Jueces 21:5 - Chuj San Sebastian Bible

⁵ 'Ix sc'anb'n 'ec' eb' 'ixtic: —¿Mach junc 'a qui calc tic ma'ix xit' quet'ec 'a qui yamnil 'a yojltac Jehová 'a Mizpa? xchi eb'. Yujto ya'jnac eb' sti', toto 'ay junc mach matz 'at 'a jun yamnil 'a yojltac Jehová 'a Mizpa cha, tojln̈ej schami.

Chuj San Mateo Bible

⁵ Ix och ijan eb' sc'anb'an yab'i: ¿Mach eb' quetchon̈ab' maj xid'ec' qued'oc d'a molchajel d'a yichan̈ Jehová d'a Mizpa? xchi eb'. Yujto yac'nac sti' eb', tato ay mach max b'at d'a jun molchajel chi', smiljichamoc.

Jueces 21:5 Iomraidhean Croise

Jeremías 48:10

(Catb'tzaxc cab' mach to matz b'on snib'b'en Jehová 'a smasnil sc'ojol. Catb'tzaxc cab' mach to matz c'anlb'ej yespada yic tzmilw cham 'anma'.)

Jueces 21:1

A smasnil eb' israel xyac' eb' sti 'a yojltac Jehová 'a Mizpa, to may junc eb' 'oj yac' yisl yistzilc eb' yic Benjamín cha.

Jueces 21:18

Palta an̈ec tic, matz tac' ca'nec eb' 'ix quislec, yic tz'och eb' 'ix yistloc ewinac, yujto qui masnilec ca'jnaquec qui ti 'a Dios 'ixtic: Toto 'ay mach tzyac' yisl yistloc eb' yin̈tl Benjamín, tzcotcn catb' 'a yib'an̈, xqui chiec.

Jueces 21:6

Ax eb' israel cha, caw wal tzcus eb' yuj tas 'ix 'aj eb' yic Benjamín, yujto yit israelal pax sb'a eb'. 'Ix yaln eb' 'ixtic: —A 'a jun c'u tic 'ix satl jun 'in̈tal eb' 'a qui calc an̈ israel on̈c tic.

Jueces 5:23

Ax jun yángel Jehová xaln 'ixtic: Jaw cab' scatb' Jehová 'a yib'n̈ chon̈b' Meroz, yet' 'a yib'n̈ smasnil eb' 'anma cajn 'a 'a, yujto ma'ix 'och eb' yet' Jehová yic xya'n owal, 'icha xyac' jun tzo'n̈ xo eb' soldado ma'ix xiwi, xchi.

A Ch'an̈ B'ab'el Libro Samuel 11:7

'Ix yi'n cot chawn̈ no mam wacax, scotc tzu'n 'at no', 'ix ya'n no 'a jun tzo'n̈ eb' schecab', yic tz'ec' sch'oxnc eb' 'ilxoc no 'a smasnil yol smacb'en eb' yit israelal. Tzlaj 'ec' yalnc eb' checb' chi 'ixtic: 'Ixtc wal 'oj 'aj swacx mach ma'oj 'och tza'n yuj Saúl, yet' pax Samuel, yic 'oj 'at eb' 'a owal, xchi eb'. 'Ix jaw jun niwquil xiwlal 'a yib'n̈ eb' 'anma chi smasnil yuj Jehová. Junxn̈ej xyutj sb'a eb' smasnil, 'ix wul ya'nc 'och sb'a eb' yet' eb'.

A Ch'an̈ B'ab'el Libro Samuel 14:24

Palta a eb' israel, caw 'ix tzactzj chan̈ eb' 'a jun c'u cha, yujto 'ay jun sti Saúl xyal 'ixtic: Cot cab' catb' 'a yib'n̈ mach tzwa 'a yic mantzac q'uic'b' cha'an̈ yic mantzac wa'x in pac 'a eb' 'ajc'ojol, xchi. Ax eb' chon̈ab', mantzac wa xon eb' jab'oc.