Jueces 14:1 - Chuj San Sebastian Bible

¹ 'Ay jun tiempoal, 'ix 'at 'ejm Sansón b'eyc'oc 'a jun chon̈b' tzcuch Timnat 'a yol smacb'en eb' filisteo, axta 'ix ya'ch sat 'a jun 'ix cob's filsitea cha.

Chuj San Mateo Bible

¹ A d'a junel, ix em vin̈aj Sansón d'a yol jun schon̈ab' eb' filisteo scuchan Timnat, ix can sgana vin̈ d'a jun ix cob'es ta'.

Jueces 14:1 Iomraidhean Croise

Gn 6:2

Ax yic xyiln 'och ewin yunnal Dios eb' 'ix yisl ewin 'anma cha, to caw wal wach' yilx eb' 'ix, 'ix syamn 'och ewin si'lan yistzil 'a scal eb' 'ix.

A Ch'an̈ Schab'l Libro Samuel 11:2

Ax x'aji 'ay jun yemc'ual, 'ix q'ue wan David chi 'a sat sch'at, 'ix q'ue 'a span̈nil yib'n̈ sdespacho b'eyc'oc. Axta 'ix yil sb'a 'a jun 'ix 'ix wan yachni yic tzsacb'tzan sb'a 'ix. Caw wal wach' yilx 'ix. Yajn̈j cha, 'ix ya'n David c'anb'xoc mach jun 'ix cha. 'Ix alx 'a 'a, to a 'ix Betsabé yisl win Eliam, 'ix yistzil win Urías hitita. 'Ix ya'n 'at David chi schecb' 'a 'ix yic tzcot 'ix ta'wc 'a winac. Ax yic xjaw 'ix, xway win yet' 'ix. 'Ix paxx 'ix 'a yatut.

Job 31:1

An tic, ma'ix wa'ch in nab'en in nib'n 'och eb' 'ix cob'stac 'ix.

Salmos 119:37

Man̈ in a cha 'och tza'n yuj jun tzo'n̈ comn dios; 'ac' in tzatzil, sec tzin b'eylb'ej tas tza nib'ej.

Josué 15:10

Ata tzmeltzj smon̈jonal 'a Baala cha, 'a stojlal 'aj tz'em c'u, masnto tzc'och 'a lum witz yic Seir, tzpaxx 'a snorteal 'a yich lum switzl Jearim, atn Quesalón. Tzlajw cha, tz'emx lu'um, masnto tz'e'mch 'a Bet-semes, tz'e'x 'a Timna,

1 Jn 2:16

A eb' yic yolyib'n̈q'uinl tic, cojxn yic sniwnal eb' tznib'j 'ochi. Tznib'n pax 'och eb' jun tzo'n̈ tastc tzyil yet' sat. Tzb'an̈n pax sb'a eb' yuj jun tzo'n̈ tastc 'ay 'a 'a. Palta a jun tzo'n̈ b'eyb'al cha, man̈ yico'oc qui Mam Dios, yic yolyib'n̈q'uinl tic.

Jueces 13:25

Ax Yespíritu Jehová, 'ix syamn 'och sch'oxn sb'a 'a Sansón yic 'ayc' 'a scamplamento eb' yin̈tl Dan. Ata tzcan jun chi 'a snan̈l chon̈b' Zora yet' Estaol.

Jueces 14:2

Ax yic xc'ochx 'a yatut smam cha, 'ix yaln 'ixtc 'a smam snun: —'Ay wal jun 'ix cob's xwil 'a chon̈b' Timnat, 'a scal eb' 'ix yisl ewin filisteo. Caw tzcan in nab'en 'a 'ix, yuj cha, tzwaln 'ayex, to tz'at e c'an wic' 'ix, xchi.

Jueces 16:1

'Ix xit' Sansón 'a Gaza. Ata 'ix yil jun 'ix 'ajmul 'ix. 'Ix 'och 'a yol yatut 'ix, 'ix way win yet' 'ix 'a jun 'ac'wl cha.