Jueces 21:22 - Chuj San Sebastian Bible

²² Toto 'oj jawc ewin smam eb' 'ix, mto ewin snul'j eb' 'ix wul yal 'ayn̈ on̈, 'oj cal 'ixtc 'a eb' on̈: —Tzqui c'an niwnc'ojlal 'ayx yuj eb' 'ix, yujto ma'ix 'ilchj yistzil ewin smasnil cuj 'a tic on̈, yic 'ix 'och owl 'a Jabes. An̈jtona', caw man̈oc ex tzeyac' eb' 'ix 'a ewinac, yuj cha, may ex tz'och e mul 'a 'aj xeyac' e ti', 'oj qui chic 'a eb' on̈, xchi eb' syajlil eb' israel cha.

Chuj San Mateo Bible

²² Tato ol javoc eb' vin̈ smam, ma eb' vin̈ snulej eb' ix cob'estac chi' yal d'ayon̈, ol calan d'a eb': Sco c'an nivanc'olal d'ayex d'a spatic eb' vin̈, yujto maj ilchaj yetb'eyum eb' vin̈ smasanil cuuj, ayic ix och oval d'a Jabes. An̈ejtona', tic val man̈oc ex ix eyac' eb' ix d'a eb' vin̈, yuj chi' max ochlaj e mul b'aj ix eyac' e ti', xco cham d'a eb', xchi eb' yajalil Israel chi'.

Jueces 21:22 Iomraidhean Croise

Gn 1:27

Xlajw cha, sb'on Dios 'anma', 'icha wal Dios cha, 'ixta xyutej, sb'o win winac, yet' 'ix 'ix.

Gn 7:13

A 'a jun c'u cha, 'ix 'ochcn Noé 'a yojl te barco yet' eb' yunnal yoxwn̈il, atn win Sem, win Cam, win Jafet, eb' yalb' yoxwn̈il, yet' 'ix yistzil.

Pr 20:25

Caw wal 'ay smay toto ji'lti tzcutjec ca'n qui ti 'a Dios, tzlajw cha, tzqui nanec pax qui b'a yuj tas 'aj 'ix ca'c can qui ti cha.

1 Co 7:2

Palta 'ay smay sb'on eb' 'ajmulal. Yuj cha, yel xo wach' tz'och yistl junjn eb'. Yet' pax eb' 'ix 'ix, yel xo wach' tz'och yichmil junjn eb'.

Jueces 21:1

A smasnil eb' israel xyac' eb' sti 'a yojltac Jehová 'a Mizpa, to may junc eb' 'oj yac' yisl yistzilc eb' yic Benjamín cha.

Jueces 21:14

'Ix meltzj cot eb' yin̈tl Benjamín. Xlajw cha, 'ix ya'n eb' israel eb' 'ix 'ix x'at 'ijxoc cot 'a Jabes yistzilc ewinac, palta man̈ tz'acnoc xyij ewin yistzil smasnil.

Jueces 21:18

Palta an̈ec tic, matz tac' ca'nec eb' 'ix quislec, yic tz'och eb' 'ix yistloc ewinac, yujto qui masnilec ca'jnaquec qui ti 'a Dios 'ixtic: Toto 'ay mach tzyac' yisl yistloc eb' yin̈tl Benjamín, tzcotcn catb' 'a yib'an̈, xqui chiec.

Jueces 21:7

¿Tas 'oj cutquec tze na'a, yic tz'ochx yistzil ewin yic Benjamín xcancn tic? An̈ec tic tox 'ix ca'c qui ti 'a Jehová, to may junc on̈ec tzca'c quisl yistloc ewinac.