Jueces 15:14 - Chuj San Sebastian Bible

¹⁴ A yic 'ix c'och eb' 'a Lehi, 'ix 'elt eb' filisteo scha sc'ochi. Caw wal tz'el yaw eb' yuj tzaljc'ojlal. Yajn̈ej 'ix jaw Yespíritu Jehová 'a Sansón yic tzya'n yip. Ax ch'an̈ lasu pixjnac sc'ab', 'ix sn̈i'chtan 'at ch'an̈ 'icha sc'unal tz'anc nip, 'ix 'em lan̈njoc ch'an̈.

Chuj San Mateo Bible

¹⁴ Axo ix c'och eb' vin̈ d'a Lehi chi', ix cot eb' vin̈ filisteo scha eb' vin̈, toxon̈ej tz'avaj eb' vin̈ yuj tzalajc'olal. Elan̈chamel ix ochxi Yespíritu Jehová d'a vin̈aj Sansón chi', ix te och yip vin̈, ix sd'in̈chitanb'at chab' lasu chi' vin̈, icha tz'aj sn̈ic'chajb'at junoc c'apac c'apac tz'anac, ix em lan̈naj ch'an̈ d'a sc'ab' vin̈.

Jueces 15:14 Iomraidhean Croise

Job 20:5

a eb' maysch'olnil, jab' wal tiempo tzyac' stzaljc'ojlal eb', jun wal rato tzalj eb'.

Salmos 118:11

'Ix 'och wal oyn eb' 'ayn smasnil, palta yuj yip Jehová xwa'n ganar in satn 'el eb'.

Salmos 18:34

Tzin a cuy wa'n owal, tza'n pax wip in pacb'tzan in jul-lab' to nab'a bronce.

Ex 14:3

sec 'oj sna win sreyl Egipto chi 'ixtic: A eb' israel cha, man̈ yojcoc eb' 'ajtil wan s'ati. 'Ix macx can 'at eb' 'a lum cusltac lu'um, 'oj xchioc.

Ex 14:5

A yic 'ix c'och yab'xil 'a win rey, chajtlto 'ix cot eb' israel 'eloc, 'ix snan pax sb'a win yet' eb' 'aych yajlil yet'oc, xyaln eb' 'ixtic: Caw suc on̈ec, 'ix qui chanec 'at eb' israel, 'ix 'och wan eb' smunlj 'ayn̈ec, xchi eb'.

Miqueas 7:8

Ex 'ajc'ojl eyajch 'ayn̈ on̈, man̈ex tzaljoc yuj tas tzon̈ 'aj on̈. Wach'xam tzon̈ 'ejmi, palta 'oj qui q'uex wan jun 'ejm xo on̈. Wach'xam tz'och 'oynjoc q'uic'q'uinl 'ayon̈, palta a Jehová 'aych qui sacq'uinloc on̈.

Zacarías 4:6

'Ix yaln pax jun ángel chi 'ayn jun 'ejm xo: A Jehová tztac' yuj smasnil a tzaln jun tzo'n̈ paxti tic 'ixtc 'a win Zorobabel: Man̈ yujoc eb' soldado, man̈ yujoc pax yip junc mach, ax sta'n o'oj, palta yuj Wespíritu.

A Scarta San Pablo D'a Eb' Aj Filipos 4:3

Ach xo wu'tac, yel quit munljumal qui b'a. Yuj cha, tzin tew 'at 'ayach, caw tzach colwj a b'onyaj jac eb' canb' chi ta', yujto a eb' cha, caw te'n yutjnac sb'a eb' smunlj wet'oc, yic 'ec' walnc 'el wach' 'ab'x yic colnb'il. An̈jtona', 'ix munlj pax Clemente wet'oc, yet' jun tzo'n̈ xo eb'. A eb' cha, tz'ib'b'ilx sb'i eb' 'a jun ch'an̈ libro 'aj 'ay qui b'i an̈ec 'ay qui q'uinl 'a jun 'ejmn̈ej.

Jueces 14:19

Xlajw cha, 'ix japx Yespíritu Jehová 'a yib'n̈ Sansón, 'ix 'at sma'nc cham lajn̈schawinc eb' filisteo 'a chon̈b' Ascalón. 'Ix yi'n 'el spichl eb' cha, ax jun tzo'n̈ pichl chi xyac' stojloc eb' x'a'n spac jun tzo'n̈ paxti cha. Caw wal 'ay cot yowl si'mb'il yic 'ix pax 'a yatut smam.

Jueces 14:6

Ax Yespíritu Jehová 'ix jaw 'a yib'n̈ Sansón, 'ix caw 'och yip. May xon jac tas yet' 'a sc'ab', cojn yet' yip chi 'ix yac' milnc cham no león cha. 'Ix stoc' jecchjoc win no 'icha wal sto'x jecchjoc junc no yune chiwo, 'ixta 'ix yutej. May xon jac tas xyal 'a smam snun yuj tas sb'o cha.

