Jueces 19:15 - Chuj San Sebastian Bible

¹⁵ 'Ix 'el eb' 'a yol b'e, 'ix 'och eb' 'a yol chon̈b' Gabaa yic tz'ec' 'ac'wl yuj eb' ta'. 'Ix 'at 'em wocn eb' 'a plas 'a yol jun chon̈b' cha, palta may mach tz'a'n sposada eb'.

Chuj San Mateo Bible

¹⁵ Ix elcan eb' d'a yol b'e, ix b'atcan eb' d'a Gabaa. Ata' ol vay eb' snaani. Ix b'at em c'ojan eb' d'a mercado d'a jun chon̈ab' chi', yujto malaj mach ix ac'an sposado eb'.

Jueces 19:15 Iomraidhean Croise

Mt 25:35

Yujto a yic yoch in wejel, eya'jnacn wa'oc; yic yoch pax in tacn̈ti'al, eya'jnac tas xwuq'uej, yic in b'eyc' 'icha junc b'eymal 'anma', eya'jnac in posada.

Mt 25:43

Yic in b'eyc' 'icha junc b'eymal 'anma', ma'ix eyac' in posada, yic may wal in pichul, may jac in pichl eya'jnac. An̈jtona', yic ya'ay in yet' 'a yic 'ayn 'och 'a preso, ma'ex xit' in eyil jab'oc, 'oj in chic 'a eb'.

A Ch'an̈ Carta D'a Eb' Hebreo 13:2

Qui nac coti, to yowlal wach' tzcutjec qui b'a 'a eb' tzlaj 'ec' 'ayon̈. 'Ay eb' 'ixta yutjnac sb'a, palta man̈ yojcoc eb', toto ángel eb' 'aj wach' yutjnac sb'a eb' cha.

Jueces 19:14

'Ix cotn̈j eb', wan xo sq'uic'b'i xjaw eb' 'a Gabaa. A jun chon̈b' cha, yic eb' yin̈tl Benjamín.

Jueces 19:16

Palta wan xo wal sq'ue 'ac'wal, 'ix 'ec' jun win 'ichm winc ta', spet win 'a smunljel. A win 'ichm winc cha, 'aj lugar 'a eb' lum jolmctac witz 'a yol yic Efraín. Ax 'a Gabaa cajn 'eq'ui, 'icha ula'il yajc' 'a jun lugar cha.

Jueces 19:18

'Ix ta'w win levita chi 'a 'ixtic: —Ton̈j tzon̈ 'ec' 'a tic. Ata on̈ cot 'a Belén 'a yol yic Judá, tzon̈ 'at 'a junc lugar caw najt 'a eb' lum jolmctac witz 'a yol yic Efraín, yujto ata in xit' jaye c'u 'a Belén cha, ax ticnec tzin pax 'a 'aj 'ay scajnub' Jehová, palta may junc mach tz'a'n in posada 'a tic.

Jueces 20:4

'Ix yaln win levita cha, win yichmil 'ix xcham cha: —In jaw yet' 'ix wistzil 'a chon̈b' Gabaa, 'a yol yic Benjamín, yic tz'ec' junc 'ac'wl wuj ta'.