Jueces 18:27 - Chuj San Sebastian Bible

²⁷ Ax eb' yic Dan 'ix yij 'at eb' smasnil tastc b'ob'il yuj Micaía, yet' jun ya'mal 'och sti cha, masnto xc'och eb' 'a Lais. Ax eb' 'aj lugar cha, caw wal tzalj eb', junc'ojlal pax yaj eb', yuj cha, caw wal may syaloc xmilx cham eb' yuj eb' yin̈tl Dan cha. Sn̈usn can eb' jun chon̈b' cha.

Chuj San Mateo Bible

²⁷ Ix yic'anb'at juntzan̈ tastac sb'onac vin̈aj Micaía chi' eb' yed' vin̈ sacerdote masanto ix c'och eb' d'a chon̈ab' Lais. A masanil eb' anima cajan d'a Lais chi', junc'olal yajec' eb', malaj tas sna' eb', yuj chi' te secojtac ix aj satel eb', ix n̈usjipaxtz'a schon̈ab' eb' chi' yuj eb' yin̈tilal Dan chi'.

Jueces 18:27 Iomraidhean Croise

Gn 49:16

Ach xo ach tic Dan, ach wal caw 'oj ac' cuenta a chon̈ab', 'icha junc macn̈ eb' et israelal.

Dt 33:22

'Ix yaln 'ixtc 'a yib'n̈ eb' yin̈tl Dan: A eb' yin̈tl Dan tic, lajn wal eb' 'icha junc no quelm león xb'at'j cot 'a lum Basán, xchi.

Josué 19:47

Palta a jun lum cha, ma'ix techj scoln eb', yuj cha, 'ix 'at eb' yin̈tl Dan chi yac' owl yet' eb' cajn 'a chon̈b' Lésem. Ax yic xlajw smilx cham eb' cajn 'a jun chon̈b' chi yuj eb' yic Dan cha, 'ix can cajn eb' 'a jun chon̈b' cha. Xlajw cha, sjeln eb' sb'i jun chon̈b' cha, xya'n eb' scuch Dan, yuj yi'nb'ilc chan̈ sb'i smam yichm eb'.

Jueces 18:10

A eb' 'anma cajn ta', 'ayc' eb' 'a junc'ojlal. Caw wal niwquil lum lum cha, may tas tzyac' palta 'a eb' 'anma cajn chi ta'. A Dios 'oj 'a'noc lum 'a yol qui c'ab'ec, xchi eb'.

Jueces 18:26

'Ix 'atx eb' yic Dan 'a 'aj tz'at cha, ax xyiln Micaía caw wal niwn sb'ey eb', 'ec'b'al yip eb' 'a 'a, yuj cha, 'ix meltzj can pax 'a yatut.

Jueces 18:7

Xlajwn̈ej cha, 'ix 'at eb' own̈ 'ilm lum chi 'a chon̈b' Lais. A eb' 'anma cajn 'a jun chon̈b' cha, caw may jac tzna eb', 'icha wal sb'eyb'al eb' 'aj Sidonio. 'Ayc' eb' 'a tzaljc'ojlal yet' 'a junc'ojlal. May mach tzuntzn eb' 'a junc tas, may pax tas tzyac' palta 'a eb'. Yic sb'a eb' sch'ocoj. Caw wal najt tzcan chon̈b' Sidón 'a stz'ey eb'.

Jueces 8:11

Ax Gedeón yet' eb' soldado, 'ix c'och 'a 'aj 'ay scamplamento jun tzo'n̈ eb' 'anma chi 'a stojlal 'aj tzq'uel c'u 'a cusltac lu'um, atn 'a chon̈b' Noba yet' Jogbeha. 'Ix ya'n ganar eb' jun owl cha, yujto satc'ojlal yaj eb' soldado madianita yic xc'och eb'.