Jueces 21:25 - Chuj San Sebastian Bible

²⁵ A 'a yic jun tiempoal cha, mant 'a xon junc rey 'a scal eb' israel, junjn eb' mun tzb'o eb' 'icha tas tzna'a.

Chuj San Mateo Bible

²⁵ A d'a jun tiempoal chi' mantalaj sreyal eb' israel, junjun eb' sc'ulej icha tas snib'ej.

Jueces 21:25 Iomraidhean Croise

Salmos 12:4

Atn eb' tzaln 'ixtic: Cojn toto tztac' qui paxtini, a qui ti 'oj qui colni. ¿Toc 'ay xon wal junc mach 'oj ste'wtzoc sb'a yoch cajliloc? xchi cob' eb'.

Pr 14:12

'Ay wal b'eyb'al caw wach' qui nanec, palta ax 'a slajub', a 'a chaml tzon̈ yijec 'ati.

Pr 3:5

Yet' wal smasnil a c'ojol, tza'n 'och a nab'en 'a Jehová, man̈ a'ch a jelnal yipc a c'ojol.

Ec 11:9

Ex quelmtac yet' ex cob'stac, tzaljan̈ec ya' sb'a caw te'n eyip; 'a'c tzaljoc e c'ojl 'a tas wach' ya' sb'a tztac' eyu'uj. 'Ixquec 'aj tze nib'j tzex 'ati, yet' tas tze nib'j tze b'o'o, palta tzeyojcan pax 'eli, to 'oj ex sb'eyc'ojloc Dios yuj smasnil jun tzo'n̈ tze b'o cha.

Is 53:6

On̈ sactzic qui masnil 'icha no calnelu, mun xoj xqui na junjn on̈ 'aja b'el 'aj tzon̈ laj 'atcni, palta ax Jehová, 'ix ya'ch jun tzo'n̈ qui mulc chi 'a yib'n̈ jun schecb' cha.

Is 66:3

'Ay mach yel xo wal yajb'entac tas tzb'eylb'ej, caw wal tzalj eb' sb'on jun tzo'n̈ tic: 'Ay mach tzmiln junc wacx xajmb'alil, ax 'a in sat 'icha to a junc 'anma tzmila; a mach tzmiln junc no calnelu xajmb'alil, ax 'a in sat 'icha to a junc no tz'i tzc'uychtej 'el sjaj; 'ay mach tz'a'n sat yawb'en ofrendail, ax 'a in sat 'icha to a schic'l junc chitm tzyac'a; 'ay pax mach tz'a'n tz'a jun tzon̈ incienso, 'icha to a 'a yechl junc comn dios 'aj tzyal sb'a.

Dt 12:8

Ata', man̈x 'oj e b'o 'icha tas tzqui b'oc 'a tic. A 'a tic, junjn mach tzb'o tas 'icha tznib'ej.

Jueces 17:6

A 'a yic jun tiempoal cha, may sreyl eb' israel, junjn eb', tzb'o eb' 'icha tas tznib'ej.

Jueces 18:1

A 'a yic jun tiempoal cha, may sreyl eb' israel 'aychi. Ax eb' yin̈tl Dan, mant 'a jun petc smacl lum eb' x'ajx 'a scal eb' yit israelal. Wanto yec' eb' sayc' 'aj tzcan cajan.

Jueces 18:7

Xlajwn̈ej cha, 'ix 'at eb' own̈ 'ilm lum chi 'a chon̈b' Lais. A eb' 'anma cajn 'a jun chon̈b' cha, caw may jac tzna eb', 'icha wal sb'eyb'al eb' 'aj Sidonio. 'Ayc' eb' 'a tzaljc'ojlal yet' 'a junc'ojlal. May mach tzuntzn eb' 'a junc tas, may pax tas tzyac' palta 'a eb'. Yic sb'a eb' sch'ocoj. Caw wal najt tzcan chon̈b' Sidón 'a stz'ey eb'.

Jueces 19:1

A 'a jun tiempoal yic mant 'a junc rey 'aych 'a chon̈b' Israel, 'ay jun levita cajn 'a jun lugar caw najat. 'Icha ula yec' 'a lum jolmctac witz 'a yol yic Efraín. 'Ix yij win jun 'ix 'aj Belén 'a yol yic Judá.

Jueces 21:24

An̈jtona jun tzo'n̈ xo eb' yit israelal eb' cha, 'ix pax junjn eb' 'a slu'um, 'a 'aj 'aycn yin̈tl eb'.