Jueces 20:22 - Chuj San Sebastian Bible

^22-24 Yuj cha, 'ix 'at eb' israel 'a Bet-el, yic tz'oc' eb' yuj cusc'ojlal 'a yojltac Jehová masnto xq'uic'b'i. 'Ix sc'anb'n eb' 'ixtc 'a Jehová: —¿Tzam on̈ 'at cac' owl yet' eb' quit israelal, atn eb' yin̈tl Benjamín? xchi eb'. 'Ix yaln Jehová: —'Ixquec, xchi. Yuj cha, xyi'n pax eb' sniwnal sc'ojol. Ax 'a junx c'u 'ix 'atx eb' yac' owl yet' eb' yin̈tl Benjamín cha. An̈j 'ijnoc a 'aj 'ix 'och owl yuj eb' 'a b'ab'el, ata xcan eb' jun 'ejm xo.

Chuj San Mateo Bible

^22-24 Yuj chi' ix b'at eb' israel chi' d'a yichan̈ Jehová, cusc'olal yaj eb' ix ec' c'u, masanto ix q'uic'b'iemi. Ix lajvi chi' ix sc'anb'an eb' d'a Jehová: ¿Tzam on̈ b'atxi cac' oval yed' eb' quetisraelal yin̈tilal Benjamín? xchi eb'. Ix yalan Jehová: Ixiquec, xchi d'a eb'. Yuj chi' ix yic'anxi yip eb', axo d'a junxo c'u ix b'at eb' yac'xi oval yed' eb' yin̈tilal Benjamín chi'. An̈eja' b'aj ix och eb' d'a sb'ab'elal, ata' ix ochxi eb'.

Jueces 20:22 Iomraidhean Croise

A Ch'an̈ Schab'l Libro Samuel 11:25

'Ix yaln David 'a win checb' chi 'ixtic: —Al 'a Joab to matz 'och st'uc yuj jun cha. 'Ixta xon ya'n owal, 'ay xon mach tzcham yuj owl cha. Ya' cab' 'ip ya'n owl 'a jun chon̈b' cha, masnto cab' tzlajw can eb' 'anma chi yu'uj. 'Ixta tzotj a'n ste'nal, xchi David cha.

Salmos 64:5

Tzlaj ya'lac eb' ste'nal sb'on maysch'olnil. Tzlaj smol alnc eb' tas tzyutj eb' ya'n 'ejm sch'an̈ yal 'a c'ultaquil, tzyaln eb' 'ixtic: May mach tzon̈ 'ilnec, xchi cob' eb'.

Jueces 20:15

'Ay waqueschawinc mil eb' soldado xcot 'a smasnil eb' chon̈b' 'ay 'a yol smacb'en eb' yin̈tl Benjamín. Lista xo yaj eb' yet' syamc'ab' yic owal. Chuc pax eb' uque ciente soldado sicb'ilx 'eli, to caw wal jelan, 'aj Gabaa eb'.

Jueces 20:17

Ax pax 'a jun tzo'n̈ xo eb' israel cha, 'ay chan̈e ciente mil eb' soldado caw jeln 'a owal, lista xo yaj eb' yet' syamc'ab', yic tzya'n eb' owl yet' eb' yic Benjamín.

Jueces 20:21

Ax eb' yic Benjamín, 'ix 'elt eb' 'a yol chon̈b' cha. 'A 'a jun c'u cha, 22 mil eb' yit israelal eb' chi smilcn chamoc.

A Ch'an̈ B'ab'el Libro Samuel 30:6

Caw 'ix 'och 'il David si'mb'il, yujto snib'j eb' winc ajun yet' chi sjul q'uenej. Chab'c'ojlal xoj yaj eb' smasnil, yuj tas 'ix 'aj yunnal eb', yisl eb' cha. Palta xya'ch David chi snab'en 'a Jehová sDiosal.