Jueces 21:13 - Chuj San Sebastian Bible

¹³ Xlajw cha, 'ix 'at yalmal mu'c yuj eb' chon̈b' 'a ewin yic Benjamín 'aycn 'at 'elc 'a sat q'uen niwquil tenm tzcuch Rimón. 'Ix 'awtx cot ewinac yic tz'och eb' 'a junc'ojlal.

Chuj San Mateo Bible

¹³ Ix lajvi chi', masanil eb' chon̈ab' chi', ix schecb'at yalumal eb' d'a eb' vin̈ yin̈tilal Benjamín aycanb'at sc'ub'ejel sb'a d'a q'uen tenam scuchan Rimón, ix b'at ic'chajcot eb' vin̈ d'a junc'olal.

Jueces 21:13 Iomraidhean Croise

Is 57:19

Yuj cha, ax waln 'a eb' 'ixtic: A eb' najt cajn 'eq'ui, yet' eb' la'n yaji, 'ay cab' sjunc'ojlal eb', yujto an wan wan̈tn eb' in chon̈b' tic, 'oj in chioc.

Lc 10:5

A yic tzex laj c'och 'a junjn n̈a, tze b'ab'l 'a'j stzatzl sc'ojl eb', tzeyaln 'ixtc 'a eb': 'Ay cab' junc'ojlal 'a yojl jun n̈a tic, xe chi.

Ef 2:17

A Cristo xwul alnc 'el wach' 'ab'x yic junc'ojlal 'ayn̈ec qui masnil. An̈ israel on̈ tic on̈, yictax yalan̈, 'icha to la'n caj 'a Dios on̈. Ax xo, 'icha to najt to eyaj 'a stz'ey. Palta sch'ox Cristo 'ayn̈ on̈, sch'oxn pax 'ayex, chajtl tzon̈ 'aj cochc 'a junc'ojlal yet' Dios.

Dt 20:10

A yic tzex c'och 'a sla'nil junc chon̈b' 'aj 'oj eyac' owl cha, b'ab'el, yowlal tze ya't junc e checab' yic tzc'anb'n 'ixtic: ¿Tzam e nib'j junc'ojlal, mto owal? xchi cab' 'a eb' 'anma cha.

Jueces 20:45

Ax jun tzo'n̈ xo eb' xmeltzj cani, 'ix 'at eb' 'elc 'a lum custltac lu'um, 'a sc'axpil 'ec' q'uen niwquil tenm tzcuch Rimón. O'e mil eb' xcham 'a yol b'e. An̈j 'ijnoc pechb'il eb' yuj eb' israel masnto xc'och eb' 'a Guidom. 'Ix 'ajx ganar eb' yuj eb' israel cha. Chab' mil to eb' soldado 'ix cham ta yuj eb' israel cha.

Jueces 20:47

Palta waque to ciente eb' yic Benjamín chi 'ix 'atnc 'elc 'a lum cusltac lu'um. Chan̈e 'uj 'ix can eb' 'a sat q'uen niwquil tenm tzcuch Rimón.

Jueces 21:12

A 'a scal eb' cajn 'a Jabes cha, ata 'ix 'ilchj chan̈e ciente eb' 'ix cob's 'ix mant 'a xon winc tzc'umej. 'Ix 'ijx cot eb' 'ix 'a camplamento 'a Silo 'a yol yic Canaán.

Jueces 21:14

'Ix meltzj cot eb' yin̈tl Benjamín. Xlajw cha, 'ix ya'n eb' israel eb' 'ix 'ix x'at 'ijxoc cot 'a Jabes yistzilc ewinac, palta man̈ tz'acnoc xyij ewin yistzil smasnil.