Jueces 14:12 - Chuj San Sebastian Bible

¹² Ax Sansón 'ix yal 'a eb' 'ixtic: —A ticnec 'ay jun tzo'n̈ tas 'oj wac' e nali. Toto a 'a scal uque c'u q'uin̈ tic, ata tojl 'oj eyutc eya'n spac 'ayin, toto 'ixta', 'oj wac' junjnoc e pichl 'a te lino wach' yaj sb'o'i, ax wa'n pax junjnoc e pichl tzeya'ch 'a yic 'ay junc q'uin̈.

Chuj San Mateo Bible

¹² Ix yalan vin̈aj Sansón d'a eb' vin̈ quelemtac chi' icha tic: —Ay jun lolonel ol val d'ayex, a exxo ol e na'a tas syalelc'ochi: Tato a d'a uque' c'ual q'uin̈ tic ol eyal tas syalelc'ochi, ol vac' junjunoc e pichul nab'a lino yed' junjunoc e pichul yic q'uin̈.

Jueces 14:12 Iomraidhean Croise

Gn 45:22

'Ix 'ajx cot junjn mojn̈ spichl ewin smasnil, yic tzjel-lab'an eb'. Ax pax 'a win Benjamín, 'oxe ciente q'uen tumn plata x'ajx 'a winac, x'ajx pax omojn̈ spichl winac.

A Ch'an̈ B'ab'el Libro Yic Yab'ixal Eb' Rey 10:1

A 'ix reina yic chon̈b' Sabá, xyab' 'ix yel yab'xil Salomón, to caw niwn yel'chi, yujto caw tz'ijx chan̈ Jehová yu'uj. Xjaw 'ix 'a Jerusalén yic tzwul ya'nc prowal 'ix Salomón yet' jun tzo'n̈ tas tzc'anb'ej, jun tzo'n̈ to caw ya snachj 'eli. Caw niwn eb' schecb' 'ix ajun yet'oc. Yet' pax 'ix nan̈l e no cameyo, cuchb'il jun tzo'n̈ perjuma yuj e no', caw niwn pax q'uen oro, yet' pax jun tzo'n̈ q'uen q'uen caw wach' yilxi. A yic xjaw 'ix 'a yojltac Salomón, 'ix sc'anb'n 'ix smasnil jun tzo'n̈ tas nab'il yu'uj.

A Ch'an̈ Schab'il Libro Yic Yab'ixal Eb' Rey 5:22

'Ix ta'w Giezi 'ixtic: —Ma'ay, wach'n̈j yaji. A win wajlil tzin checn wul wal 'ayach: At wal sjaw chawn̈ eb' quelmtac winc schecb' Dios tic 'ayin, ata 'ix cot eb' 'a eb' lum jolmctac witz 'a yol yic Efraín, tzin tew 'ayach to tzac' 'oxe'oc mil q'uen tumn plata 'ayin, yet' chab'oc mojn 'a't pichul, xchi winac, xchi 'a 'a.

A Ch'an̈ Schab'il Libro Yic Yab'ixal Eb' Rey 5:5

'Ix yaln win rey chi 'a win 'ixtic: —Caw wach', 'ixc 'an, 'oj wa't junc carta 'a win sreyl chon̈b' Israel cha, xchi win rey cha. —Xlajw cha, 'ix 'at Naamán, 'ix yi'n 'at 30 mil q'uen tumn plata, waque mil q'uen tumn nab'a oro, yet' lajn̈e mojn pichul.

2 Cr 7:8

A 'a jun tiempoal cha, a Salomón yet' smasnil eb' yit israelal, 'ix sna eb' q'uin̈ Chinama 'a uque c'ual. Caw niwn sb'isl eb', xcotn̈j eb' 'ay 'a 'aj tzon̈ 'och 'a Hamat, 'a smon̈jonal norte masnto eb' 'ay 'a jun a b'eymal a yic Egipto 'a smon̈jonal sur.

Salmos 49:4

'Oj in maclc wab' tas wach', ax waln 'el jun tzo'n̈ tas 'a c'ultacl yet' sb'itl arpa.

