Jueces 20:34 - Chuj San Sebastian Bible

³⁴ Lajn̈e mil eb' sic'b'il 'el 'a scal eb' soldado yic Israel, eb' to caw jeln ya'n owal. 'Ix ya'n eb' owl yet' chon̈b' Gabaa cha. Caw yelc'ojlal tzniwtj chan̈ owal. Ax eb' yic Benjamín man̈ yojcoc eb' toto jab'xoj slajw 'el eb'.

Chuj San Mateo Bible

³⁴ Lajun̈e' mil eb' sic'b'ilel d'a scal masanil soldado yic Israel ix och d'a chon̈ab' chi' yac' oval, yelc'olal ix te och yip oval chi'. A eb' yic Benjamín najat ix b'at chi', max snalaj eb' tato van satel eb'.

Jueces 20:34 Iomraidhean Croise

Job 21:13

Til wal tas 'ay 'a eb' tu snab'en cha yic tzcham eb', caw tzaljc'ojlal tz'aj smucx can eb' 'a campusan.

Pr 29:6

A mach maysch'olnil sb'eyb'al, a smul cha, 'icha ch'an̈ yal yajch 'a 'a; ax pax mach to wach' snab'en, caw junc'ojlal yaji, tzaljc'ojlaln̈ej yico'.

Pr 4:19

Palta ax eb' maysch'olnil cha, a sb'eyb'al eb', lajn wal 'icha q'uic'q'uinal, yuj cha, matz yil eb' 'aj tztench eb' yoc.

Ec 9:12

An̈ 'anman̈ec tic, man̈ cojcoquec jantc qui q'uinal; 'icha tzyac' no chay tzcan 'a yojl ch'an̈ chim, mto 'icha no ch'ic tzcan 'a ya'al, 'ixta 'on̈ec, may tas nan cujec, ax tz'aji, ata tz'el-l tza'n̈joc junc tas 'a quib'n̈ec.

Is 47:11

Palta a yic 'oj jawc tas man̈ wach'c 'a eb'an̈, man̈x 'oj stac' a coln a b'a yet' tas cuyb'il oj cha. 'Oj jawc cusc'ojlal 'a eb'an̈, palta ma'oj stac' a tenn 'och wa'an; a wal yic man̈ nanoc o'oj, ax sjaw tza'njoc yailal chi 'a eb'an̈.

Mt 24:44

Yuj cha, an̈jtona 'ex, caw lista tzeyutj e b'a, yujto a yic tze na'a to matz in jawi, lemb'il ata 'oj in jawi.

Lc 21:34

Tzeyac' wal cuenta e b'a, man̈ e cha pitb'oc e b'a yuj pec'al, yuj 'u'lan̈, mto yuj tzann̈j junc xo tas tzex 'och 'il yuj 'a yolyib'n̈q'uinl tic. Toto ma'ay, ax 'oj jawc jun c'u cha, man̈ listaoc eyaji.

1 Ts 5:3

A 'a yic jun tiempoal cha, 'oj cob' yal eb' 'anma 'ixtic: An̈ec tic, caw wach' cajec, toc 'ay tas tzqui na'ec, 'oj schic cob' eb'. Palta yajn̈j wal cha, ax satx can 'ejm eb'. 'Icha tz'aj sjaw syailal junc 'ix tz'alj yune', 'ixta 'oj 'aj sjaw syailal eb' cha. Wal yel, may junc eb' 'oj colchjoc can 'el 'a jun syailal cha.

Josué 8:14

Ax xyiln sb'a win sreyl chon̈b' Hai cha, to 'ay tas wan sc'och 'a 'a. Yuj cha, caw 'ix seb' q'ue wa'an, 'ix ya'n lista smasnil soldado. 'Ix 'elt yac' owl yet' eb' israel 'a lum 'a'lic tz'emch 'a sti a Jordán. Man̈ yojcoc eb' toto 'ay pax nan̈l xo eb' soldado chi c'ub'b'il 'el 'a spatquil 'at jun chon̈b' cha.

Jueces 20:35

A Jehová 'ix 'a'n yac' ganar eb' israel 'a yib'n̈ eb' yic Benjamín. Ax xyiln cot sb'a eb' yin̈tl Benjamín, chajtlto tox 'ix 'ajx ganar eb'. 25,100 eb' soldado xcham yuj eb' israel. A 'a b'ab'el a eb' soldado israel 'ix 'at 'elc 'a eb' yic Benjamín cha. Najt 'ix 'at eb' 'eloc yujto 'a eb' soldado sc'ub'j can 'el sb'a 'a spatquil Gabaa 'a eb' yipc'ojlal yaj yuj eb'.