Jueces 16:24 - Chuj San Sebastian Bible

²⁴ An̈jtona', 'ixta pax eb' 'anma', a yic 'ix yiln eb' Sansón, 'ix sb'itnej eb' sdiosal, xyaln eb' 'ixtic: A qui diosal, a 'ix 'a'n jun 'ajc'ojl yajch tic 'ayon̈, atn jun xn̈usntz'a qui munljelec, til wal pax eb' quit chon̈b'ec smil chamoc, xchi eb'.

Chuj San Mateo Bible

²⁴ An̈eja' pax eb' anima, ayic ix yilanoch vin̈aj Sansón chi' eb', ix sb'itan sdiosal eb' icha tic: A co diosal ix ac'anoch jun vin̈ cajc'ol d'a yol co c'ab', a vin̈ n̈usannactz'a cavb'en. Tzijtum eb' quetchon̈ab' smac'naccham vin̈, xchi eb'.

Jueces 16:24 Iomraidhean Croise

1 Cr 10:9

Yajn̈j wal cha, 'ix yi'n 'el eb' spichl Saúl, 'ix yi'n 'el eb' sjolom, xyi'n 'at eb' yet' syamc'ab' yic owal. Yuj cha, schecn 'at eb' schecab' yic tz'at alxc yab' smasnil 'anma 'a yol smacb'en eb', yet' 'a jun tzo'n̈ sdiosal eb'.

Salmos 97:7

'Oj 'el sq'uixwel eb' tzyac' 'ejm sb'a 'a jun tzo'n̈ yechel, atn eb' tzb'an̈ sb'a yet' jun tzo'n̈ comn dios cha. Smasnil eb' tzalx 'och diosal, 'oj yac' 'ejm sb'a eb' 'a Jehová.

Is 37:20

Ax ticnec jun Mamin Jehová qui Diosal on̈, coln̈ 'el 'a yol sc'ab' jun rey cha, sec tzyojquej 'el smasnil nacion̈ 'a yolyib'n̈q'uinl tic, to cojxn̈ej ach Jehová Dios ach, xchi Ezequías 'a slesal.

Ez 20:14

Palta man̈ 'ixta'oc 'ix wutej, sec man̈toc tu tzin can 'a sat jun tzo'n̈ xo nacion̈, yujto q'ueln 'och eb' yic xwi'n 'elt eb' israel 'a Egipto cha.

Dn 5:23

A eco', to 'ix a b'an̈ a b'a 'a sat jun sYajlil satcha'an̈. 'Ix a'n 'ijxoc cot 'a ojltac jun tzo'n̈ svaso 'ayc' 'a yol yatut. Ach xo tic yet' smasnil eb' 'awtb'il cot o'oj, 'ix o'j 'an̈ yet' eb' 'a yojl jun tzo'n̈ vaso cha. 'Ix aln wach' paxti 'a jun tzo'n̈ comn dios nab'a plata, oro, bronce, hierro, te', yet' q'uen q'ue'en, atn jun tzo'n̈ matz tac' xon yilni, matz yab'i, may jac yojtac. Man̈oc 'a Dios 'aj 'ix al wach' paxti', palta ticni a 'a yol sc'ab' 'ayc' a q'uinal, a tzach 'i'n b'eyc'oc.

Dn 5:4

Syamn wal 'och eb' yu'w 'an̈, 'ix laj yi'nc chan̈ eb' sb'i sdiosal to nab'a oro, plata, bronce, hierro, te' yet' q'ue'en.

Habacuc 1:16

Tzyac' eb' 'emmquilal 'a schim, yet' 'a slucb' cha. Tzya'n eb' xajmb'al, tzn̈usn eb' incienso yuj sch'oxn 'el eb' yemmquilal. Caw wal tzalj eb', yujto wach' swa eb' yuj syamc'ab' cha.

Dt 32:27

Palta matz yal in c'ojl tzin sb'uch eb' 'ajc'ojl yajch 'ayin. Matz yal in c'ojl tzb'an̈ sb'a eb'. Toq'ue tzyal eb' 'ixtic: Man̈oc Jehová satn 'el eb', palta an̈ec xqui satc 'el eb' yet' qui jelnal, toq'ue 'oj xchic eb', xchi Jehová.

Apoc 11:10

C'uxn 'oj laj tzaljc eb' 'anma 'a yolyib'n̈q'uinal, yujto 'ix cham eb'. 'Oj laj ya'lac eb' siylab' 'a scal. Caw 'oj tzaljc eb', yujto caw tzyab' eb' syal yuj chawn̈ eb' schecb' Dios cha.

Jueces 15:14

A yic 'ix c'och eb' 'a Lehi, 'ix 'elt eb' filisteo scha sc'ochi. Caw wal tz'el yaw eb' yuj tzaljc'ojlal. Yajn̈ej 'ix jaw Yespíritu Jehová 'a Sansón yic tzya'n yip. Ax ch'an̈ lasu pixjnac sc'ab', 'ix sn̈i'chtan 'at ch'an̈ 'icha sc'unal tz'anc nip, 'ix 'em lan̈njoc ch'an̈.

Jueces 15:16

Xlajw cha, 'ix yaln Sansón 'ixtic: Cojn jun sb'acl yaln̈ sti b'uru 'ix wa'lb'ej, 'ix q'uecn cha 'ox b'uln̈ chamnc 'anma wu'uj: Cojn yet' jun sb'acl yaln̈ sti b'uru, jun mil eb' winc xin ma'cn chamoc, xchi.

Jueces 15:8

'Ix cot wal yowl si'mb'il. Til wal 'anma 'ix smilcn chamoc. Xlajw cha, 'ix 'at cajn 'a q'uen n̈aq'uen 'a Etam.

Jueces 16:25

Caw 'ix tzalj eb' 'anma', 'ix sc'ann 'elt eb' Sansón cha, yic tz'elwni eb' 'a 'a. 'Ix yi'n 'elt eb' win 'a yol preso, 'ix ya'n 'och eb' 'a snan̈l jun tzo'n̈ yoyl n̈a, yuj yixtn eb'.

A Ch'an̈ B'ab'el Libro Samuel 31:9

Yuj cha, 'ix stzu'n 'el eb' sjolm Saúl cha, 'ix yi'n pax 'ec' eb' syamc'ab' yic owal. Xlajw cha, 'ix ya'n 'at eb' yab'xil 'a smasnil yol yic eb' filisteo chi 'a junjn chon̈ab', yet' 'a yol yatutal scomn diosal eb'.