Jueces 14:14 - Chuj San Sebastian Bible

¹⁴ 'Ix yaln Sansón 'ixtic: A 'a jun mach tzchiwji, ata x'elt tas wach' sc'uxxi; a 'a jun mach caw 'ay yip, ata x'elt tas caw chi', xchi. 'Oxe c'u xyac' eb' snan 'el jun tzo'n̈ paxti cha, palta ma'ix nachj xon 'el yuj eb'.

Chuj San Mateo Bible

¹⁴ Ix yalan vin̈ icha tic: A d'a junoc chivajum, ata' ix elta tas tz'uc'chaji. A d'a jun te ay yip, ata' ix elta tas te chi', xchi vin̈. Axo d'a yoxil c'ual q'uin̈ chi', maj yal-laj spacan jun lolonel chi' eb' vin̈ quelemtac chi'.

Jueces 14:14 Iomraidhean Croise

Gn 3:15

A ticnec, tzwa'cn 'och chacjb'al 'a a cal yet' 'ix 'ix, yet' smasnil en̈til, yet' yin̈tl 'ix. A yin̈tl 'ix tic, a 'oj ma'nc poj a jolom, ach xo 'oj a chi yich sq'uenl yoc yin̈tl 'ix cha, xchi Dios.

A Ch'an̈ B'ab'el Libro Yic Yab'ixal Eb' Rey 17:6

'A junjn sq'uin̈b'ial yet' 'a junjn yemc'ual tzlaj yi'n 'at no joj chi tas tzc'uxxi yet' chib'j 'a winac, ax a a chi tzyuq'uej.

2 Cr 20:2

Xlajw cha, 'ix jaw jaywn̈ eb' wul yal 'a Josafat sreyl Judá 'ixtic: A 'a Edom yet' 'a junx sc'axpil 'ec' a Mar Muerto, ata tzcot nan̈l soldado yic tzwul ya'n owl et'oc. Yajx 'ec' eb' 'a Hazezón-tamar, xchi eb'. (A jun chon̈b' cha, atn pax tzcuch En-gadi.)

2 Cr 20:25

Xlajw cha, 'ix 'at Josafat yet' eb' soldado ajun yet'oc, yic tz'at si'nc chan̈ eb' tastc xcan yuj eb' 'ajc'ojl xcham cha. 'Ix 'ilchj yamc'ab', pichul, yet' tas to chan̈ stojl yuj eb'. Yuj cha, til wal tas 'ix yij cot eb'. Palta 'ayt jun tzo'n̈ xo tas ma'ix tza'wni eb' yi'n coti. A jantcn̈ej tastc 'ix yij cot eb' cha, 'oxe c'u 'ix yac' eb' smolb'tzani, yujto caw niwan.

Pr 24:7

A mach may snab'en, caw matz nachj yu'uj tas tzyal 'a yojltac win yajl 'a sdespacho, ton̈j sictac tz'aji, yujto may sjelnal.

Mt 13:11

Yuj cha, xyaln 'a eb' 'ixtic: An̈j 'ayx tzch'ox Dios jun tzo'n̈ tas mant 'a mach 'ojtnac, sec tznachj 'el eyu'uj, chajtl tzex 'aj eyoch 'a yol sc'ab'. Palta ax 'a eb' 'anma', matz ch'ox 'a eb'.

A Tas Sc'ulejnac Eb' Schecab' Jesús Hechos 8:31

'Ix yaln win 'ixtc 'a 'a: —Toto may mach tzin cuyni, ¿tas wal 'oj wutc wojcan 'eli? ¿Mamtzac ach q'uet wet' 'a yol caruaje tic, tzach 'em wocn jac 'a in tz'ey? xchi winac.

Ro 8:37

Wach'xam 'oj jawc jun tzo'n̈ tic 'a quib'n̈ec, palta caw 'oj ca'c ganar yuj jun 'ay schamc'ojlal 'ayn̈ec.

2 Co 4:17

A jun tzo'n̈ tas tzjaw 'a quib'n̈ on̈, may jac yel'ch 'a qui sat on̈, 'e'lb'an̈j yeq'ui. Palta yu'uj, 'oj qui cha jun caw niwn yel'ch on̈. A jun cha, man̈ jantcoc swach'il, 'ayc'n̈ej 'a jun 'ejmn̈ej.

A Sb'ab'el Carta San Pedro 2:24

A Cristo 'ix cuchn can qui mulc yet' sniwnal, yic x'och 'a spenc te culus, sec wach' man̈x 'a yaln maysch'olnil yic 'ayn̈ec, 'icha to chamnc on̈c 'a 'a. 'Ixta on̈ yutjec, sec caw wach'n̈j tzcutjec qui b'eyb'al. Caw xyab' syal cujec, sec tzon̈ colchjec can 'el yu'uj.

Jueces 14:13

Palta toto matz eyac' spac 'ayin, toto 'ixta', ax xo 'oj eyac' junjn in pichl chi 'a te lino cha, junjn pax in pichl yic q'uin̈ chi 'oj eyac' junjn ex, xchi 'a eb'. 'Ix ta'w ewin 'ixtc 'a 'a: —Al cab'noc tas jun tzo'n̈ tza nib'j tzal cha, xchi ewinac.

Jueces 14:15

Ax 'a schan̈l c'u cha, 'ix yaln eb' 'ixtc 'a 'ix yistzil win Sansón cha: —Montj wal ab' 'a win echmil chi muc'uc, tas tzyal 'el'ch jun tzo'n̈ paxti tzyac' win qui nal tic. Tzlajw yaln win 'ayach, ach xo tzalx cab' on̈. Toto ma'ay, 'oj ach qui n̈ustz'a yet' smasnil mach 'ayc' 'a yol yatut a mam. 'Into ton̈j tzon̈ eyawtj coti, yic tze c'ann 'ec' tas 'ay 'ayon̈, xchi ewinac.