Jueces 17:2 - Chuj San Sebastian Bible

^2-3 A jun cha, 'ix yal 'a snun 'ixtic: —A yic 'ix 'elc'x q'uen a tumn nunin, q'uen 1,100 tumn plata, ata 'ix al catb' paxti 'a yib'n̈ jun 'elc'm cha, palta ticni a 'ayn 'ayc' q'ue'en, an 'ix wel'j q'uen 'ayach, xchi. Yuj cha, 'ix yaln snun chi 'ixtc 'a 'a: —A cab' Jehová tzyac' yaxilal 'a eb'n̈ ach wune', xchi 'ix. A yic 'ix ya'n win meltzjoc q'uen tumn chi 'a snun cha, 'ix yaln pax snun chi 'ixtic: —Ach wune', a ticnec a jun tumn cha, tzwac' q'uen 'a Jehová yic tzb'o junc yechl to tzeyb'il, yet' junc tzb'o 'a yol molde, ax ticnec, an xo tzwac' meltzjoc q'uen 'ayach, xchi 'ix.

Chuj San Mateo Bible

² A jun vin̈ chi', ix yal vin̈ d'a ix snun icha tic: —Ayic ix elc'ajel q'uen mil cien siclo plata d'ayach, ix a catab'ej jun elc'um chi'. Ix vab' alan juntzan̈ chi'. Palta a d'ayin ayec' q'ueen, a in ix velq'uej q'uen d'ayach, xchi vin̈ d'a ix snun chi'. Ix yalan ix snun vin̈ chi' d'ay: —Yac'ocab' svach'c'olal Jehová d'a ib'an̈ ach vune', xchi ix.

Jueces 17:2 Iomraidhean Croise

Gn 14:19

'Ix yaln wach' paxti 'a yib'n̈ Abram 'ixtic: Ya' cab' Dios swach'c'ojlal 'a eb'an̈, atn Dios to Cojxn Niwn Yel'chi, a xb'on satcha'an̈ yet' lum lum tic.

Nehemías 13:25

A yuj jun cha, xin tej in b'a yet' eb', xin catb'tzej can eb'. 'Ay eb' xin mac'a, xin to'n 'el xil sjolm eb', xwa'n pax pural eb' ya'n sti 'a Dios, to man̈xtzac yij sb'a yunnal eb', yisl eb' yet' eb' chuc chon̈b'al. An̈jtona', matz tac' pax yoch eb' 'ix chuc chon̈b'al chi yistloc eb'. 'Ix waln pax 'ixtic:

Salmos 10:3

Mamin Jehová, a eb' tzb'on maysch'olnil, tzyij chan̈ sb'a eb' yet' tas tznib'j 'ochi. A eb' tznib'j 'och smasnil tas, tzb'uchwj eb' 'a 'ayach, tzach spatquiln can 'el eb'.

Ex 20:7

An Jehová e Diosal in tic, man̈ e comn locc in b'i 'a nab'an̈ej, yujto 'oj wac' syailal eb' tzcomn locn in b'i.

Pr 28:24

A mach tz'och 'elc'l 'a smam snun, man̈ mulc jun chi snani; a jun cha, lajn snab'en 'icha eb' cojn 'elc'l tzb'o'o.

Jeremías 48:10

(Catb'tzaxc cab' mach to matz b'on snib'b'en Jehová 'a smasnil sc'ojol. Catb'tzaxc cab' mach to matz c'anlb'ej yespada yic tzmilw cham 'anma'.)

Mt 26:74

Ax yic xlajw yaln eb' winc cha, 'ix sc'ann cot Pedro chi yowl sc'ojl Dios 'a yib'an̈, 'ix slocn sb'i Dios: —A jun winc cha, caw man̈ wojcoc, xchi 'a eb', at wal slajw yaln jun cha, 'ix 'oc' no 'ajtzo'.

Ro 9:3

Q'uinloc to tztac' in c'ann cot yowl sc'ojl Cristo 'a wib'n̈ ticnec, yic tzin 'el 'a yol sc'ab', sec tzcolchj 'el eb' wit chon̈b' cha. Q'uinloc 'ixta', tzyal in c'ojl wa'n in b'a yuj eb'.