Jueces 15:13

—Ma'ay, matz ach qui mil chamoc, cojn ton̈j tzach qui jala, ax ach ca'nc 'och 'a yol sc'ab' eb', xchi eb'. Xlajw cha, 'ix sjaln eb' yet' chab' 'a't lasu, 'ix yi'n 'elt eb' 'a yojl q'uen n̈aq'uen cha.

Jueces 15:9

'Ix jaw eb' filisteo 'a yol yic Judá, xlajw cha, 'ix sb'on chan̈ eb' scamplamento 'a span̈nil yic Lehi.

Jueces 16:12

'Ix yi'n cot 'ix Dalila jun tzo'n̈ 'a't lasu, 'ix sjaln 'ix yet' ch'an̈. Caw 'ip 'ix 'el yaw 'ix jun 'ejm xo, 'ix yaln 'ix 'ixtic: —Sansón, tic tzjaw eb' filisteo ach wul smil chamoc, xchi 'ix. An̈jtona', 'ayx 'ec' jun tzo'n̈ winc sc'ub'c 'el sb'a 'a yol yatut 'ix, palta 'ix sn̈i'chtan pax Sansón jun tzo'n̈ lasu cha, 'icha xoj tz'aj sn̈i'chj 'at junc ch'al caw xi', 'ixta 'ix yutej.

Jueces 16:24

An̈jtona', 'ixta pax eb' 'anma', a yic 'ix yiln eb' Sansón, 'ix sb'itnej eb' sdiosal, xyaln eb' 'ixtic: A qui diosal, a 'ix 'a'n jun 'ajc'ojl yajch tic 'ayon̈, atn jun xn̈usntz'a qui munljelec, til wal pax eb' quit chon̈b'ec smil chamoc, xchi eb'.

Jueces 16:9

'Ay jun tzo'n̈ winc tox sc'ub'j 'el sb'a 'a yol yatut 'ix, caw 'ip x'el yaw 'ix, xyaln 'ix 'ixtic: —¡Sansón, tic tzjaw eb' filisteo ach wul smil chamoc! xchi 'ix. Yajn̈ cha, 'ix sn̈i'chtan 'at jun tzo'n̈ ch'an̈ cha, 'icha sc'unal sn̈i'chj 'at junc ch'al to tz'anc xo. Ax eb' filisteo ma'ix nachj xon 'el yuj eb' 'aj tzcot yip.

Jueces 3:10

Ax Yespíritu Jehová x'och 'a Otoniel, sjucb'tzan eb' yit israelal cha, xya'n owal. A Jehová a x'och yet' eb', x'ajx eb' 'ajc'ojl chi 'a yol sc'ab'. 'Ix lajw 'el eb' yu'uj.

Jueces 5:30

Tecnto wan spojn 'ec' win jantc tas 'ix yijcan 'ec' 'a owl cha. Wan am si'lni ewin junjnoc eb' 'ix cob'stac chi yistloc, mto chatcwan̈oc eb' 'ix 'a junjn ewinac. Am te pichl caw wach' yilx yelwnub'l xyique'ej win Sísara cha; jun am wal xyij winac, mto chab' xyij winac, am te caw wach' yaj stz'isx 'ejm yelwnub'l sat 'a schapaq'uil, am te 'oj ya'ch win 'a sjaj yujto xyac' ganar owl cha, xchi eb' 'ix.

A Ch'an̈ B'ab'el Libro Samuel 10:10

A yic xc'och yet' jun schecb' chi 'a Gabaa, 'ix 'elt jun tzo'n̈ schecb' Dios wul scha sc'ochi. Yajn̈j wal cha, 'ix 'och Yespíritu Dios yet' spoder 'a 'a, yuj cha, 'ix syamn 'och yaln 'el spaxti Dios yet' eb'.

A Ch'an̈ B'ab'el Libro Samuel 10:6

'Oj lajwc cha, ax yoch Yespíritu Jehová 'ayach, ax a yamn 'och aln 'el spaxti Dios yet' eb'. Caw 'oj jelmjoc a nab'en.

A Ch'an̈ B'ab'el Libro Samuel 11:6

A yic xyab'n Saúl jun tzo'n̈ paxti cha, caw x'och Yespíritu Dios yet' spoder 'a 'a; yuj cha, caw xcot yowl Saúl chi si'mb'il.

A Ch'an̈ B'ab'el Libro Samuel 17:35

an xo tic tzin 'at 'a spatc no', tzin ma'n no', tzin to'n can pax 'ec' no calnelu chi 'a sti no'. Toto tzcot no 'ayin, ax yaln̈ sti no tzin yamcoti, tzin ma'n pax chamoc.

A Ch'an̈ B'ab'el Libro Samuel 4:5

A yic xc'och eb' yet' te caxa chi 'a camplamento cha, 'ix q'ue b'uynjoc smasnil eb' soldado israel chi ya'n 'el yaw yuj tzaljc'ojlal, caw 'ix ta'w lum lum yuj yaw eb' cha.