Jueces 2:17 - Chuj San Sebastian Bible

¹⁷ Palta a eb' israel cha, ma'ix schaj eb' yab' tas xyal eb' tzcoln eb' cha, palta to 'ix 'och tz'a'n eb' yuj jun tzo'n̈ comn dios, atn jun tzo'n̈ 'aj tzyac' 'ejm sb'a eb'. Yajn̈j cha xyi'n 'el sb'a eb' 'a jun b'eyb'al sb'eylb'ejnac eb' smam yichm eb'. A wal eb' smam yichm eb' cha, caw yiclum yutjnac sb'a eb' 'a schecnb'il Jehová, palta ax eb', man̈ 'ixta'oc xyutj sb'a eb'.

Chuj San Mateo Bible

¹⁷ Vach'chom icha chi', palta man̈ val jab'oc sc'anab'ajej eb' scolumal eb' chi', maxtzac sc'anab'ajej Jehová eb'. An̈ej d'a comon dios tz'och eb' ejmelal. A eb' smam yicham eb', sc'anab'ajejnac schecnab'il Jehová eb', axo pax eb', ix yactejcan sb'eyb'al eb' smam yicham eb' chi'.

Jueces 2:17 Iomraidhean Croise

Salmos 106:39

'Ixta xyutj eb' sjun 'el sb'a, 'ix laj 'och eb' 'ajmulal yuj tas xlaj sb'o cha.

Salmos 106:43

Til wal 'ejm xcolx eb' oj ach qui Diosal on̈, palta ma'ix chaj eb' yab' tas xala, yuj cha, a smul eb' chi tz'i'n can 'ejmi.

Salmos 73:27

A eb' tzyij 'el sb'a 'a a tz'ey Mamin, 'oj cham eb'. A eb' man̈ yiclumoc 'ayach, 'oj a satl eb'.

Ex 32:8

Yajn̈j wal cha, 'ix yi'n 'el sb'a eb' 'a tas xwala, sb'on eb' jun yechl quelm wacax; xlaj cob' ya'nc 'ejm sb'a eb', xya'n eb' xajmb'al 'a jun yechl cha, xyaln eb' 'ixtic: Ex q'uit israelal, atn wal qui diosalec tic on̈ 'i'nec 'elt 'a Egipto, xchi cob' eb', xchi Dios 'a Moisés cha.

Jeremías 3:6

A 'a yic stiempoal win rey Josías, 'ix yaln Jehová 'ayn 'ixtic: ¿'Ix el am wal tas sb'o eb' et chon̈b' cha? Lajn wal xyutj sb'a eb' 'icha eb' 'ix 'ajmul 'ix. Caw tz'at eb' 'at sb'o mul 'a smasnil lum tzalctac, yet' 'a yich eb' te te pim xi'il.

Jeremías 6:16

'Ix yal Jehová 'a eb' schon̈b' 'ixtic: 'Ochn̈ec wan lin̈n 'a 'aj tzchaj sb'a jun tzo'n̈ b'e, tze maclni eyila'. Tze c'anb'n 'ec' jun tzo'n̈ 'ichm b'e yet' 'ajtil 'ay b'e wach'. A 'a yol jun b'e caw wach' cha, ata tzex 'ati, sec wach' 'oj eyilji, xin chi. Palta 'ix eyaln 'ixtic: Ma'ay, matz qui nib'j tzo'n̈ 'at ta 'on̈, xe chi.

Os 2:2

'Ix yaln Jehová 'ayin to an tzwa'ch in b'a ch'oxnb'ilal yet' eb' wunnal yet' pax snun eb', yuj cha, xwaln 'ixtic: —Wach'xam a e nun cha, man̈x wistziloc, man̈x in yichmilc paxi, palta alc 'a 'a, man̈x cab' ya'ch sb'a 'ajmulal, tzyactn can pax 'ix eb' winc nib'b'il yuj cha.

Lv 17:7

Man̈x 'a wal b'a'n̈ tzeyac' e xajmb'al 'a eb' demonio, atn jun tzo'n̈ 'aj eya'jnac 'ejm e b'a. Yujn̈ej ton jun tzo'n̈ cha, yoch e mul. A jun tic ley tz'ajcn 'a e cal 'a smasnil tiempo, yet' 'a eb' eyin̈tl b'aq'uin̈.

Am 2:4

A Jehová tzaln 'ixtic: A wal eb' aj Judá, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Spatquilj can 'el eb' in cuynb'il, ma'ix syiclj eb' in ley. A yic eb', to xyac' eb' 'emmquilal 'a jun tzo'n̈ comn dios, atn jun tzo'n̈ 'aj ya'jnac eb' smam yichm eb' 'emmquilal.