Pr 1:6

A jun tzo'n̈ paxti tic, tzcolwji yic tznachj 'el sc'ultac paxti eb' jelan, yet' jun tzo'n̈ spaxti eb' caw 'ajltac snachj 'eli.

Pr 31:24

Tzb'o 'ix pichul yet' jalul, ax 'a eb' chon̈m nip, axta tzlaj schon̈ 'ix.

Ez 17:2

Ach 'anma', al jun 'ab'x tic 'a eb' et israelal.

Ez 20:49

Xlajw cha, xwaln 'ixtic: ¡'Ay, Mamin Jehová! A eb' wit chon̈b' cha, tzlaj yal eb', to a tas tzwal cha, toxn matz nachj xon 'el ab' jun tzo'n̈ paxti chi yuj eb', xin chi 'a 'a.

Mt 13:13

Yuj cha, an̈j jun tzo'n̈ 'ab'x ya snachj tic tzwal 'a eb'. Yujto wach'xam tzyil eb' junc tas, ton̈j tzcann̈j eb' 'ixta'. 'Icha to may tas tzyil eb'. An̈jtona', wach'xam tzyab' eb', palta matz nachj xon 'el yuj eb'.

Mt 13:34

Yic xyaln 'el Jesús 'a scal eb' 'anma cha, an̈j jun tzo'n̈ 'ab'x caw ya snachj 'el xyal 'a eb'. Cojxn jun tzo'n̈ 'ab'x chi 'ix sc'anlb'ej, yic xyaln 'el 'a eb'.

Mt 27:28

'Ix yij 'el ewin spichl Jesús, xya'n 'och ewin jun q'uic'mucnac pichl 'a 'a.

Mt 6:19

Man̈ qui molb'tzoquec qui ricoal 'a yolyib'n̈q'uinl tic. A jun tzo'n̈ cha, tzlajw yuj no 'ij, tzc'uxmaxi, tz'och eb' 'elc'm 'a 'a.

Lc 14:7

'Ix yiln Jesús tas xyutj sb'a ewin 'awtb'il wac yet' 'a jun wal cha, chajtlto tznib'j ewin 'em wocn sb'a 'a 'aj tz'em wocn eb' niwn yel'chi, yuj cha, xyaln 'ixtc 'a ewinac:

Jn 16:29

Ax eb' scuywum cha, 'ix yaln eb' 'ixtc 'a 'a: —A ticnec, caw tojl xoj tzotj aln 'ayn̈ on̈. Man̈xtoc chuc tzotj aln 'icha 'a jun 'el.

1 Co 13:12

Yujto a ticnec, mantzac nachj 'el wal yic Dios cujec. 'Ichan̈ej quilnec jun tzo'n̈ tas 'a junc nen q'uic'moynac sat, 'ixta cajec. Palta a yic jun tiempoal cha, 'oj nachjc 'el smasnil tas yic Dios cujec. Yujto si'mb'il 'oj quilc wal smasnil tas. A ticnec, mantzac tz'acw cojcanec 'el yic Dios, palta a 'a jun tiempoal cha, 'oj cojcoquec 'eli. A ticnec, yojc on̈c Dios si'mb'il. 'Ixta 'oj 'aj cojcanec 'el smasnil yic Dios ta'.

Santiago 5:2

A e ricoal, caw c'altac xo. Ax e pichul, olquintacx yuj no noc'.

Jueces 14:11

Ax yic xyiln sb'a eb' filisteo chi 'a Sansón to 'ayx 'ec' ta', yuj cha, 'ix yawtn cot eb' lajn̈schawinc eb' quelmtac, sec tzyil eb' yoch jun nupnel cha.

Jueces 14:13

Palta toto matz eyac' spac 'ayin, toto 'ixta', ax xo 'oj eyac' junjn in pichl chi 'a te lino cha, junjn pax in pichl yic q'uin̈ chi 'oj eyac' junjn ex, xchi 'a eb'. 'Ix ta'w ewin 'ixtc 'a 'a: —Al cab'noc tas jun tzo'n̈ tza nib'j tzal cha, xchi ewinac.