Jueces 3:10 - Chuj San Sebastian Bible

¹⁰ Ax Yespíritu Jehová x'och 'a Otoniel, sjucb'tzan eb' yit israelal cha, xya'n owal. A Jehová a x'och yet' eb', x'ajx eb' 'ajc'ojl chi 'a yol sc'ab'. 'Ix lajw 'el eb' yu'uj.

Chuj San Mateo Bible

¹⁰ A Yespíritu Jehová ix och yed' vin̈, yuj chi' a vin̈ ix och yajaloc eb' israel chi'. Ix b'at vin̈ d'a oval, axo Jehová ix och yed' vin̈, yuj chi' ix yac' ganar vin̈aj Cusan-risataim chi' vin̈.

Jueces 3:10 Iomraidhean Croise

1 Cr 12:18

'Ix 'och Yespíritu Dios 'a Amasai syajlil eb' 30 cha, 'ix yaln 'ixtc: ¡Ach David yunnal Isaí, ec caj on̈, 'oj qui can et'oc! ¡Junc'ojlal cab' aji! ¡Junc'ojlal cab' aj yet' eb' xcolwj et'oc, yujto a qui Diosalec a xcolwjn̈ej pax et'oc! xchi. 'Ix schaj David eb', 'ix ya'n 'och eb' capitan̈il 'a scal eb' syajlil eb' soldado cha.

2 Cr 15:1

'Ay jun win Azarías sb'i, yunnal Obed, x'och Yespíritu Dios 'a 'a.

2 Cr 20:14

A yic yamn smasnil eb' chon̈b' cha, 'ix 'och Yespíritu Jehová 'a jun levita yin̈tl Asaf, atn Jahaziel, yunnal Zacarías, yixchicn Benaías win yunnal Jeiel, yixchicn Matanías.

Salmos 51:11

Man̈ in e'cn 'el 'a ojltac, man̈ e'l wal Espíritu to ecn̈ej yaj 'aych 'ayin.

Nm 11:17

Ax 'a yic 'oj weml b'i'an, ax in paxtin et'oc, ax wi'n 'el jac espíritu 'aych 'ayach, ax wa'n 'och 'a eb' yichm wincal chon̈b' tic. A eb' 'oj colwjoc et'oc, yic tzyiln eb' jun tzo'n̈ 'anma tic, sec man̈ a ch'ocjoc tzel eb'.

Nm 11:25

Xlajw cha, 'ix 'eml Jehová 'a scal jun 'asun, 'ix syamn 'och spaxtin yet' Moisés cha. A yic cha, 'ix yi'n 'el jac espíritu 'aych 'a Moisés, ax 'a eb' 70 yichm wincal israel cha, axta 'ix ya'cn 'ochi. Yuj cha, 'ix syamn 'och eb' spaxtin 'icha junc schecb' Dios. Palta cojn wal jun 'ejm 'ix paxtin eb' 'ixta', man̈x 'ic yal eb' jun 'ejm xo.

Nm 11:29

'Ix ta'w Moisés, xyaln 'ixtic: —¿Tom tza nib'j cojn in niwn wel'ch 'a scal eb' 'anma tic? Comnoc wal tz'el 'a sc'ojl Jehová, tzyac' Yespíritu 'a smasnil eb' schon̈b' tic, sec wach' tz'ochcn eb' schecb'oc, xchi.

Nm 24:2

Ax xyiln 'at Balaam to latz'mtac yaj scamplamento junjn 'in̈tal eb' israel, yuj cha, 'ix 'och Yespíritu Dios 'a 'a.

Nm 27:18

'Ix ta'w Jehová 'a Moisés, 'ix yaln 'ixtic: —A Josué yunnal Nun, 'ayx 'och Wespíritu 'a 'a, yuj cha, 'awtj coti, tza'n can opiso 'a 'a.

A Ch'an̈ Carta D'a Eb' Hebreo 6:4

An̈ec tic, 'ac'b'ilx sacq'uinl 'a qui pixnec. Tox 'ix qui chajec jun siylab' caw wach' 'a Dios, yujto cajn 'och Yespíritu 'ayn̈ junjn on̈ec.

Jueces 11:29

Yuj cha, 'ix 'och Yespíritu Jehová 'a Jefté, 'ix syamn 'och s'ati, 'ix 'ec' 'a yol yic Galaad yet' 'a yol yic Manasés. 'Ix 'ec' pax 'a Mizpa 'a yol yic Galaad cha, 'ix smolb'tzan eb' soldado, xc'och yac' owl yet' eb' amonita.

