Jueces 3:3 - Chuj San Sebastian Bible

³ Atn eb' tic cannac: O'e chon̈b'al eb' filisteo, smasnil eb' cananeo, eb' sidonio yet' eb' heveo, atn eb' cajn 'a lum jolmctac witz 'a Líbano, tz'atn̈j 'a lum yic Baal-hermón, masnto tzc'och 'a Hamat.

Chuj San Mateo Bible

³ Oye' chon̈ab'il eb' filisteo ixto cani yed' masanil eb' cananeo, eb' sidonio yed' eb' heveo, aton eb' ec'nac cajan d'a tzalquixtac d'a Líbano, sb'atn̈ej d'a jolom vitz Baal-hermón, masanto sc'och d'a Hamat.

Jueces 3:3 Iomraidhean Croise

Gn 49:13

Ach xo ach tic Zabulón, ata 'oj aj cajn 'a sti a mar, ach 'oj a b'o jun tzo'n̈ puerto 'aj tzc'och te barco, atta 'oj c'och sti a lum a macn 'a Sidón.

A Ch'an̈ Schab'l Libro Samuel 24:7

Xlajw cha, 'ix 'at eb' 'a stojlal Tiro, 'ix 'ec' eb' 'a smasnil schon̈b' eb' heveo, yet' 'a schon̈b' eb' cananeo. Xlajw cha, 'ix jaw eb' 'a Beerseba, 'a Neguev 'ay 'a yol yic Judá.

A Ch'an̈ B'ab'el Libro Yic Yab'ixal Eb' Rey 8:65

A 'a jun tiempoal cha, uque c'u sna Salomón q'uin̈ yet' smasnil eb' israel 'a yojltac Jehová Dios. Caw wal niwn x'aj eb' 'anma syamn sb'a, xcotn̈j eb' 'a smon̈jonal chon̈b' Hamat, masnto 'a sti a b'eymal a yic smon̈jonal Egipto. A yic xlajw uque c'u q'uin̈ cha, 'ix schan 'el eb' yich uque xo c'u q'uin̈, yuj cha, chan̈lajn̈e c'u xyac' jun q'uin̈ chi yuj eb'.

Ez 47:20

An̈jtona pax smon̈jonal 'a stojlal 'aj tz'em c'u, tz'atn̈j 'a sti a Mar Mediterráneo, a 'ay 'a smon̈jonal Egipto masnto 'a stojlal 'aj tz'el yich smon̈jonal lum chon̈b' Hamat.

Nm 13:29

A 'a lum Neguev, ata cajn eb' amalecita. Ax 'a lum jolmctac witz, ata cajn eb' hitita, eb' jebuseo yet' eb' amorreo. Ax 'a sc'axpil 'ec' a mar yet' 'a sti a Jordán, ata cajn eb' cananeo, xchi eb'.

Nm 34:8

Tz'atx 'a jolm witz Hor, masnto tzc'och 'a 'aj tzon̈ 'ochch 'a Hamat, tz'atxi, masnto tzc'och 'a Zedad.

Dt 1:7

A ticnec, meltzjan̈c can 'at 'a lum slum eb' amorreo 'ay 'a lum jolmctac witz, yet' 'a jun tzo'n̈ xo lugar 'ay 'a sla'nil eb' cha. Tzex 'ec' 'a lum span̈nil sti a Jordán, 'a lum jolmctac witz, 'a lum pan̈ctac, 'a lum Négueb, yet' lum 'ay 'a sti a mar 'a yol yic eb' cananeo, yet' pax lum Líbano, masnto tzc'och lum 'a sti a niwquil a Éufrates.

Dt 3:9

(A jun tzaln cha, Sirión sb'i yuj eb' 'aj Sidón, ax eb' amorreo, Senir sb'i yuj eb'.)

Josué 11:19

Cojn wal eb' heveo cajn 'a chon̈b' Gabaón, cojn eb' xyac' strato yoch 'a junc'ojlal yet' eb' israel, ax smasnil jun tzo'n̈ xo eb' 'anma cha, a 'a owl xlaj lajw 'el eb'.

Josué 11:3

Xya'n pax alxoc 'a eb' cananeo cajn 'a stojlal 'aj tzq'uel c'u, yet' pax eb' 'ay 'a stojlal 'aj tz'em c'u; xya'n syam sb'a eb' amorreo, eb' hitita, eb' ferezeo, eb' jebuseo 'ay 'a lum jolmctac witz, yet' pax eb' heveo cajn 'a yich lum witz tzcuch Hermón 'a yol yic Mizpa.

Josué 13:3

tz'atn̈j lum 'a a a tzcuch Sihor 'ay 'a stojlal 'aj tzq'uel c'u 'a Egipto, masnto 'a smon̈jonal Ecrón, 'a stojlal norte, atn lum yic eb' cananeo. A 'a jun lum cha, ata 'ay own̈ eb' syajlil eb' filisteo, atn eb' yajl yaj 'a Gaza, 'a Asdod, 'a Ascalón, 'a Gat yet' 'a Ecrón. 'Ayt can pax lum yic eb' heveo 'a stojlal sur,

Josué 13:5

'Ayt can pax lum yic eb' guiblita yet' smasnil lum Líbano 'a stojlal 'aj tzq'uel c'u, tz'atn̈j 'a Baal-gad 'a yich lum witz Hermón masnto 'aj tz'ochch lum Hamat.

