Jueces 20:25 - Chuj San Sebastian Bible

²⁵ An̈jtona', a 'a scha'ejmal cha, 'ix 'el paxt eb' yic Benjamín yac' owl yet' eb', smiln cham eb' junx wajxclajn̈e mil eb' soldado israel.

Chuj San Mateo Bible

²⁵ An̈eja' d'a junelxo chi', ix elixta eb' yin̈tilal Benjamín chi' yac' oval yed' eb'. 18 mil soldado yetisraelal eb' chi' ix smilchamoc.

Jueces 20:25 Iomraidhean Croise

Gn 18:25

Ma'oj stac' a b'on 'ixta', yic tza satn 'el eb' may smul yet' eb' 'ay smul, 'icha to lajn xoj eb' tzyal cha. Man̈ a b'o 'ixta'. Caw Yajl ach 'a yolyib'n̈q'uinl tic. Toc wal 'oj a b'o tas man̈ tojloc, xchi Abraham 'a Dios.

Gn 49:27

Ach xo ach tic Benjamín, lajn ach 'icha wal junc no 'ocs caw ow, a 'a yic caw sq'uin̈b'il to, tzchin 'ejm yit noc'al; ax 'a yic sq'uic'b'alil xo, tzpojn can 'ec' tas matz lajw yu'uj, xchi win Jacob 'a eb' yunnal cha.

Salmos 97:2

A q'uic' 'asun, a oyn 'och 'a 'a. A yopiso caw te'n yaj yuj tojlal yet' yuj wach'il.

Os 10:9

'Ix yaln Jehová 'ixtic: A eb' 'aj chon̈b' Israel tic, matz 'och wan xon eb' ya'n 'och smul, atxo ta 'elnc yich yuj eb' 'a chon̈b' Guibeá. Ax ticnec, an̈j 'ijnoc yoch smul eb'. Yuj cha, 'oj wac' yamchjoc c'och eb' 'anma tu snab'en tic yuj owl 'a chon̈b' Guibeá cha.

Ro 11:33

A Dios, man̈ jantcoc swach'il, man̈ jantcoc sjelnal. Caw yojcn̈ej smasnil tas. May junc mach tztac' snachj 'el yu'uj, tas tzyutj Dios snan 'el tas tzb'o'o. May pax junc mach tznachj 'el sb'eyb'al Dios yu'uj.

Ro 2:5

Palta 'ayx pit ex, matz e na e b'a. Yuj cha, wan eya'n niwtjoc yowl sc'ojl Dios 'a eyib'an̈. Ax 'a yic 'oj jawc jun c'u yic yailal, ax yajx can 'och 'a eyib'n̈ ta'. At wal 'a jun c'ul cha, 'oj checljoc 'el sb'eyc'ojlal Dios caw yel.

Ro 3:5

An̈ec tic, man̈ on̈ tojloc. Yuj cha, tzcheclj 'eli to cojn Dios tojol. Palta ¿tasm tze na'a? ¿Tom man̈ tojloc Dios yujto 'oj ya'ch qui yailalec yuj qui mul? 'Ay eb' 'anma tznan 'ixta'.

Jueces 20:21

Ax eb' yic Benjamín, 'ix 'elt eb' 'a yol chon̈b' cha. 'A 'a jun c'u cha, 22 mil eb' yit israelal eb' chi smilcn chamoc.

Jueces 20:26

Xlajw cha, ax eb' soldado israel smasnil, yet' smasnil eb' chon̈ab', 'ix 'atx eb' 'a scajnub' Dios 'a Bet-el. 'Ix 'oc' eb' 'a yojltac Jehová 'a smasnil c'u masnto xq'uic'b'i. May jac tas sc'ux eb', 'ix ya'n eb' xajmb'al tz'a'i, yet' xajmb'al yic junc'ojlal.