Jueces 16:13 - Chuj San Sebastian Bible

¹³ 'Ix scha aln pax 'ix Dalila 'a Sansón: —¿Tom an̈ja 'oj in extc paxti'? ¡Tza'n̈j 'es 'ayin! Alcn 'ayn ticnec tas wal tzach cutj ach qui jalni, xchi 'ix. —Toto uc c'aj tzotj a palch'ab'n xil in jolm jucn yoc tic, yet' te ch'al to jalb'il, tz'at a pixnc 'och 'a te 'istaca, caw sin̈n̈i tzotj 'a pixni. 'Ixta tz'aj yelcn wip, 'icha xoj yip comn winc tzin 'ajcni, xchi Sansón. Xlajw cha, 'ix 'ajx wayc Sansón yuj 'ix. Ax yic tox xway cha, 'ix spalch'ab'n 'ix xil sjolm win chi yet' te ch'al cha.

Chuj San Mateo Bible

¹³ Ix yalanxi ix d'a vin̈ icha tic: —Ichan̈ej tic in ixtani. Tzesejn̈ej d'ayin. Al val d'ayin tas val tz'aj ach co tzec'ani, xchi ix. Ix tac'vi vin̈ d'a ix: —Tato uque' tzutej a pach'uch'an xil in jolom jucan tic yed' an̈ ch'al, tzatz tzutejcanoch d'a te' jal-lab', tato icha chi', tz'elcan vip, icha val yip junoc comon anima tzin ajcani, xchi vin̈ d'a ix. Ix b'oji vay vin̈ yuj ix. Ayic toxo ix vay vin̈ chi', ix sjalancanoch xil sjolom vin̈ chi' ix yed' an̈ ch'al d'a te' jal-lab' chi'.

Jueces 16:13 Iomraidhean Croise

Jueces 14:17

Ax 'ix, 'oc'ln̈ej sb'o 'ix 'a yojltac win 'a uque c'ul cha, yic 'aych cob' sq'uin̈ eb'. Palta 'aychn̈ej 'ix smontn win 'a junjn c'u, ax 'a yucl c'u chi b'i'an, 'ix yaln win 'a 'ix tas tzyal 'el'ch jun tzo'n̈ paxti cha. Cojn wal yic xyab'n 'ix tas yaji, 'ix 'at yalnc yab' eb' yit chon̈b' cha.

Jueces 16:10

'Ix yaln pax 'ix Dalila 'a Sansón: —Caw wal tu 'ach, tzin extj paxti'. A ticnec tzin tew 'ayach, al wal 'ayin, tas wal tzach 'aj 'a jalxi, xchi 'ix.

Jueces 16:12

'Ix yi'n cot 'ix Dalila jun tzo'n̈ 'a't lasu, 'ix sjaln 'ix yet' ch'an̈. Caw 'ip 'ix 'el yaw 'ix jun 'ejm xo, 'ix yaln 'ix 'ixtic: —Sansón, tic tzjaw eb' filisteo ach wul smil chamoc, xchi 'ix. An̈jtona', 'ayx 'ec' jun tzo'n̈ winc sc'ub'c 'el sb'a 'a yol yatut 'ix, palta 'ix sn̈i'chtan pax Sansón jun tzo'n̈ lasu cha, 'icha xoj tz'aj sn̈i'chj 'at junc ch'al caw xi', 'ixta 'ix yutej.

Jueces 16:14

X'at spixnc 'och 'ix 'a te 'istaca cha. Xlajw cha, 'ix 'el yaw 'ix: —Sansón, tic tzjaw eb' filisteo ach wul smil chamoc, xchi 'ix. Yajn̈j wal cha, 'ix 'el swayn̈ Sansón, xq'ue wan jucn̈joc, 'ix sto'n chan̈ te 'istaca yet' te ch'al cha.