Jueces 18:24 - Chuj San Sebastian Bible

²⁴ —Ax tic xeyij cot jun tzo'n̈ in diosal b'ob'il wu'uj, xeyi'n pax cot jun ya'mal 'och in ti 'a in diosal cha. Man̈x 'a jac tas xeyactj can 'ayin. ¿Palta te'tni cob' eyec' e c'anb'n 'ayin, yuj tas tzin 'i'ni? xchi Micaía 'a eb'.

Chuj San Mateo Bible

²⁴ Ix tac'vi vin̈ d'a eb': —A ex tic ix eyic'cot in diosal ix in b'o'o, ix eyic'anpaxcot vin̈ in sacerdote, man̈xo jab'oc tas ix eyactejcan d'ayin, tze tec'b'an e b'a e c'anb'an d'ayin tas tzin ic'ani, xchi vin̈ d'a eb'.

Jueces 18:24 Iomraidhean Croise

Gn 31:30

Ocxo jun, toxn tza nib'j paxt xon a b'a 'a yatut a mam, yuj cha, ach coti. Palta ¿tas yuj xel'j cot jun tzo'n̈ in diosal? xchi winac.

Gn 31:34

Palta wal 'a yajn̈ej sc'ub'n 'el Raquel jun tzo'n̈ yechl chi 'a yaln̈ stz'um no cameyo, xlajw cha, x'em wocn 'a yib'an̈. X'ec' cob' win Labán say 'a yol smasnil smantiado eb', palta may tas x'ilchj yuj winac.

2 Cr 25:15

Yuj jun cha, caw 'ix cot yowl sc'ojl Jehová 'a Amasías, 'ix schecn 'at jun schecb' 'a 'a, xyaln 'a 'ixtic: —¿Tas yuj ach 'och 'emmquilal 'a jun tzo'n̈ comn dios yic junc xo nacion̈, jun tzo'n̈ dios to matz tac' scoln 'el schon̈b' 'a yol a c'ab'? xchi.

Salmos 115:8

A eb' tzb'on jun tzo'n̈ cha, yet' eb' tzya'ch sc'ojl 'a 'a, lajn cab' eb' 'icha sdiosal cha.

Jeremías 50:38

Tup cab' 'ejm yal eb', tacj cab' chan̈ yet'l a', yujto a Babilonia, schon̈b'al jun tzo'n̈ comn dios yajb'entac yilxi. Yuj jun tzo'n̈ cha, tzsucb'i 'el snab'en eb'.

Jeremías 51:17

A wal eb' 'anma', yel xo may jac snab'en eb', toc tzq'uixw eb' jac yuj jun tzo'n̈ yechl tzlaj sb'o'. A jun tzo'n̈ yechl cha, man̈ pitznoc, ton̈j tzyac' satc sb'a eb' 'anma chi yuj eb'.

Ez 23:5

A 'ix Ahola cha, xya'ch 'ix smul 'a yol in c'ab', sb'o 'ix 'ajmulal yet' ewin soldado 'aj Asiria.

A Tas Sc'ulejnac Eb' Schecab' Jesús Hechos 19:26

Palta 'in tzeyila, tzeyab'n paxi, tas wan sb'on win Pablo. Tzyaln winac, chajtlto a jun tzo'n̈ dios b'ob'il yuj 'anma', man̈ diosoc. Til wal 'anma xyac' win sc'ojloc. Man̈ cojnoc 'a Efeso tic, palta quenxn̈ej ma'ix 'ajx sc'ojloc smasnil eb' 'aj Asia yuj winac.

Apoc 17:2

A eb' niwc yajl 'a yolyib'n̈q'uinal, c'uxn sb'o eb' 'ajmulal yet' 'ix. Ax eb' 'anma 'a yolyib'n̈q'uinal, 'ix juw 'el eb' yu'uj. 'Icha to x'och eb' 'u'm 'an̈il yuj jun 'icha yal uva jawnc sti', a xyac' 'ix 'a eb', atn yajmulal 'ix, xchi 'ayin.

Jueces 17:13

'Ix sna winac, to 'oj scha syaxilal Jehová, yujto levita jun 'aych ya'malc 'och sti 'a sdiosal cha.

Jueces 17:5

'Ixta 'ix 'aj yatut Micaía yoch yatutoc comn dios. 'Ix ya'n win b'o jun chaleco yic eb' ya'mal 'och sti eb' 'anma', yet' jun tzo'n̈ xo yechel. 'Ix ya'n pax 'och win junc eb' yunnal ya'malc 'och sti' eb' 'anma 'a sdiosal cha.

Jueces 18:23

A yic 'ix yab'n eb' yin̈tl Dan chi yawji, to tza'n 'och xo 'a spatquil eb', xmeltzj 'at q'ueln eb', 'ix sc'anb'n eb' 'a Micaía chi 'ixtic: —¿Tas tzach 'i'ni? ¿Tas yuj tz'el aw a cot yet' jun tzo'n̈ 'anma cha? xchi eb'.

Jueces 18:25

'Ix yaln eb' yin̈tl Dan 'a 'ixtic: —Matz qui nib'j niwquil tzotj yol a jaj 'ayon̈, ax to laj tz'aji, 'ay eb' may sniwnc'ojlal 'a qui cal tic on̈, tzach ya'n can lajwc eb' yet' onnal, xchi eb'.