Jueces 11:32

'Ix 'at Jefté yet' eb' soldado yac' owl yet' eb' amonita cha, ax Jehová 'ix 'a'n eb' 'a yol sc'ab' eb', yic tz'ajx ganar eb' yuj eb'.

Jueces 13:25

Ax Yespíritu Jehová, 'ix syamn 'och sch'oxn sb'a 'a Sansón yic 'ayc' 'a scamplamento eb' yin̈tl Dan. Ata tzcan jun chi 'a snan̈l chon̈b' Zora yet' Estaol.

Jueces 14:19

Xlajw cha, 'ix japx Yespíritu Jehová 'a yib'n̈ Sansón, 'ix 'at sma'nc cham lajn̈schawinc eb' filisteo 'a chon̈b' Ascalón. 'Ix yi'n 'el spichl eb' cha, ax jun tzo'n̈ pichl chi xyac' stojloc eb' x'a'n spac jun tzo'n̈ paxti cha. Caw wal 'ay cot yowl si'mb'il yic 'ix pax 'a yatut smam.

Jueces 14:6

Ax Yespíritu Jehová 'ix jaw 'a yib'n̈ Sansón, 'ix caw 'och yip. May xon jac tas yet' 'a sc'ab', cojn yet' yip chi 'ix yac' milnc cham no león cha. 'Ix stoc' jecchjoc win no 'icha wal sto'x jecchjoc junc no yune chiwo, 'ixta 'ix yutej. May xon jac tas xyal 'a smam snun yuj tas sb'o cha.

Jueces 15:14

A yic 'ix c'och eb' 'a Lehi, 'ix 'elt eb' filisteo scha sc'ochi. Caw wal tz'el yaw eb' yuj tzaljc'ojlal. Yajn̈ej 'ix jaw Yespíritu Jehová 'a Sansón yic tzya'n yip. Ax ch'an̈ lasu pixjnac sc'ab', 'ix sn̈i'chtan 'at ch'an̈ 'icha sc'unal tz'anc nip, 'ix 'em lan̈njoc ch'an̈.

Jueces 3:11

A yic xlajw 'ec' jun tzo'n̈ cha, chawinc ab'il xcan eb' israel 'a junc'ojlal, masnto 'a yic xcham Otoniel.

Jueces 3:8

Yuj wal cha, xcot yowl sc'ojl Jehová 'a yib'n̈ eb', 'ix 'ajx 'och eb' 'a yol sc'ab' win Cusan-risataim sreyl Mesopotamia. Wajxque ab'il 'ix 'och eb' israel chi yac' servil jun rey cha,

Jueces 6:34

Ax Yespíritu Jehová, a x'och 'a Gedeón; 'a yic xyutz'n no sch'ac calnelu, 'ix syamn sb'a smasnil eb' yin̈tl Abiezer yet'oc.

A Ch'an̈ B'ab'el Libro Samuel 10:10

A yic xc'och yet' jun schecb' chi 'a Gabaa, 'ix 'elt jun tzo'n̈ schecb' Dios wul scha sc'ochi. Yajn̈j wal cha, 'ix 'och Yespíritu Dios yet' spoder 'a 'a, yuj cha, 'ix syamn 'och yaln 'el spaxti Dios yet' eb'.

A Ch'an̈ B'ab'el Libro Samuel 10:6

'Oj lajwc cha, ax yoch Yespíritu Jehová 'ayach, ax a yamn 'och aln 'el spaxti Dios yet' eb'. Caw 'oj jelmjoc a nab'en.

A Ch'an̈ B'ab'el Libro Samuel 11:6

A yic xyab'n Saúl jun tzo'n̈ paxti cha, caw x'och Yespíritu Dios yet' spoder 'a 'a; yuj cha, caw xcot yowl Saúl chi si'mb'il.

A Ch'an̈ B'ab'el Libro Samuel 16:13

Xlajw cha, xyi'n cot Samuel no ch'ac 'aj 'ay 'ejm aceite. Q'ueln 'och eb' 'u'tacab'il cha, xya'n q'ue Samuel aceite 'a sjolm win David cha. A 'a yic jun c'u cha, 'ix 'ochcn Yespíritu Jehová 'a win yet' spoder. Xlajw swa eb', 'ix meltzj pax can Samuel 'a Ramá.