Gl 1:6

A Dios 'awtjnacn̈ec yuj swach'c'ojlal Cristo. Palta caw tzsat in c'ojl eyu'uj, yujto wan laj eyactn can Dios muc'uc. Ax ticnec, wan cob' eya'nc 'och e nab'en 'a junx chuc 'ab'xil yic colnb'il tzalx 'ayex.

Dt 31:16

'Ix yaln Jehová 'a Moisés 'ixtic: Ach tic jab'xoj wal 'oj a chami, ax jun chon̈b'al eb' 'anma tic, 'oj ya'cn 'at sb'a eb' 'a sdiosal jun tzo'n̈ chuc chon̈b'al 'ayc' 'a sat lum lum 'aj 'oj c'och cajn eb' cha. Yuj cha, ax in yactn can eb', ax sjun 'el eb' in trato 'ix in b'o yet'oc.

Dt 31:18

Palta wal yel 'oj wel ch'umn 'a eb' 'a jun c'u cha, yuj smasnil maysch'olnil tzb'o eb', yet' yuj pax to tzyal sb'a eb' 'a jun tzo'n̈ comn dios.

Dt 9:12

'Ix yaln 'ayn 'ixtic: 'Ixic, paxn̈ 'ejm muc'uc, yujto a jun chon̈b'al eb' 'anma 'ix ej 'elt 'a Egipto, caw wal 'ix juw 'el eb'. Ma'ix syiclj eb' in checnb'il alb'il can wu'uj, yajn̈ej sb'on eb' jun sdiosal to nab'a oro.

Dt 9:16

Ax yic in 'emli, 'ix wilni b'ob'ilx jun yechl wacx e diosaloc. Tox 'ix 'och e mul 'a Jehová qui Diosalec. Yajn̈ej xeyi'n 'el e nab'en 'a schecnb'il tzyac' e b'eylb'oc.

Josué 24:24

Xta'w pax eb' chon̈b' chi 'ixtc 'a Josué: —An̈ tic on̈, 'oj ca' servil Jehová qui Diosalec, 'oj qui yiclc tas 'oj yal 'ayn̈ on̈, xchi eb'.

Josué 24:31

A eb' israel cha, caw yiclum xyutj sb'a eb' 'a Jehová yic pitznto Josué yet' eb', an̈jtona', caw wal yiclumto eb' 'a jun tzo'n̈ ley cha yic pitznto eb' 'ichmtac winc 'a scal eb', atn eb' 'ojtnac smasnil tas sb'ojnac Jehová yuj eb'.

Jueces 2:7

A eb' israel cha, syiclj eb' tas xyal Jehová ya' sb'a pitznto Josué, yet' 'a yic pitznto pax eb' yichmtac wincal chon̈ab', eb' tza'nto chamnc 'a Josué cha, eb' 'iljnac smasnil tas niwn yel'ch sb'ojnac Jehová yuj schon̈ab'.

Jueces 8:33

A yic chamnc xo Gedeón cha, ax smasnil eb' israel, 'ix spatquiln can pax 'el eb' Dios. Ax 'a jun tzo'n̈ yechl comn dios Baal, ata xyac' 'ejm sb'a eb'. 'Ix ya'n 'och eb' sdiosalc Baal-berit.

A Ch'an̈ B'ab'el Libro Samuel 12:12

A yic xeyilni to tzjaw win Nahas sreyl eb' amonita yac' owl eyet'oc, xe c'ann jun rey 'ayin, yic tz'och yajlil 'a qui calec. Tic pax to a Jehová qui Diosalec, a qui reylec yaji.

A Ch'an̈ B'ab'el Libro Samuel 12:17

A ticnec stiempoal spolx 'ixm trigo, man̈ stiempoalc ya'n n̈ab'. Palta 'oj in c'an 'a Jehová, ax 'oj 'a'nc c'an̈ c'u, ax ya'n cot jun niwquil n̈ab' sec 'oj nachjoc 'el eyu'uj, chajtlto caw tu tas xe b'o 'a sat Jehová yic xe c'ann jun e reyl tic, xchi.

A Ch'an̈ B'ab'el Libro Samuel 12:19

Yuj cha, xyaln smasnil eb' chon̈b' chi 'ixtic: —C'an 'a Jehová qui Diosalec cu'uj sec matz on̈ chamec, yujto caw 'ix niwtj qui mulec yic xqui c'annec jun qui reylec tic, xchi eb'.