Jueces 18:3 - Chuj San Sebastian Bible

³ A yic xc'och eb' 'a stz'ey yatut Micaía cha, 'ix yojcan 'el eb' sjaj jun quelm levita cha, 'ix 'at eb' sc'anb'c 'ixtc 'a 'a: —¿Mach wal ach 'i'n coti? ¿Tas yuj 'aych 'ec' 'a tic? ¿Tas tzwul a b'o'? xchi eb' 'a 'a.

Chuj San Mateo Bible

³ Ayic vanxo sc'och eb' d'a slac'anil spat vin̈aj Micaía chi', ix yab'an eb' slolon vin̈ quelem chi', ix yojtaquejel eb' to ch'oc chon̈ab'il vin̈, ix b'at sc'anb'an eb' d'a vin̈ icha tic: —¿Mach ach ic'ancot d'a tic? ¿Tas yuj ayachec' d'a tic? ¿Tas tzul a c'ulej? xchi eb' d'a vin̈.

Jueces 18:3 Iomraidhean Croise

Gn 27:22

Yuj cha, snitzn 'ochch sb'a Jacob 'a stz'ey smam cha, sec tzyamlx yu'uj. Xlajw cha, xyaln Isaac 'ixtic: Coyn wal to a yol sjaj Jacob tzwab'i, cojn b'i'an, to 'ay xil sc'ab' na, 'icha yic Esaú, xchi Isaac cha.

Is 22:16

¿Tas tza b'o 'a tic? ¿Mach 'ix 'a'n opiso yic tza b'on jun yet'l chamnc 'anma tic 'a lum tzaln tic, tzoln 'och a b'a 'a sat q'uen q'uen 'aj 'oj a can tic a nani?

Mt 26:73

Ax 'a yic jun rato cha, 'ix c'och eb' 'ayc' xon chi 'a stz'ey Pedro cha, 'ix yaln eb' 'ixtc 'a 'a: —Wal yel etb'eym a b'a yet' eb' scuywum Jesús, yujto lajn a paxtin yet' eb' tzcab' on̈, xchi eb' 'a 'a.

Jueces 12:6

ax eb' 'aj Galaad cha, tzya'n eb' yal eb' 'anma chi jun paxti tic, «Xibolet», xe chi, xchi eb' 'a eb'. Toto «Sibolet» xchi eb', tzyal 'el'chi to yic Efraín eb'. 'Ixta tz'aj scheclj 'el eb', axta tzchamcn eb' 'a sti a Jordán cha. A 'a jun tiempoal cha, 42 mil eb' yic yin̈tl Efraín chi 'ix chami.

Jueces 18:2

Yuj cha, 'ix checn 'at eb' own̈ soldado to caw wal 'ay yip, yic tz'at eb' sayj lum 'aj tzcan cajn 'a Zora yet' 'a Estaol. Ax eb' own̈ cha, 'ix 'ec' eb' 'a lum jolmctac witz 'a yol yic Efraín. Xlajw cha, xc'och eb' 'a yatut Micaía, sec ata tzcan eb' 'a jun 'ac'wl cha.

Jueces 18:4

'Ix yaln jun levita chi 'a eb', yuj strato 'ix sb'o yet' Micaía, yujto x'och ya'malc 'och sti 'a sdiosal.