Jueces 13:3 - Chuj San Sebastian Bible

³ Palta ax jun yángel Jehová a 'ix sch'ox sb'a 'a 'ix. 'Ix yaln 'a 'ix 'ixtic: Ach tic, may xon junc one 'ix el satoc, ax ticnec jun, 'oj a cuchcnchan̈ jun a winc 'unin.

Chuj San Mateo Bible

³ Ix sch'ox sb'a Yángel Jehová d'a ix, ix yalani: —A ach tic val yel malajtaxon junoc une' ix il sat. Palta a ticnaic, ol a cuchcanoch une', ol aljoc jun a vinac unin.

Jueces 13:3 Iomraidhean Croise

Gn 17:16

'Oj wac' yaxilal 'a yib'n̈ 'ix, 'oj 'aljoc junc onnal yet' 'ix, niwn nacion̈ 'aj 'oj 'och 'ix nunb'ilal. Caw niwn eb' sreyl chon̈b' 'oj 'eltoc 'a scal yin̈tl 'ix, xchi Dios.

Gn 18:10

Xlajw cha, xta'w jun 'a scal eb' 'oxwn̈ chi 'ixtic: —Yab'n 'ixtc wal junab', 'oj in jaw pax jun 'ejm xo wul ach wila', 'oj 'aljoc yune 'ix estzil cha, winc 'unn jun 'unn cha, xchi 'a Abraham. Ax 'ix Sara cha, ton̈j tz'ab'xni 'ix 'a tas tzalx cha, ata 'ayc' 'ix 'a spatc 'och Abraham 'a yol 'och sti smantiado eb'.

Gn 18:14

¿Tecn 'ay tas matz tac' wuj am e nani? Yab'n 'ixtc junab', 'oj in jaw jun 'ejm xo wul ach wila'. 'Oj 'aljoc jun swinc 'unn 'ix Sara tic, xchi 'a Abraham cha.

A Ch'an̈ Schab'il Libro Yic Yab'ixal Eb' Rey 4:16

Xlajw cha, 'ix yaln Eliseo 'a 'ix 'ixtic: —Yab'n 'ixtc junab', mec'b'ilx chan̈ junc one o'oj, xchi 'a 'ix. —May mamin, ach schecb' Dios, man̈ ach b'uchwjoc 'ayin, xchi 'ix.

Lc 1:11

A yic 'aych win ta', 'ix wul sch'oxnc sb'a jun yángel Cajlil 'a 'a. Lin̈n 'ec' 'a stz'ey jun yet'l incienso chi 'a swach'.

Lc 1:13

Palta xyaln jun ángel chi 'ixtc 'a winac: —Zacarías, man̈ ach xiwoc yujto xyab' Dios a lesal. Yuj cha, a 'ix estzil Elisabet, 'oj 'aljoc jun swinc 'une', ach xo 'oj ac' sb'ic Juan.

Jueces 13:10

Yuj cha, carela x'at 'ix 'at yal 'a win yichmil cha: —Lem, cotn̈ muc'uc. A win winc sch'oxjnac sb'a 'ayn 'a jun 'el, 'ix japx winac, xchi 'ix.

Jueces 13:15

Ma'ix yojquej 'el Manoa toto yángel Jehová jun cha, 'ix yaln 'ixtc 'a 'a: —Tzin tew wal 'ayach, comnoc tz'el 'a a c'ojl a can quet' on̈, to 'oj qui b'o a chi junc quelm chiwo, xchi winac. 'Ix ta'w jun ángel chi 'ixtc 'a 'a: —Wach'xam tzin can eyet'oc, palta ma'oj stac' in c'uxn tas tze c'ux cha. A no e chiwo cha, tztac' eya'n no xajmb'al-l 'a Jehová, xchi.

Jueces 13:6

Xlajw cha, x'at 'ix 'at yal 'a win yichmil cha, xyaln 'ix 'ixtic: 'Ay wal jun win schecb' Dios xjaw 'a 'aj 'ayn 'ec' cha. Caw wal sat in c'ojl yu'uj. Lajn wal yilx 'och 'icha junc eb' yángel Dios. Ma'ix in c'anb'j 'a 'a, 'ajtil xcoti, man̈oc 'ix aln pax sb'i 'ayin.

Jueces 13:8

Yuj cha, 'ix leslwi Manoa 'ixtc 'a Jehová: Mamin, tzin tew wal 'ayach, comnoc tza chec paxt win a checb' chi 'ayn̈ jun 'ejm xo, sec tzwul yalcn wal 'ayn̈ on̈, tas wal 'oj qui b'o yet' jun 'unn chi 'on̈ yic 'oj 'aljoc, xchi winac.

Jueces 2:1

'Ix 'at jun yángel Jehová 'a Gilgal, 'ix c'och 'a Boquim, xyaln 'a eb' israel 'ixtic: An ex wij 'elt 'a Egipto, xlajw cha, ex wi'n cot 'a jun lum tic. Atn lum wa'jnac can in ti wa'n 'a eb' e mam eyicham, yic waln can 'a eb' 'ixtic: May b'a'n̈ 'oj in satl jun trato xwac' eyet' tic,

Jueces 6:14

'Ix 'och q'ueln Jehová 'a 'a, 'ix yaln 'ixtic: —An tzach in checb'ti. C'anlb'ej jun ep 'ac'b'il wu'uj, yic tza coln 'elt eb' et israelal 'a yol sc'ab' eb' madianita, xchi.

A Ch'an̈ B'ab'el Libro Samuel 1:20

'Ixta x'aj scuchn chan̈ 'ix yune'. Ax yic xc'och stiempoal, 'ix 'alj jun swinc 'unn 'ix, xya'n sb'ic Samuel. Xyaln 'ix 'ixtic: A win 'unn tic to c'anb'il win wuj 'a Jehová, xchi 'ix.