Jueces 2:3 - Chuj San Sebastian Bible

³ Yuj cha, tzwaln pax 'ayx ticnec: Ma'oj wi'l eb' chon̈b' chi 'a eyojltac. 'Oj 'och eb' 'ajc'ojlal 'ayex; ax sdiosal eb', 'icha ya'al, 'ixta 'oj 'ajcn eb' 'ayex, xchi 'a eb'.

Chuj San Mateo Bible

³ Yuj chi' svalcan d'ayex to man̈ ol viq'uel-laj juntzan̈ chon̈ab' tic d'a e cal. Ol ochn̈ejcan eb' ajc'olal d'ayex, axo sdiosal eb' ol ex juaneloc, ichato ol ex can d'a junoc yaal, xchi Yángel Jehová chi'.

Jueces 2:3 Iomraidhean Croise

Salmos 106:36

xya'n servil eb' sdiosal eb' chuc chon̈b'al. Atn wal yuj jun tzo'n̈ cha, 'ix juw 'el eb'.

Ex 23:33

May cab' eb' tzcan eyet' 'a yol e chon̈ab', sec wach' ma'oj ex sjucb'tzoc eb' 'a tas maysch'olnil 'a in sat. Palta toto tzeyac' servil sdiosal eb' cha, wal yel mun wal ax tzeyixtj 'el e b'a, xchi Dios 'a Moisés.

Ex 34:12

A yic tzex c'och 'a sat lum lum cha, may junc trato wach' e b'on yet' eb' 'anma chi ta', sec wach' ma'oj ex yixtc eb'.

Nm 33:55

Palta toto ma'oj e pechl eb' 'anma chi 'a sat lum lum cha, toto 'oj laj can eb' eyet'oc, caw 'oj ex yixtc eb'. 'Icha tzyac' junc c'alem tz'at 'a yol e sat, mto 'icha tzyac' te q'uix tzcan 'a e niwnal, 'ixta 'oj ex yutc eb', 'a yic 'oj e can cajn 'a lum lum cha.

Dt 7:16

Yuj cha, a smasnil chon̈b' 'oj yac' Jehová qui Diosal 'a yol e c'ab', yowlal tze satl eb' smasnil. Man̈ 'o'ch e c'ojl 'a eb', man̈ eyac' 'ejm e b'a 'a sdiosal eb', toto ma'ay, 'icha ch'an̈ yal 'oj 'ajch 'ayex.

Josué 23:13

eyojc xon wal b'i'an, to a Jehová man̈x 'oj yi'l jun tzo'n̈ eb' 'anma chi 'a e cal. 'Oj sc'anlb'oc eb' 'icha junc ch'an̈ ya'al sec tzex 'em yuj eb'. 'Icha no tz'um tz'och 'a yich e patic, 'icha pax te q'uix tz'at 'a yol e sat, 'ixta 'oj ex yutc eb', masnto 'oj e satl 'a sat lum lum caw wach' 'ix yac' Jehová Dios 'ayn̈ec.

Jueces 2:21

Yujn̈ej cha, man̈x 'oj wi'l jun tzo'n̈ 'anma tic 'a scal eb', atn jun tzo'n̈ cann̈cto yuj Josué 'a yic xchami, xchi.

Jueces 2:4

A yic xlajw yaln jun yángel Jehová chi jun tzo'n̈ tic 'a eb', 'ix syamn 'och eb' yoq'ui, caw x'el yaw eb' yoc' si'mb'il.

Jueces 3:6

Ax yunnal yet' yisl eb' israel cha, 'ix yij sb'a eb' yet' yunnal yet' yisl eb' chuc chon̈b'al cha. 'Ix ya'n pax 'ejm sb'a eb' 'a sdiosal eb' cha.

Jueces 8:27

Sb'on Gedeón jun yechl 'a q'uen oro yic tznan 'el junc tas, ax 'a schon̈b' Ofra, ata xcan jun yechl chi yu'uj. Ax smasnil eb' yit chon̈b' cha, 'ix spatquiln can 'el eb' Jehová yuj jun yechl cha, axta xyal sb'a eb' 'a 'a. A jun chi 'ix jun 'el snab'en Gedeón yet' eb' yunnal.