Josué 19:28

Locn pax chon̈b' Abdón, Rehob, Hamón yet' Caná, masnto 'a chon̈b' Sidón.

Josué 9:7

Ax eb' yajl yaj 'a eb' israel cha, 'ix ta'w eb' 'ixtc 'a eb' heveo cha: —Toq'ue a 'a qui la'nil tic on̈, ata cajn ex, ¿tas 'oj cutc qui comn b'on junc qui trato chi eyet' on̈? xchi eb'.

Jueces 10:12

yuj eb' sidonio, yuj eb' amalecita, yuj pax eb' maonita. Ax yic xeyaln e b'a 'ayin, ex in coln can 'elt 'a yol sc'ab' eb'.

Jueces 10:7

Yuj cha, 'ix cot yowl sc'ojl Dios 'a yib'n̈ eb'. A 'a jun ab'il cha ata 'ix 'ajx 'och eb' israel chi 'a yol sc'ab' eb' filisteo yet' 'a eb' 'aj Amón. Caw wal 'ix 'ixtx eb' israel yuj eb' 'ajc'ojl cha. Wajxclajn̈e ab'il 'ix can eb' 'a yol sc'ab' eb'. 'Ix yac' eb' sgana yixtn eb' cajn 'a lum Galaad, yet' eb' cajn 'a sc'axpil 'ec' sti a Jordán 'a slum can eb' amorreo.

Jueces 14:4

Man̈ yojcoc eb' mamb'il cha, toto a Jehová 'ay snab'en jun cha, yujto wan sayn tas tz'aj slajw 'el eb' filisteo yuj owal. A 'a jun tiempoal cha, a eb' israel 'aycn 'a yaln̈ schecnb'il eb' filisteo.

Jueces 18:7

Xlajwn̈ej cha, 'ix 'at eb' own̈ 'ilm lum chi 'a chon̈b' Lais. A eb' 'anma cajn 'a jun chon̈b' cha, caw may jac tzna eb', 'icha wal sb'eyb'al eb' 'aj Sidonio. 'Ayc' eb' 'a tzaljc'ojlal yet' 'a junc'ojlal. May mach tzuntzn eb' 'a junc tas, may pax tas tzyac' palta 'a eb'. Yic sb'a eb' sch'ocoj. Caw wal najt tzcan chon̈b' Sidón 'a stz'ey eb'.

Jueces 3:2

'Ix can eb', sec wach' a eb' yin̈tl Israel tzcuy sb'a eb' ya'n owal, atn eb' mant 'a xon 'aj tzyac' owal.

Jueces 4:2

Yuj cha, xya'n Dios eb' 'a yol sc'ab' win Jabín sreyl Canaán, win ya'jnac reyl 'a Hazor. A win syajlil eb' soldado win rey cha, atn win tzcuch Sísara. Ata cajn win 'a Haroset-goim.

A Ch'an̈ B'ab'el Libro Samuel 13:5

'Ix syamn pax sb'a eb' filisteo yic tzya'n eb' owl yet' eb'. 'Ay lajn̈schawinc mil scaruaje eb' yic owal, waque mil eb' winc 'ay q'ue 'a yib'n̈ chej, niwnto pax eb' tzb'ey 'a yoc. 'Icha wal yarenail sti a mar, 'ixta eb'. 'Ix cot eb' axta sb'o eb' scamplamento 'a Micmas 'a stojlal 'aj tzq'uel c'u 'a Bet-avén.

A Ch'an̈ B'ab'el Libro Samuel 29:2

A yic 'ix 'awtx slistail smasnil eb' soldado filisteo yuj eb' syajlil eb', 'ix b'isx eb' 'a cienteal yet' 'a smilal, ax David yet' eb' winc ajun yet'oc, tza'n s'at eb' 'a spatquil win Aquis.

A Ch'an̈ B'ab'el Libro Samuel 6:16

'Ix yil own̈ eb' syajlil eb' filisteo chi tas 'ix uji, xlajw cha, 'ix meltzj eb' 'a chon̈b' Ecrón 'a jun c'u cha.

A Ch'an̈ B'ab'el Libro Samuel 6:18

Ax sb'isl q'uen oro b'ob'il 'icha yilx e no ch'ow cha, tzyal yuj sb'isl o'e schon̈b' eb' syajlil eb' filisteo wach' yajch oyn smuroal, yet' pax yaldeail. Ax q'uen niwquil q'uen 'a sat lum slum win Josué 'aj Bet-semes 'aj 'ix q'ue b'achn te scaxail strato Jehová, 'ix 'ochcn q'uen snanb'ilc cot tas 'ix uji.

A Ch'an̈ B'ab'el Libro Samuel 6:4

—¿Tas wal wach' ca'n stojloc qui mul cha? xchi eb' 'anma cha. 'Ix yaln eb' ya'mal 'och sti eb' chi 'ixtic: —A tzyal sb'isl eb' syajlil eb' filisteo tic, 'ixta jun tzo'n̈ siylab' chi tzeyac'a, junjn 'a junjn eb', o'e q'uen oro tzeyac'a, 'icha wal yilx junc malel yab'il. Tzeya'n o'e'oc pax q'uen oro 'icha yilx no ch'o'ow, yujto an̈ec tic yet' eb' qui yajlil 'a qui cal, to tzon̈ 'ixtx yuj jun tzo'n̈ yailal cha.