Jueces 21:21 - Chuj San Sebastian Bible

²¹ Wach' tzeyutj e c'ub'n 'el e b'a ta', man̈ e ch'ox e b'a. At yic 'oj eyilnoc yelt nan̈loc eb' 'ix cob's 'ix 'aj Silo chan̈l ta', tzex 'elt 'aj tze c'ub'j 'el e b'a cha, tzeyi'n can 'at junjnoc eb' 'ix eyistzilc junjn ex. Tzlajw cha, tzex pax 'a e lu'um.

Chuj San Mateo Bible

²¹ Vach' tzeyutej e c'ub'anel e b'a ta', lista eyaji. Ayic ol eyilan yelta n̈ililoc eb' ix cob'estac aj Silo chan̈al ta', tzex elta b'aj c'ub'an ex chi', tzeyic'ancot junjunoc eb' ix eyetb'eyumoc. Slajvi chi' tzex paxcan d'a e chon̈ab'.

Jueces 21:21 Iomraidhean Croise

A Ch'an̈ Schab'l Libro Samuel 6:14

Ax jun chaleco nab'a lino yic eb' ya'mal 'och sti eb' 'anma 'a Dios, a 'aych yuj David, caw wal tzb'atj chan̈ yet' smasnil yip yuj tzaljc'ojlal 'a yojltac Jehová.

A Ch'an̈ Schab'l Libro Samuel 6:21

'Ix ta'w David 'ixtic: —Yeltoni, in b'atj cha'an̈ palta atn 'a yojltac Jehová, yujto a in si'n 'och syajlilc chon̈b' sjelc a mam, yet' pax sjelc smasnil eb' ecan. Yuj cha, 'oj in b'atjn̈ej chan̈ yuj tzaljc'ojlal 'a yojltac Jehová.

Salmos 149:3

Tzon̈ laj q'uec b'atnjoc calnec qui wach' paxti 'a 'a, qui b'itquec yet' qui arpa yet' pax qui pandero.

Salmos 150:4

Tzon̈ q'uec b'atnjoc qui b'itn yet' pandero. B'itn coyc yet' flauta, mto yet' jun tzo'n̈ yamc'ab' ch'an̈ 'aych 'a 'a.

Ex 15:20

A 'ix María schecb' Dios yanb' Aarón, xyij chan̈ spandereta, sjucb'tzan eb' yit 'ixl cha yic tzyucn eb' spandereta, xlaj b'atj chan̈ eb' yuj stzaljc'ojlal.

Ec 3:4

'Ay yorail yoch 'oq'uel, 'ay pax yorail yoch tze'ej. 'Ay yorail yoch cusc'ojlal, 'ay pax yorail yoch q'uin̈.

Cantares 6:13

Meltzjan̈ coti, meltzjan̈ cot ach sulamita, caw tzqui nib'j ach quila', xchi eb'. ¿Tas tze nib'j eyil 'ayn an sulamita in tic? xchi 'ix. Tzqui nib'j quil a q'ue b'atnjoc a chan̈lwi, 'icha chan̈l tz'och 'a camplamento, xchi eb'.

Jeremías 31:13

Caw 'oj b'atjoc chan̈ eb' 'ix cob'stac yuj tzaljc'ojlal. 'Oj tzaljoc pax chan̈ eb' quelmtac, yet' pax eb' 'ichmtac winac. An 'oj wac' sniwnal sc'ojl eb', 'oj meltzjoc 'och scusc'ojlal eb' 'a tzaljc'ojlal, yel xo niwn stzaljc'ojlal eb' 'oj wac' 'a yib'n̈ jun tzo'n̈ yailal 'ix laj yil eb'.

Mt 10:17

Caw tzeyil wal e b'a, yujto 'ay eb' 'oj eyi'n 'at 'a eb' yajal, 'oj ex smac' eb' 'a yol jun tzo'n̈ scapiya.

Lc 17:25

Palta b'ab'el, yowlal caw 'oj wab' syail, 'oj in patquilx can 'el yuj eb' 'anma 'ayc' 'a jun tiempoal tic.

Jueces 11:34

Ax yic xlajw owl cha, 'ix pax Jefté 'a yatut 'a Mizpa, ax jun c'otn yisil, a 'ix x'elt chanoc sc'ochi. Xoj schan̈lwi 'ix yet' spandereta yuj stzaljc'ojlal. Cojn wal jun yisl win cha, may junc xo snul'j 'ix.

Jueces 21:20

Ax eb' yajl yaj 'a scal eb' israel cha, x'at yac' eb' alxc jun paxti tic 'ixtc 'a eb' yin̈tl Benjamín: —'Ixquec, 'at c'ub'jec 'el e b'a 'a scal te uva 'a sla'nil Silo.

A Ch'an̈ B'ab'el Libro Samuel 18:6

Ax yic xmeltzj eb' soldado israel 'a owal, yic smiln cham can David win Goliat, 'ix syamn sb'a smasnil eb' 'ix 'ix cajn 'a yol junjn chon̈b' 'ay 'a yol yic Israel. 'Ix wul schanc eb' 'ix sc'och win rey Saúl. Xoj ya'n eb' 'ix chan̈al, xoj sb'itn eb' 'ix, tzyucn eb' 'ix jun tzo'n̈ q'uen pandereta yet' platillo.