Jueces 20:48 - Chuj San Sebastian Bible

⁴⁸ Ax pax eb' israel xmeltzj cha, 'ix stzu'n cham eb' nan̈l xo 'anma xcan 'a junjn schon̈b' eb' yin̈tl Benjamín cha. Sma'n cham can pax eb' no noc', yet' smasnil tastc 'ix 'ilchj yuj eb'. 'Ix sn̈usn can pax eb' junjn chon̈b' cha.

Chuj San Mateo Bible

⁴⁸ Axo eb' israel ix b'at eb' d'a masanil chon̈ab' d'a yol yic Benjamín chi', ix xicancham masanil anima eb' yed' masanil noc' molb'etzal noc'. Ix sn̈usanpaxtz'a junjun chon̈ab' eb' yed' masanil tastac ay d'ay.

Jueces 20:48 Iomraidhean Croise

2 Cr 25:13

Ax pax eb' soldado Israel to ma'ix chax 'at 'a owl yuj Amasías, atn eb' 'ix checx can meltzjc 'a yatut, a eb' cha, 'ix ya'cn lajwc eb' jun tzo'n̈ chon̈b' 'a yol smacb'en Judá. Tzchaj 'at 'a Samaria masnto 'a Bet-horón, 'oxe mil 'anma smilcn cham eb', til wal tas 'ix yel'j 'at eb'.

Pr 18:19

Toto tzca'c owl yet' junc cu'tac, caw 'ajltac yochx 'a junc'ojlal quet'ec, 'a yib'n̈ to tzca'c ganar yem junc chon̈b' wach' yajch smuroal, yujto caw wal tzatzb' snab'en jun chi 'icha wal junc puerta tzatz yajch yijul.

Jueces 20:47

Palta waque to ciente eb' yic Benjamín chi 'ix 'atnc 'elc 'a lum cusltac lu'um. Chan̈e 'uj 'ix can eb' 'a sat q'uen niwquil tenm tzcuch Rimón.

Jueces 21:1

A smasnil eb' israel xyac' eb' sti 'a yojltac Jehová 'a Mizpa, to may junc eb' 'oj yac' yisl yistzilc eb' yic Benjamín cha.

Jueces 21:23

'Ix schaj sc'ojl eb' yin̈tl Benjamín sb'on tas 'ix alx 'a 'a. Yuj cha, junjn ewinac, 'ix yij 'at ewin junjn eb' 'ix cob'stac' xschan̈lwi cha. Yajn̈ej 'ix yi'n 'at ewin eb' 'ix 'a 'aj 'aycn slu'um. Xlajw cha, sb'on pax chan̈ eb' schon̈b' jun 'ejm xo, 'ix can cajn ewin yet' eb' 'ix ta'.