Jueces 18:14 - Chuj San Sebastian Bible

¹⁴ Ax eb' own̈ xit'nc 'ilj lum chi 'a yol yic Lais, 'ix yaln eb' 'a eb' yitb'eym chi 'ixtic: —Sictac tzex 'aji, 'ab'ec, a 'a yojl jun n̈a tic, ata 'ay jun chaleco, yet' jun tzo'n̈ yechl comn dios, yet' pax jun yechl tzeyb'il 'aych plata 'a 'a. ¿Tas 'oj cutquec qui b'a yet' tze na'a? xchi eb'.

Chuj San Mateo Bible

¹⁴ A eb' ovan̈ xid'naquec' iloj lum d'a Lais chi', ix yal eb' d'a eb' yetb'eyum chi': —Ab'ec, a d'a yol juntzan̈ pat tic ay jun chaleca yed' jun yechel tzeyb'il ayoch plata d'ay yed' jun comon dios b'ob'il d'a yol molde. Ay pax juntzan̈xo comon dios. ¿Tas val ol co c'uloc yed'oc tze na'a? xchi eb'.

Jueces 18:14 Iomraidhean Croise

Pr 19:27

Ex wunnal, toto ma'oj e cha 'ajxoc cuenta e b'a, caw najt 'oj eyelcn 'a stz'ey jun cuynb'il tic.

Os 3:4

'Ixta pax eb' wit israelal, to najtl tiempo 'oj can eb' 'a may sreyal, may syajlil eb' tztan̈wni, man̈x 'a xajmb'al eb' 'oj yac' 'a Dios, man̈x 'a eb' q'uen q'uen wach' yilx tzsay eb', man̈x 'a te spichl eb' ya'mal 'och sti eb' 'a Dios tzb'o'o, man̈x 'a pax yechl junc comn dios 'ayc' 'a yol yatut junjn eb'.

Jueces 17:5

'Ixta 'ix 'aj yatut Micaía yoch yatutoc comn dios. 'Ix ya'n win b'o jun chaleco yic eb' ya'mal 'och sti eb' 'anma', yet' jun tzo'n̈ xo yechel. 'Ix ya'n pax 'och win junc eb' yunnal ya'malc 'och sti' eb' 'anma 'a sdiosal cha.

Jueces 18:13

Xlajw xoj cha, 'ix 'at eb', 'ix 'ec' eb' 'a lum jolmctac witz 'a yol yic Efraín, 'ix c'och eb' 'a yatut Micaía.

Jueces 18:15

Xlajw cha, 'ix 'at eb' 'ilm lum chi 'a yatut jun quelm levita cha, atn 'a yatut Micaía. 'Ix c'och eb', xya'n eb' stzatzl sc'ojol.

Jueces 8:27

Sb'on Gedeón jun yechl 'a q'uen oro yic tznan 'el junc tas, ax 'a schon̈b' Ofra, ata xcan jun yechl chi yu'uj. Ax smasnil eb' yit chon̈b' cha, 'ix spatquiln can 'el eb' Jehová yuj jun yechl cha, axta xyal sb'a eb' 'a 'a. A jun chi 'ix jun 'el snab'en Gedeón yet' eb' yunnal.

A Ch'an̈ B'ab'el Libro Samuel 14:28

Ax jun yit chon̈b' chi 'ix aln 'a 'ixtic; —A 'a mam, 'ay jun sti xyalcn 'ayn̈ 'ixtic: Cot cab' catb' 'a yib'n̈ mach tzc'uxn junc tas tzc'uxx ticnec, xchi. Yuj cha, caw lajn xoj yel quip qui masnilec, xchi 'a Jonatán.

A Ch'an̈ B'ab'el Libro Samuel 19:13

Yajn̈j wal cha, xyi'n cot 'ix Mical chi jun comn dios, xya'n q'ue 'ix 'a sat ch'at. Xya'n q'ue 'ix nan̈l no xil chiwo 'a sjolom. Xya'n q'ue 'ix jun te sábana 'a yib'an̈.