Jueces 15:11 - Chuj San Sebastian Bible

¹¹ A yic 'ix yab'n eb' yin̈tl Judá jun cha, 'oxe mil eb' x'at 'ilnoc Sansón 'a q'uen n̈aq'uen 'ay 'a Etam. 'Ix yaln eb' 'a 'ixtic: —¿Tom man̈ ojcoc to 'ayn̈ 'och 'a yaln̈ schecnb'il eb' filisteo? ¿Tas yuj 'ixta tzon̈ otej? xchi eb'. —'Icha wal in yutj eb', 'ixta pax tzwutj eb', xchi Sansón.

Chuj San Mateo Bible

¹¹ Ayic ix yab'an jun chi' eb' vin̈ aj Judá chi', oxe' mil eb' vin̈ ix b'at ilan vin̈aj Sansón d'a q'uen n̈aq'ueen d'a Etam chi', ix yalan eb' vin̈ d'a vin̈: —¿Tom man̈ ojtacoc to ayon̈ och d'a yol sc'ab' eb' vin̈ filisteo tic? ¿Tas yuj tzac'och chucal d'a co cal yed' eb' vin̈? xchi eb' vin̈ d'a vin̈. Ix tac'vi vin̈ d'a eb' vin̈: —Icha in yutej eb' vin̈, icha pax ix vutej eb' vin̈, xchi vin̈.

Jueces 15:11 Iomraidhean Croise

1 Cr 4:3

Eb' yunnal Hur: atn Etam, Jezreel, Isma, Idbás. 'Ay pax jun yanb' eb', Haze-lelponi sb'i. 'Ayt jun tzo'n̈ yu'tac eb': atn Penuel, smam Gedor, Eser, smam 'ichm Husa. Atn jun tzo'n̈ eb' tic, sb'ab'l 'unnal Efrata, smam 'ichm eb' 'aj Belén.

Lv 26:25

'Oj wa' cot owl 'a e cal eyailaloc, sec a tz'a'n spac in trato matz eyiclj cha. 'Oj laj cob' 'at e col e b'a 'a yol e chon̈ab', palta 'oj wac' cot yab'il 'a e cal, ax eyamchj yuj eb' 'ajc'ojl cha.

Dt 28:13

Toto tzeyiclj smasnil schecnb'il Jehová qui Diosalec, atn smasnil jun tzo'n̈ xwal 'ayx tic, to 'ixta', 'oj ex ya'cn 'a b'ab'el, man̈oc to 'a slajb' 'oj e cani; caw niwn 'oj eyaj 'el'ch 'a yib'n̈ jun tzo'n̈ xo nacion̈, may b'a'n̈ 'oj e can 'a yalan̈.

Dt 28:43

A eb' chuc chon̈b'al 'ayc' 'a yol e chon̈ab', caw 'oj wach' jelnb'oc eb', ax xo tic, 'ipn slajw can 'ejm e jelnal cha.

Jueces 13:1

'Ix 'ochx smul eb' israel 'a yojltac Jehová, yuj cha, chawinc ab'il 'ix can eb' 'a yol sc'ab' eb' filisteo yu'uj.

Jueces 14:4

Man̈ yojcoc eb' mamb'il cha, toto a Jehová 'ay snab'en jun cha, yujto wan sayn tas tz'aj slajw 'el eb' filisteo yuj owal. A 'a jun tiempoal cha, a eb' israel 'aycn 'a yaln̈ schecnb'il eb' filisteo.

Jueces 15:10

Ax eb' 'aj Judá 'ix sc'anb'n 'a eb' 'ixtic: —¿Tas yuj tzex jaw wul eyac' owl quet' on̈? xchi eb'. —Tzon̈ jaw wul qui yam win Sansón on̈, ax ca'n 'och syailal 'icha wal on̈ yutj on̈ yixtni, xchi eb' filisteo cha.

Jueces 15:12

—An̈ tic on̈, tzon̈ jaw wul ach qui jal on̈, ax ach ca'n 'och 'a yol sc'ab' eb', xchi eb' 'a winac. 'Ix yaln Sansón 'a eb' 'ixtic: —'A'c e ti 'ayn 'an, toto yel matz in e mil chamoc, xchi 'a eb':