Jueces 18:6 - Chuj San Sebastian Bible

⁶ 'Ix yaln win levita chi 'ixtic: —'Ixquec 'a junc'ojlal. A Jehová 'oj e tan̈wni 'aj 'oj eyeq'ui, xchi 'a eb'.

Chuj San Mateo Bible

⁶ Ix yalan vin̈ d'a eb': —Junc'olal tzex b'ati, yujto scha sc'ol Jehová tas van e c'ulan tic, xchi vin̈ d'a eb'.

Jueces 18:6 Iomraidhean Croise

A Ch'an̈ B'ab'el Libro Yic Yab'ixal Eb' Rey 22:12

Smasnil eb' tzyalch sb'a schecb'oc Dios cha, junn̈j tzyutj eb' yaln smasnil 'ixtc 'a winac: Ach rey, 'ixc ac' owl chi 'a Ramot 'a yol yic Galaad; 'oj ac' ganar jun owl cha, yujto a Jehová 'oj 'a'nc 'och jun chon̈b' chi 'a yol a c'ab', xchi eb' 'a winac.

A Ch'an̈ B'ab'el Libro Yic Yab'ixal Eb' Rey 22:15

Xlajw cha, 'ix jaw win 'a yojltac win rey cha, 'ix yaln win rey chi 'ixtc 'a winac: Micaías, ¿tzam stac' 'at wa'nc owl 'a chon̈b' Ramot, 'a yol yic Galaad, mto ma'ay? xchi win 'a 'a. 'Ix ta'w cob' Micaías 'ixtc 'a winac: —'Ixc 'a owl cha, ach 'oj 'ac' ganar, yujto a Jehová 'oj 'a'nc jun chon̈b' chi 'a yol a c'ab', xchi 'a winac.

A Ch'an̈ B'ab'el Libro Yic Yab'ixal Eb' Rey 22:6

Xlajw cha, 'ix ya'n win sreyl eb' israel chi syam sb'a eb' tzyalch sb'a schecb'oc Dios. Jab'xoj man̈ chan̈e'oc ciente eb', 'ix yaln win 'a eb' 'ixtic: —¿Tzam stac' 'at wa'nc owl 'a chon̈b' Ramot, 'a yol yic Galaad mto ma'ay? xchi win 'a eb'. —Mamin rey, 'ixc 'a owl cha, yujto a Jehová, a 'oj 'a'nc jun chon̈b' chi 'a yol a c'ab', xchi eb' 'a 'a.

Salmos 33:18

Palta ax Jehová q'uelnn̈ej 'och 'a eb' yiclum yet' 'a eb' to 'ay schamc'ojlal 'a 'a. A 'aych yipc sc'ojl eb',

Ex 4:18

Ax yic 'ix c'ochx Moisés 'a yatut sn̈i', atn win Jetro, 'ix yaln 'a win 'ixtic: —Yowlal 'oj in meltzj 'a Egipto, to 'oj 'at wil eb' wit chon̈ab'. 'Oj 'at wila', toto pitzn to eb', xchi Moisés. —'Ixc 'an, tzel a b'a 'a yol b'e, xchi sn̈i chi 'a 'a.

Jeremías 23:32

An tzwala, to caw own pax 'a jun tzo'n̈ eb' checb' tz'ac yal-l swayich. Yuj wal jun tzo'n̈ niwc 'es tzyac' eb' cha, yuj cha, tzsatcn 'at eb' in chon̈b' yuj eb'. Palta man̈oc in 'ix in checb't eb', may junc in checnb'il xwal 'a eb'. Yuj cha, may tas wach' yi'n eb' in chon̈b' 'a eb', xchi Dios.

Dt 11:12

A jun lum cha, tan̈b'il lum yuj Jehová qui Diosalec 'a smasnil tiempo, q'ueln 'och wal 'a lu'um.

1 Ts 3:11

Tzqui nib'j on̈, a qui Mam Dios yet' Cajlil Jesucristo, tz'och quet' on̈, sec 'oj stac' qui 'at 'ayx on̈.

Jueces 18:5

Xlajw cha, 'ix yaln eb' 'ixtc 'a 'a: —C'anb'j 'a Dios cuj on̈ 'an, yic tzcojquej 'eli toto wach' 'oj 'aj yel'ch jun qui checnb'il tz'ec' qui b'o tic on̈, xchi eb'.

Jueces 18:7

Xlajwn̈ej cha, 'ix 'at eb' own̈ 'ilm lum chi 'a chon̈b' Lais. A eb' 'anma cajn 'a jun chon̈b' cha, caw may jac tzna eb', 'icha wal sb'eyb'al eb' 'aj Sidonio. 'Ayc' eb' 'a tzaljc'ojlal yet' 'a junc'ojlal. May mach tzuntzn eb' 'a junc tas, may pax tas tzyac' palta 'a eb'. Yic sb'a eb' sch'ocoj. Caw wal najt tzcan chon̈b' Sidón 'a stz'ey eb'.

A Ch'an̈ B'ab'el Libro Samuel 1:17

—Paxn̈ 'a junc'ojlal ach 'ix, a cab' qui Diosalec an̈ israel on̈c tic 'oj yac' tas xa c'an 'a 'a, xchi win Elí cha.