Jueces 17:1 - Chuj San Sebastian Bible

¹ A 'a eb' lum jolmctac witz yic Efraín, ata 'ix 'ec' cajn jun winc Micaía sb'i.

Chuj San Mateo Bible

¹ A d'a tzalquixtac d'a yol yic eb' yin̈tilal Efraín, ata' ec'nac cajan jun vin̈ scuchan Micaía.

Jueces 17:1 Iomraidhean Croise

A Ch'an̈ B'ab'el Libro Yic Yab'ixal Eb' Rey 4:8

A lajchwan̈ eb' tz'a'n servil cha, atn eb' tic: A yunnal Hur, a 'ajcuenta yi'n cot jun tzo'n̈ chi 'a jolmctac witz yic Efraín.

Josué 15:9

Axta tzmeltzj 'a lum jolm witz cha, masnto 'a 'aj tzpac' a a yic Neftoa. Tzlajw cha, tz'atxi masnto 'a jun niwquil chon̈b' 'ay 'a lum witz yic Efrón, tz'e'x 'a Baala, atn jun chi tzcuch pax Quiriat-jearim.

Josué 24:30

Ata xmucx win 'a lum Timnat-sera, ata 'ay jun lum chi 'a jolm witz yic Efraín, 'a snorteal switzl Gaas.

Jueces 10:1

A yic chamnc xo Abimelec, 'ay jun win yin̈tl Isacar 'ix 'ochx can scol chon̈b' Israel. A win tic, Tola sb'i, yunnal jun win tzcuch Fúa, yixchicn win Dodo. A win Tola cha, ata cajn win 'a chon̈b' Samir 'a eb' lum jolmctac witz 'a yol smacb'en eb' yin̈tl Efraín.

Jueces 16:31

Xlajw cha, 'ix c'och eb' yu'tac Sansón yet' eb' yican, x'at yi'noc eb' sniwnal. 'Ix smucn eb' 'a 'aj mucb'il smam, atn win Manoa. A 'a snan̈l Zora yet' Estaol ata 'ay jun lugar cha. Junc'l ab'il 'ix yac' Sansón yajlil 'a chon̈b' Israel.

Jueces 17:2

A jun cha, 'ix yal 'a snun 'ixtic: —A yic 'ix 'elc'x q'uen a tumn nunin, q'uen 1,100 tumn plata, ata 'ix al catb' paxti 'a yib'n̈ jun 'elc'm cha, palta ticni a 'ayn 'ayc' q'ue'en, an 'ix wel'j q'uen 'ayach, xchi. Yuj cha, 'ix yaln snun chi 'ixtc 'a 'a: —A cab' Jehová tzyac' yaxilal 'a eb'n̈ ach wune', xchi 'ix. A yic 'ix ya'n win meltzjoc q'uen tumn chi 'a snun cha, 'ix yaln pax snun chi 'ixtic: —Ach wune', a ticnec a jun tumn cha, tzwac' q'uen 'a Jehová yic tzb'o junc yechl to tzeyb'il, yet' junc tzb'o 'a yol molde, ax ticnec, an xo tzwac' meltzjoc q'uen 'ayach, xchi 'ix.

Jueces 18:13

Xlajw xoj cha, 'ix 'at eb', 'ix 'ec' eb' 'a lum jolmctac witz 'a yol yic Efraín, 'ix c'och eb' 'a yatut Micaía.

Jueces 18:2

Yuj cha, 'ix checn 'at eb' own̈ soldado to caw wal 'ay yip, yic tz'at eb' sayj lum 'aj tzcan cajn 'a Zora yet' 'a Estaol. Ax eb' own̈ cha, 'ix 'ec' eb' 'a lum jolmctac witz 'a yol yic Efraín. Xlajw cha, xc'och eb' 'a yatut Micaía, sec ata tzcan eb' 'a jun 'ac'wl cha.

Jueces 3:27

A yic tox xc'och 'a jolmctac witz yic Efraín, 'ix yutz'n no sch'ac calnelu, yic tzyawtn eb' israel ta'. 'Ix c'och smasnil eb' yet'oc. Junn̈j xoj x'aj eb' spaxx 'emt 'a lum jolm witz cha, xb'ab'lj Aod yuj eb'.