1 Co 16:22

Toto 'ay junc mach matz chamc'ojlan Cajlil Jesucristo, 'ay cab' yowl sc'ojl Dios 'a yib'an̈. Ach Cajlil on̈, comnoc tzach jaw muc'uc.

Dt 27:16

Catb'tzaxc cab' eb' may yel'ch smam snun 'a sat, xchi eb' levita. 'Ixta cab' tz'aji, 'oj xchic eb' chon̈ab'.

2 Jn 1:11

Toto tze c'an swach'c'ojlal 'a yib'n̈ eb', caw locn ex yet' eb' 'a jun smaysch'olnilal cha.

Jueces 17:1

A 'a eb' lum jolmctac witz yic Efraín, ata 'ix 'ec' cajn jun winc Micaía sb'i.

Jueces 5:23

Ax jun yángel Jehová xaln 'ixtic: Jaw cab' scatb' Jehová 'a yib'n̈ chon̈b' Meroz, yet' 'a yib'n̈ smasnil eb' 'anma cajn 'a 'a, yujto ma'ix 'och eb' yet' Jehová yic xya'n owal, 'icha xyac' jun tzo'n̈ xo eb' soldado ma'ix xiwi, xchi.

Rt 3:10

'Ix yaln winac: —Ya' cab' Jehová syaxilal 'a eb'an̈. A ticnec, 'ix nachj 'el wu'uj, chajtlto caw tojl a nab'en, yic tza sayn 'ec' tas tz'aj sb'inax pax win echmil chamnc cha. Q'uinloc man̈ 'ixta'oc, tztac' a sayn 'ec' junc xo win caw quelmto, wach'xam meb'a', mto rico, cojn toto tzyal a c'ojol, palta mantzac a b'o 'ixta'.

A Ch'an̈ B'ab'el Libro Samuel 14:24

Palta a eb' israel, caw 'ix tzactzj chan̈ eb' 'a jun c'u cha, yujto 'ay jun sti Saúl xyal 'ixtic: Cot cab' catb' 'a yib'n̈ mach tzwa 'a yic mantzac q'uic'b' cha'an̈ yic mantzac wa'x in pac 'a eb' 'ajc'ojol, xchi. Ax eb' chon̈ab', mantzac wa xon eb' jab'oc.

A Ch'an̈ B'ab'el Libro Samuel 14:28

Ax jun yit chon̈b' chi 'ix aln 'a 'ixtic; —A 'a mam, 'ay jun sti xyalcn 'ayn̈ 'ixtic: Cot cab' catb' 'a yib'n̈ mach tzc'uxn junc tas tzc'uxx ticnec, xchi. Yuj cha, caw lajn xoj yel quip qui masnilec, xchi 'a Jonatán.

A Ch'an̈ B'ab'el Libro Samuel 15:13

Yuj cha, 'ix 'at Samuel 'a 'aj 'ayc' Saúl cha, ax yic xc'ochi, 'ix yaln Saúl 'a 'ixtic: —Ya' cab' Jehová syaxil 'a eb'an̈; 'ix in yiclj tas xyala, xchi.

A Ch'an̈ B'ab'el Libro Samuel 23:21

—Ya' cab' Jehová syaxilal 'a eyib'an̈, yujto tz'o'ch e c'ojl 'ayin.

A Ch'an̈ B'ab'el Libro Samuel 26:19

Tzin tew 'aych ach wajlil, to tza chaj ab' tas 'oj wal an a checb' in tic: Toto a Jehová ach 'a'n 'och 'ajc'ojlal 'ayin, comnoc tz'el 'a sc'ojl schan junc ofrenda; palta toto yicn̈ej 'anma jun tic, ya' cab' Jehová scatb' 'a yib'an̈. Yujto in spechl eb' 'a lum lum to yic Jehová yaji, 'icha to tzin spechcn 'at eb' wac' servil jun tzo'n̈ comn dios.