Jueces 2:16 - Chuj San Sebastian Bible

¹⁶ Xlajw cha, ax Jehová a x'a'n 'och jun tzo'n̈ eb' colwjum 'a scal eb', sec a eb' tzcoln 'el eb' 'a yol sc'ab' eb' soldado tz'elc'n tas 'ay 'a eb'.

Chuj San Mateo Bible

¹⁶ Juntaquel scan eb' israel d'a yol sc'ab' eb' yajc'ol chi', ste ixtaj val eb' yuj eb', yuj chi' axo Jehová tz'ac'anoch juntzan̈ eb' scolumal eb' yic scoljiel eb' d'a eb' ajc'ol chi'.

Jueces 2:16 Iomraidhean Croise

A Ch'an̈ Schab'l Libro Samuel 7:11

yic xwa'n 'och eb' eyajlil ex 'i'n b'eyoc. An 'oj wic' 'ejm smasnil eb' 'ajc'ojl yajch 'ayex. An Jehová in, tzwa'cn ojcoc to 'oj wa'chn̈ej yopiso eb' en̈til.

Nehemías 9:27

Yuj wal cha, 'ix a'n 'och eb' 'a yol sc'ab' eb' 'ajc'ojol, atn eb' chi x'ixtn eb'. Palta a yic wan yab'n eb' syal yixtx cha, x'awj eb' 'ayach, sc'ann eb' a colwal. Ach xo pax tic, 'aych 'ec' 'a satcha'an̈, yuj a niwquil chamc'ojlal, xa chaj ab' tas xyal eb'; achxo 'ix 'ac' eb' winc xwul colnc 'el eb' 'a yol sc'ab' eb' 'ajc'ojol.

A Tas Sc'ulejnac Eb' Schecab' Jesús Hechos 13:20

Xlajw cha, xya'n Dios yopiso jun tzo'n̈ eb' juez ya'w cuenta. Nan̈l yol ciente ab'il ya'jnac eb' 'ixta', masnto yic yoch win Samuel schecb'oc Dios.

Jueces 10:1

A yic chamnc xo Abimelec, 'ay jun win yin̈tl Isacar 'ix 'ochx can scol chon̈b' Israel. A win tic, Tola sb'i, yunnal jun win tzcuch Fúa, yixchicn win Dodo. A win Tola cha, ata cajn win 'a chon̈b' Samir 'a eb' lum jolmctac witz 'a yol smacb'en eb' yin̈tl Efraín.

Jueces 11:32

'Ix 'at Jefté yet' eb' soldado yac' owl yet' eb' amonita cha, ax Jehová 'ix 'a'n eb' 'a yol sc'ab' eb', yic tz'ajx ganar eb' yuj eb'.

Jueces 3:15

masnto xtew eb' 'a Jehová. 'Ixta to b'i'an, xya'n 'och junx colwjum 'a scal eb', atn Aod win surito smunlji, yunnal Guera, yin̈tl can Benjamín. 'Ay jun c'ual, 'ix checx 'at Aod yuj eb' yit chon̈ab' yic tz'at ya'nc jun stojlb'al 'a win Eglón cha.

Jueces 3:31

A 'a spatquilx Aod cha, 'ix 'och junx win colwjum atn win Samgar yunnal Anat. A win xmiln waque ciente eb' filisteo. A jun te pechlab' wacax, a te sc'ana yic smiln win eb', yuj cha, xcolx pax eb' israel yuj winac.

Jueces 4:5

A 'ix Débora cha, ata tz'em wocn 'ix 'a yich jun te palma 'ay 'a jolm witz 'a yol yic Efraín, 'a snan̈l Bet-el yet' Ramá. Ata tzxitc' eb' israel sb'oyaj yowl 'a 'ix, yuj cha, x'ajx can scuch te palma chi, Te palma yic Débora.

Jueces 6:14

'Ix 'och q'ueln Jehová 'a 'a, 'ix yaln 'ixtic: —An tzach in checb'ti. C'anlb'ej jun ep 'ac'b'il wu'uj, yic tza coln 'elt eb' et israelal 'a yol sc'ab' eb' madianita, xchi.

Rt 1:1

A 'a yic 'aych eb' juez yajlil 'a chon̈b' Israel, 'ay jun winc 'aj Belén 'a yol yic Judá, 'ix ati, axta xc'och cajn yet' yistzil yet' chawn̈ yunnal 'a yol yic Moab yujto 'ix jaw jun niwquil wejl 'a yol schon̈b' eb'.

A Ch'an̈ B'ab'el Libro Samuel 12:11

Yuj cha, xya'n cob' Jehová jaywn̈ eb' coljnac 'el eb' qui mam quichmec 'a yol sc'ab' eb' 'ajc'ojl cha. 'Ix jaw win Jerobaal, junx tiempoal 'ix jaw win Barac, junx tiempoal win Jefté, xlajw cha, in jaw an tic sec tzon̈ canc 'a junc'ojlal.

A Ch'an̈ B'ab'el Libro Samuel 14:48

'Ix ste'wtzan sb'a Saúl ya'n owl yet' eb' amalecita, 'ix can eb' 'a yaln̈ yu'uj. 'Ixta xyutj scoln 'el eb' israel 'a yol sc'ab' eb' 'elc'um.