Jueces 3:15 - Chuj San Sebastian Bible

¹⁵ masnto xtew eb' 'a Jehová. 'Ixta to b'i'an, xya'n 'och junx colwjum 'a scal eb', atn Aod win surito smunlji, yunnal Guera, yin̈tl can Benjamín. 'Ay jun c'ual, 'ix checx 'at Aod yuj eb' yit chon̈ab' yic tz'at ya'nc jun stojlb'al 'a win Eglón cha.

Chuj San Mateo Bible

¹⁵ masanto ix avaj eb' d'a Jehová. Ichato chi' ix ac'jioch junxo scolumal eb' yuj Jehová chi', aton vin̈aj Aod yuninal vin̈aj Gera, d'a yin̈tilal Benjamín, a sq'uexan̈c'ab' vin̈ smunlaji. Ix schecb'at vin̈aj Aod chi' eb' israel chi' b'at yac'can q'uen tumin d'a vin̈aj Eglón, aton q'uen yovalil syac' eb' d'a vin̈.

Jueces 3:15 Iomraidhean Croise

A Ch'an̈ Schab'l Libro Samuel 20:10

Ax Amasa cha, toxn ma'ix snal jac yuj q'uen espada yet' win Joab cha. Yajn̈ej 'ix stecn 'och win Joab q'uen espada chi 'a sc'ojl winac. Smasnil yol sc'ojl winac 'ix 'ejm lan̈njoc 'a sat lu'um. Junn̈j xyac' win Joab chi 'a winac, 'ix chami. Xlajw cha, 'ix 'at win Joab yet' win yu'tac Abisai 'a spatquil Seba.

A Ch'an̈ Schab'l Libro Samuel 20:9

Ax Joab 'ix smasn 'ec' swach' c'ab' 'a xil sti Amasa, yic tz'ub'n 'elt sti', xyaln 'a 'ixtic: —¿Wach' am ec wu'tac? xchi.

1 Cr 12:2

A jun tzo'n̈ soldado cha, yet'n̈j eb' sjul-lab', yet' pax eb' smejech', tztac' sjulwj eb' yet' sc'ab' schab'il. Yican Saúl eb' tic 'a yin̈tl Benjamín:

1 Cr 8:3

A eb' yunnal Bela: atn Adar, Gera, Abiud, Abisúa, Naamán, Ahoa, Gera, Sefufán yet' Hiram.

2 Cr 9:24

A eb' tzjaw 'a junjn ab'il, 'ix yij cot eb' siylab' 'a 'a: 'Icha q'uen plata, oro, pichul, yamc'ab' yic owal, perjuma, no cawyu chej yet' no mula.

Salmos 50:15

Alc e b'a 'ayin yic 'ay e somc'ojlal, an 'oj ex in colo'. 'Ay cab' wel'ch 'a e sat, xchi Dios.

Salmos 78:34

A yic tzcham jaywn̈oc eb', ax nan̈locx eb' 'ix yal sb'a eb' 'a Dios. 'A smasnil sc'ojl eb' 'ix meltzj eb' 'a 'a.

Salmos 90:15

Tzqui nib'j on̈ to niwn cab' yab'lilal tzac' quil jac tzaljc'ojlal, 'icha yab'lil yailal x'ec' 'a quib'n̈ on̈.

Pr 18:16

Yuj tas tzqui siyjec, tztac' sjacw puerta 'ayn̈ec, 'ixta tzon̈ 'ajc qui c'och 'a eb' 'anma niwc yopiso.

Pr 19:6

A eb' 'ela tzyutj sb'a, til wal mach tzsayn 'ec' eb', yuj yoch eb' swach'c'ojloc eb'.

Pr 21:14

A siylab' c'ultac tz'ajxi, a tz'a'n tup c'a'lc'ojlal.

Is 36:16

Man̈ e cha eyab' 'a Ezequías cha. Yujto a win wajlil, tzyac' win wal 'ayex to tzex 'och 'a junc'ojlal yet'oc, tzeya'n servil. Toto 'ixta', junjn ex, 'oj e lo sat eyawb'ente', ax eyu'n eyal joyb'il eyu'uj.

Jeremías 33:3

C'anb'j 'ayin, 'oj wal jun tzo'n̈ tas caw niwn yel'ch 'ayach, to satjub'tac yalxi, atn jun tzo'n̈ to mant ojcoc.

Jueces 2:16

Xlajw cha, ax Jehová a x'a'n 'och jun tzo'n̈ eb' colwjum 'a scal eb', sec a eb' tzcoln 'el eb' 'a yol sc'ab' eb' soldado tz'elc'n tas 'ay 'a eb'.

Jueces 20:16

A 'a scal smasnil eb' soldado cha, 'ay uque ciente eb' surito. A yet' surito eb' chi tzjulw yet' smejech'. A eb' cha, wach'xam a junc xil jolm tzjul eb', may junc eb' to matz yamchj jun chi sjulni.

Jueces 3:14

Wajxclajn̈e ab'il x'och eb' israel 'a'j servil 'a win Eglón

Jueces 3:16

Ax Aod cha, 'ix sb'on jun sniwquil cuchlub' chab' ye. Nan̈l vara xyutj ste'il, spixn 'och 'a sjal-l snan̈al. Xya'n can 'och 'a stojlal swach' c'ab' 'a yol spichul.

Jueces 3:9

masnto xtew eb' 'a Jehová, ax si'n 'elt jun colwjum 'a scal eb' israel cha. A xcoln 'elt eb', atn Otoniel win yunnal Cenaz, slajb' 'u'tac Caleb.

Jueces 4:3

A win Jabín cha, 'ay b'aln̈e ciente scaruaje win yic owal, 'aych q'uen hierro 'a spatquil. Junc'l ab'il xcan eb' israel 'a yol sc'ab' winac. Caw wal x'ixtx eb' si'mb'il, yuj cha, xtew eb' 'a Jehová, sec tzcolx eb' yu'uj.

A Ch'an̈ B'ab'el Libro Samuel 10:27

Palta 'ay jun tzo'n̈ 'anma tu snab'en 'ix yal eb' 'ixtic: ¿Tas wal 'oj yutc jun winc tic on̈ scolni? xchi eb'. Caw wal 'ix 'ijx 'ejm Saúl chi yuj eb', may tas siyj eb' 'a 'a, ax Saúl cha, may tas 'ix yala.