Jueces 3:20 - Chuj San Sebastian Bible

²⁰ Ax yic xcan Aod sch'ocj yet' Eglón, 'ix snitzn 'och sb'a 'a stz'ey winac, wocn 'ejm win 'a yol jun cuarto siclab'nac yojol, ata 'ay 'a cha'an̈. 'Ix yaln 'a win 'ixtic: —'Ay jun spaxti Dios 'oj wal 'ayach, xchi. Ax yic xyab'n win Eglón jun cha, 'ix q'ue wan win 'a yol xila.

Chuj San Mateo Bible

²⁰ Yuj chi' axon̈ej eb' vin̈ schavan̈il ix cani, c'ojanem vin̈ rey d'a yol jun cuarto siclab'inac yool d'a chaan̈. Ix c'och vin̈aj Aod chi' d'a slac'anil vin̈, ix yalan vin̈ d'a vin̈: —A tas ved'nac ol val chi' d'ayach, a Dios schecan vala', xchi vin̈. Ayic ix yab'an vin̈aj Eglón icha chi', ix q'ue lin̈an vin̈,

Jueces 3:20 Iomraidhean Croise

A Ch'an̈ Schab'l Libro Samuel 24:12

'Ixic, 'at al 'a David: 'Ixtc 'ix yutj Jehová yalni: 'Oxe tas 'oj walb't 'ayach, ax a si'lni 'aj a junc 'oj a nib'oc, ax wa'n 'ayach, xchi Dios, xa chi, xchi 'a 'a.

Nehemías 8:5

Xlajw cha, 'ix sjacn Esdras ch'an̈ ley chi 'a sat smasnil eb' chon̈ab', 'ix yil eb' chon̈b' chi sjacw ch'an̈ ley cha, yujto chan̈ 'aj lin̈n 'elta. A yic 'ix sjacni, 'ix q'ue lin̈n smasnil eb' chon̈ab'.

Salmos 29:1

Ex ángel 'a satcha'an̈, ¡Alc wach' paxti 'a Jehová! ¡Alc wach' paxti 'a sb'i! Yujto tztac' yuj smasnil.

Jeremías 10:7

Ach sReyl smasnil nacion̈, ¿tom 'ay junc mach man̈ smojc tzxiw 'ayach? Smoj wal to 'ay el'ch 'a smasnil sat 'anma'. A 'a scal smasnil eb' jelan, yet' 'a scal eb' rey 'a yolyib'n̈q'uinl tic, caw may junc mach lajn et'oc.

Jeremías 36:22

Yujto sb'aln̈il xo 'uj 'a jun ab'il cha, yuj cha, 'ayc' win rey chi 'a scuarto 'a 'aj tz'aj win 'a yic stiempoal si'ic, ax 'a yojltac winac, ata 'aych jun yet'l stzac'ac' caw tzn̈ilchj c'ac' 'a yojol.

Am 3:15

An Jehová in, an tzwala, 'oj in mac' lan̈chjoc jun tzo'n̈ n̈a tzc'anlb'ax 'a yic stiempoal si'ic, yet' jun tzo'n̈ tzc'anx 'a yic stiempoal c'ac'. 'Oj in mac' lan̈chjoc jun tzo'n̈ n̈a 'aych q'uen marfil yelwnub'loc, atn jun tzo'n̈ niwc n̈a, xchi Dios.

Miqueas 6:9

Wan yawtn Jehová eb' schon̈ab'. Caw 'aych 'a snab'en eb' smaclni yab' 'a 'emmquilal tas tzyala. Tzyal Jehová 'ixtic: Jaw cab' e nab'en yuj yailal, 'ay cab' wel'ch 'a e sat, an ton tzwa'ch eyailal cha.

Nm 23:18

Xlajw cha, syamn 'och Balaam yaln 'ixtic: Balac ach yunnal Zipor, tzcham wal ab'n tas 'oj wala':

Jueces 3:19

Palta ax yic xc'och 'a 'aj 'ay jun tzo'n̈ yechl comn dios 'ay 'a Gilgal, 'ix meltzj pax win jun 'ejm xo 'a 'aj 'ay win Eglón cha, xyaln 'a 'ixtic: —'Ay wal jun in paxti tzin nib'j tzwal 'a c'ultacl 'aych mamin rey, xchi. 'Ix yaln jun rey chi 'a smasnil eb' schecb' 'ayc' 'a stz'ey, to tz'el eb' smasnil 'a yol sdespacho cha.

Jueces 3:21

Xlajw cha, ax Aod xya'n 'ec' surito c'ab' 'a stojlal swach' c'ab'. 'Ix yi'n 'elt q'uen scuchlub' cha, stecn 'och 'a sc'ojl win rey cha.