Jueces 3:27 - Chuj San Sebastian Bible

²⁷ A yic tox xc'och 'a jolmctac witz yic Efraín, 'ix yutz'n no sch'ac calnelu, yic tzyawtn eb' israel ta'. 'Ix c'och smasnil eb' yet'oc. Junn̈j xoj x'aj eb' spaxx 'emt 'a lum jolm witz cha, xb'ab'lj Aod yuj eb'.

Chuj San Mateo Bible

²⁷ Axo ix javi vin̈ d'a tzalquixtac d'a yol yic Efraín, ix spu'an noc' ch'aac vin̈ yic smolb'an eb' yetisraelal. Junxon̈ej ix aj yem eb' d'a jolom vitz chi', b'ab'el vin̈aj Aod chi' yuj eb'.

Jueces 3:27 Iomraidhean Croise

A Ch'an̈ Schab'l Libro Samuel 20:22

Xlajw cha, 'ix 'at jun 'ix chi muc'uc, 'ix yaln 'a eb' 'anma 'ay sjelnal snab'en, 'ix tzu'n 'el eb' sjolm Seba cha, 'ix sjuln 'emt eb' 'a win Joab. Xlajw cha, 'ix yaln win Joab to tz'utz'x no cacha yic tz'el eb' 'a spatquil jun chon̈b' cha, junjn eb' soldado xpax eb' 'a yatut, ax win Joab, 'ix meltzj can win 'a Jerusalén, yic tzpaxtin win yet' win rey cha.

A Ch'an̈ Schab'il Libro Yic Yab'ixal Eb' Rey 9:13

Xlajw cha, junjn eb' 'ix yij cot eb' spotil, 'ix ya'n 'ejm eb' 'a yaln̈ yoc Jehú 'a yib'n̈ jun tzo'n̈ b'achctac tz'at 'a cha'an̈. 'Ix yutz'n eb' sch'ac no mam calnelu, 'ix yaln eb' 'ixtc 'a caw 'ip: ¡A win Jehú, rey xo win ticnec! xchi eb'.

Nehemías 4:14

A yic xwilni to tzxiw eb', xin te'wtzan in b'a waln 'ixtc 'a eb' yichm wincal chon̈ab', 'a eb' yajl yaj 'a yib'n̈ eb' chon̈b' cha, yet' 'a smasnil eb' 'anma': Man̈ ex xiwoc. Nac cot qui Diosalec to caw niwn yel'chi, smoj a 'a tzon̈ xiwec. Yuj cha, qui colc qui chon̈ab', eb' cunnalec, eb' 'ix quislec, eb' 'ix quistlec yet' catutec, xin chi 'a eb'.

Josué 17:15

—Ya sb'a to caw niwn e b'isl ax tic, ma'ix 'e'ch lum jolmctac witz yic Efraín 'ayex, 'ixquec 'a lum calcte 'a lum yic eb' ferezeo yet' 'a lum yic eb' yin̈tl Refa. A lum chi tze ch'acte'ej, xchi Josué 'a eb'.

Josué 17:18

A wal lum jolmctac witz, lum caw 'ay stel sat cha, a 'oj eyico'oc, 'oj eyac' e nab'en e c'ann te te 'ay 'a sat lum cha, yujto ax 'oj eyico'oc lum smasnil. A eb' cananeo cajn 'a sat lu'um, 'oj e pechl eb' ta', wach'xam caw jeln eb', wach'xam 'ay pax sq'uen caruaje eb', xchi Josué 'a eb'.

Jueces 10:1

A yic chamnc xo Abimelec, 'ay jun win yin̈tl Isacar 'ix 'ochx can scol chon̈b' Israel. A win tic, Tola sb'i, yunnal jun win tzcuch Fúa, yixchicn win Dodo. A win Tola cha, ata cajn win 'a chon̈b' Samir 'a eb' lum jolmctac witz 'a yol smacb'en eb' yin̈tl Efraín.

Jueces 17:1

A 'a eb' lum jolmctac witz yic Efraín, ata 'ix 'ec' cajn jun winc Micaía sb'i.

Jueces 19:1

A 'a jun tiempoal yic mant 'a junc rey 'aych 'a chon̈b' Israel, 'ay jun levita cajn 'a jun lugar caw najat. 'Icha ula yec' 'a lum jolmctac witz 'a yol yic Efraín. 'Ix yij win jun 'ix 'aj Belén 'a yol yic Judá.

Jueces 3:26

Ya' sb'a tz'ec' stiempo eb' stan̈wni, ax Aod 'ipn s'at 'eloc. A yic tox 'ix 'ec' 'a 'aj 'ay jun tzo'n̈ yechl comn dios 'a Gilgal, axta x'at scol sb'a 'a Seirat.

Jueces 5:14

'Ix 'eml eb' soldado yic Efraín 'a lum 'a'lic, tza'n yeml eb' soldado yic Benjamín yuj eb'. 'Ix 'eml pax eb' syajlil eb' soldado Maquir yet' eb' syajlil chon̈b' yic Zabulón.

Jueces 6:34

Ax Yespíritu Jehová, a x'och 'a Gedeón; 'a yic xyutz'n no sch'ac calnelu, 'ix syamn sb'a smasnil eb' yin̈tl Abiezer yet'oc.

Jueces 7:24

Ax Gedeón, 'ix 'at ya'n alxoc 'ixtc 'a eb' yic Efraín cajn 'a lum jolmctac witz. Cotn̈ec wul eyac' owl yet' eb' madianita, tzeya'n 'och stan̈mal eb' lum pan̈ctac 'aj wach' yec' eb' 'anma 'a yojl a Jordán 'a stz'ey Bet-bará. Tzex c'och ta muc'uc, sec man̈oc eb' tzb'ab'lj 'ayex, xchi 'at 'a eb'. A eb' yic Efraín cha, 'ix syamn sb'a eb' muc'uc, 'ix c'och eb' smac 'a sti a cha.

A Ch'an̈ B'ab'el Libro Samuel 13:3

Ax Jonatán 'ix smil jun c'aj eb' soldado filisteo 'a Gabaa. A eb' filisteo cha', 'ix yab' sb'a eb' yuj jun cha. Yuj cha, yajn̈ej xya'n win Saúl 'utz'xoc q'uen trompeta 'a smasnil yol yic israel, yic tzyamn sb'a eb' soldado smasnil.