl cha, 'ix yaln Jehová 'a Gedeón 'ixtic: —'Ij 'elt junc no schab'l quelm wacx 'a scal swacx a mam, junc no yucl ab'il sq'uinal. Tza ma'n lan̈chjoc yet'l xajmb'al Baal, jun b'ob'il yuj a mam. Tza ch'acn pax 'ejm jun te sch'oxnb'il comn dios Asherá 'ayc 'a stz'ey jun yet'l xajmb'al cha.

Jueces 8:33

A yic chamnc xo Gedeón cha, ax smasnil eb' israel, 'ix spatquiln can pax 'el eb' Dios. Ax 'a jun tzo'n̈ yechl comn dios Baal, ata xyac' 'ejm sb'a eb'. 'Ix ya'n 'och eb' sdiosalc Baal-berit.

Jueces 8:34

'Ix yac' eb' israel sat sc'ojl 'a Jehová sDiosal. Man̈x 'ic sna cot eb', toto a xcoln eb' 'a yol sc'ab' eb' 'ajc'ojl oyn 'och 'a 'a.

A Ch'an̈ B'ab'el Libro Samuel 12:10

Yuj cha, 'a junjn 'ejem, xyaln sb'a eb' qui mam quichmec 'a Jehová, xyaln eb' 'ixtic: Caw wal 'ix 'och qui mul on̈, yujto ach cactjcan ach Jehová, ax jun tzo'n̈ comn dios yechl Baal yet' Astarté, a 'ix ca' servil. A ticnec, coln̈ 'elt 'a yol sc'ab' eb' 'ajc'ojl yajch 'ayon̈, cojxn̈ej 'aych 'oj ca' servil, xchi eb'.

A Ch'an̈ B'ab'el Libro Samuel 12:9

Palta 'ix 'at satc'ojlal Jehová qui Diosalec yuj eb'. Yuj cha, jab'jb' scal tz'ajx 'och eb' 'a yol sc'ab' eb' 'ajc'ojol. 'Ay jun tiempoal x'ajx eb' 'a yol sc'ab' win Sísara win yajl yaj 'a eb' soldado 'a chon̈b' Hazor, an̈jtona x'ajx pax eb' 'a yol sc'ab' eb' filisteo yet' pax 'a yol sc'ab' win sreyl Moab. Junjn c'aj eb' tic xyac' eb' owl yet' eb' israel.