Jueces 16:15 - Chuj San Sebastian Bible

¹⁵ Xlajw cha, 'ix yaln 'ix 'a 'ixtic: —Ach tic caw wal 'a'm ach 'es. ¿Tas yuj cob' tzal 'ayn 'ixtic: Caw wal tzach in nib'ej? xa chi. Palta man̈ yelc tzala. Yox'ejmal xo in extj paxti tic, 'in mantzac al 'ayin 'aj wal tzcot jun ep tic, xchi 'ix.

Chuj San Mateo Bible

¹⁵ Yuj chi' ix yalan ix d'a vin̈ icha tic: —A ach tic, te esalvum ach. ¿Tas yuj tzala' to tzin a xajanej? Yoxelalxo in ixtan tic. Man̈ jab'oc tzal d'ayin b'ajtil scot jantac ip tic, xchi ix.

Jueces 16:15 Iomraidhean Croise

Gn 29:20

'Ixta x'aj smunlj win Jacob uque ab'il yuj 'ix Raquel, caw matz yab' win yec' tiempo cha, yujto caw tzchaml win yet' 'ix.

A Ch'an̈ Schab'l Libro Samuel 16:17

'Ix yaln win Absalón chi 'ixtc 'a win Husai: —¿Tom 'ixta a nab'en 'a yib'n̈ win a wach'c'ojl cha? ¿Tas yuj ma ach 'at yet' winac? xchi 'a 'a.

Nehemías 6:4

Chan̈ 'ejm 'ix schec cot eb' schecab', yic tzwul ya'nc eb' alxc jun paxti chi 'ayin; an xo tic, 'ixtan̈ej xwutj wa'n spac 'a eb'.

Pr 2:16

Toto tza b'eylb'ej jelnal yet' wach' nab'enal, caw 'oj ach scol-l 'a yol sc'ab' 'ix 'ix 'ay yichmil, atn 'ix 'ajmul 'ix tzach montn yet' jun tzo'n̈ spaxti caw wal wach'.

Pr 23:26

Ex wunnal, macljec wal eyab' tas tzwala, si'mb'il tzex 'och q'ueln 'a in b'eyb'al,

Jn 14:15

Toto tzin e chamc'ojlej, yicljec jun tzo'n̈ in checnb'il.

Jn 15:10

Toto tzeyiclj jun tzo'n̈ in checnb'il, 'oj e cann̈j 'a in chamc'ojlal tic. Yujto 'ixta waj yet' in Mam, tzin yiclj jun tzo'n̈ schecnb'il. Yuj cha, tzin cann̈j 'a schamc'ojlal.

Dt 6:5

Chamc'ojlejc Jehová qui Diosalec yet' smasnil e c'ojol, yet' smasnil e nab'en yet' smasnil eyip.

1 Jn 5:3

Toto yel tzqui chamc'ojlejec Dios, 'oj qui yiclquec tas tzyal jun tzo'n̈ schecnb'il. A jun tzo'n̈ schecnb'il tic, man̈ yac qui yiclni.

Jueces 14:16

Xlajw cha, 'ix c'och 'ix yistzil win Sansón chi 'a yojltac, caw ji'jmtac yoc' 'ix, 'ix yaln 'ix 'a win 'ixtic: —Ach tic, 'into tzin a yaja, matz in a nib'ej, yuj cha, 'into matz al 'ayin, tas tzyal 'el'ch jun tzo'n̈ paxti tzac' snal eb' wit chon̈b' tic, xchi 'ix. 'Ix ta'w Sansón 'ixtc 'a 'ix: —'Intax to may tas tzwal yab' in mam in nun, 'at am wal 'aych tic 'oj wala', xchi.

Jueces 16:14

X'at spixnc 'och 'ix 'a te 'istaca cha. Xlajw cha, 'ix 'el yaw 'ix: —Sansón, tic tzjaw eb' filisteo ach wul smil chamoc, xchi 'ix. Yajn̈j wal cha, 'ix 'el swayn̈ Sansón, xq'ue wan jucn̈joc, 'ix sto'n chan̈ te 'istaca yet' te ch'al cha.

Jueces 16:16

Ax x'aji, junjn c'u tzc'anb'n 'ix 'a winac, 'aj wal tzcot jun yip cha, jun xo 'ix tzactzj chan̈ stew 'och 'ix 'a 'a. Yuj cha, 'ix yalni tas wal yaji.