Jueces 3:31 - Chuj San Sebastian Bible

³¹ A 'a spatquilx Aod cha, 'ix 'och junx win colwjum atn win Samgar yunnal Anat. A win xmiln waque ciente eb' filisteo. A jun te pechlab' wacax, a te sc'ana yic smiln win eb', yuj cha, xcolx pax eb' israel yuj winac.

Chuj San Mateo Bible

³¹ Axo ix lajvi yec' vin̈aj Aod chi', axo vin̈aj Samgar yuninal vin̈aj Anat ix colvaji. Ix smilcham 600 eb' filisteo vin̈ yed' jun te te' stecjioch d'a noc' vacax, yuj chi' ix coljipax eb' israel chi' yuj vin̈.

Jueces 3:31 Iomraidhean Croise

1 Co 1:17

Man̈ yujoc wa'w bautisar ya'n Cristo wopiso, palta yuj waln 'el wach' 'ab'x yic colnb'il. Man̈ jelnoc tzwutj in b'a, yic tzwaln 'el jun wach' 'ab'x tic, sec wach' a schaml Cristo 'a spenc culus, an̈j caw niwn yel'ch 'a eb' tz'ab'ni.

Jueces 10:11

'Ix ta'w Jehová 'a eb' 'ixtic: —Ax tic, ex 'ixtx yuj eb' egipcio, yuj eb' amorreo, yuj eb' amonita, yuj eb' filisteo,

Jueces 10:17

Ax eb' amonita, 'ix syam sb'a eb', axta xc'och b'uln eb' 'a stz'ey Galaad. An̈jtona eb' israel, 'ix syam sb'a eb', axta xc'och b'uln eb' 'a Mizpa.

Jueces 10:7

Yuj cha, 'ix cot yowl sc'ojl Dios 'a yib'n̈ eb'. A 'a jun ab'il cha ata 'ix 'ajx 'och eb' israel chi 'a yol sc'ab' eb' filisteo yet' 'a eb' 'aj Amón. Caw wal 'ix 'ixtx eb' israel yuj eb' 'ajc'ojl cha. Wajxclajn̈e ab'il 'ix can eb' 'a yol sc'ab' eb'. 'Ix yac' eb' sgana yixtn eb' cajn 'a lum Galaad, yet' eb' cajn 'a sc'axpil 'ec' sti a Jordán 'a slum can eb' amorreo.

Jueces 15:15

Yajn̈ej 'ix 'ilchj jun sb'acl yaln̈ sti b'uru to yaxto wali. A yet' jun chi 'ix sma' cham jun mil eb' filisteo cha.

Jueces 2:16

Xlajw cha, ax Jehová a x'a'n 'och jun tzo'n̈ eb' colwjum 'a scal eb', sec a eb' tzcoln 'el eb' 'a yol sc'ab' eb' soldado tz'elc'n tas 'ay 'a eb'.

Jueces 3:30

'Ixta 'ix 'aj yem Moab yuj eb' israel. Xlajw cha 80 ab'il 'ix can eb' 'a junc'ojlal.

Jueces 4:1

A yic tox xcham win Aod, syamn 'och eb' israel yochx smul 'a sat Jehová.

Jueces 5:6

A wal 'a yol stiempoal Samgar win yunnal Anat, yet' 'a yol stiempoal Jael, smasnil eb' 'anma x'elq'ui, man̈x 'ic b'ey eb' 'a niwn b'e, cojxn 'a 'utzn b'e xb'ey eb'.

Jueces 5:8

A wal yic sayn 'ec' eb' wit israelal jun tzo'n̈ comn dios, caw wal tzjaw eb' 'a'm owl 'a sti spuertail chon̈ab'. Man̈x xon junc tzmacn sat jul-lab', man̈x xon lanza tzwil 'a scal junc 40 mil eb' wit chon̈ab'.

A Ch'an̈ B'ab'el Libro Samuel 12:9

Palta 'ix 'at satc'ojlal Jehová qui Diosalec yuj eb'. Yuj cha, jab'jb' scal tz'ajx 'och eb' 'a yol sc'ab' eb' 'ajc'ojol. 'Ay jun tiempoal x'ajx eb' 'a yol sc'ab' win Sísara win yajl yaj 'a eb' soldado 'a chon̈b' Hazor, an̈jtona x'ajx pax eb' 'a yol sc'ab' eb' filisteo yet' pax 'a yol sc'ab' win sreyl Moab. Junjn c'aj eb' tic xyac' eb' owl yet' eb' israel.

A Ch'an̈ B'ab'el Libro Samuel 17:47

Smasnil eb' 'anma yamn tic, 'oj yojcoc 'el eb', chajtlto man̈ espadaoc, man̈ lanzaoc tzc'anlb'ej Jehová, yic tzcoln 'el schon̈ab'. A jun owl tic yic Jehová. A 'oj eya'n 'och 'a yol qui c'ab' on̈, xchi David.

A Ch'an̈ B'ab'el Libro Samuel 17:50

'Ixta yutjnac David ya'n ganar win filisteo. Cojn jun mejech', yet' jun q'uen q'uen 'ix sc'ana yic sjuln chamoc. Palta may yespada yet'i,

A Ch'an̈ B'ab'el Libro Samuel 4:1

A 'a jun tiempoal cha, ata 'ix 'elt eb' israel scol sb'a 'a eb' filisteo, axta xc'och eb' sb'o chan̈ scamplamento 'a sla'nil jun lugar tzcuch Eben-ezer. Ax eb' filisteo cha, ata 'ay scamplamento eb' 'a jun lugar tzcuch Afec.