Jueces 13:25 - Chuj San Sebastian Bible

²⁵ Ax Yespíritu Jehová, 'ix syamn 'och sch'oxn sb'a 'a Sansón yic 'ayc' 'a scamplamento eb' yin̈tl Dan. Ata tzcan jun chi 'a snan̈l chon̈b' Zora yet' Estaol.

Chuj San Mateo Bible

²⁵ Ix schaanel yich sch'oxan sb'a Yespíritu Jehová d'a vin̈ ayic ayec' vin̈ d'a scampamento eb' yin̈tilal Dan, d'a scal chon̈ab' Zora yed' Estaol.

Jueces 13:25 Iomraidhean Croise

Mt 4:1

'Ix 'ijx 'at Jesús yuj Yespíritu Dios 'a cusltac lu'um, yic tz'ajx prowal yuj win diablo ta'.

Jn 3:34

Yujto a jun cha, a Dios checjnac coti. Yuj cha, a spaxti Dios tzyala. A jun cha, tz'acn ya'jnac Dios Yespíritu 'a 'a.

Josué 15:33

Lum schac'ajil, 'ay chan̈lajn̈e chon̈b' yet' yaldeail, lum tzcan 'a yich witz 'a stojlal norte: Atn Estaol, Zora, Asena, Zanoa, En-ganim, Tapúa, Enam, Jarmut, Adulam, Soco, Azeca, Saaraim, Aditaim, Gedera atn Gederotaim.

Jueces 11:29

Yuj cha, 'ix 'och Yespíritu Jehová 'a Jefté, 'ix syamn 'och s'ati, 'ix 'ec' 'a yol yic Galaad yet' 'a yol yic Manasés. 'Ix 'ec' pax 'a Mizpa 'a yol yic Galaad cha, 'ix smolb'tzan eb' soldado, xc'och yac' owl yet' eb' amonita.

Jueces 14:1

'Ay jun tiempoal, 'ix 'at 'ejm Sansón b'eyc'oc 'a jun chon̈b' tzcuch Timnat 'a yol smacb'en eb' filisteo, axta 'ix ya'ch sat 'a jun 'ix cob's filsitea cha.

Jueces 14:19

Xlajw cha, 'ix japx Yespíritu Jehová 'a yib'n̈ Sansón, 'ix 'at sma'nc cham lajn̈schawinc eb' filisteo 'a chon̈b' Ascalón. 'Ix yi'n 'el spichl eb' cha, ax jun tzo'n̈ pichl chi xyac' stojloc eb' x'a'n spac jun tzo'n̈ paxti cha. Caw wal 'ay cot yowl si'mb'il yic 'ix pax 'a yatut smam.

Jueces 16:31

Xlajw cha, 'ix c'och eb' yu'tac Sansón yet' eb' yican, x'at yi'noc eb' sniwnal. 'Ix smucn eb' 'a 'aj mucb'il smam, atn win Manoa. A 'a snan̈l Zora yet' Estaol ata 'ay jun lugar cha. Junc'l ab'il 'ix yac' Sansón yajlil 'a chon̈b' Israel.

Jueces 18:2

Yuj cha, 'ix checn 'at eb' own̈ soldado to caw wal 'ay yip, yic tz'at eb' sayj lum 'aj tzcan cajn 'a Zora yet' 'a Estaol. Ax eb' own̈ cha, 'ix 'ec' eb' 'a lum jolmctac witz 'a yol yic Efraín. Xlajw cha, xc'och eb' 'a yatut Micaía, sec ata tzcan eb' 'a jun 'ac'wl cha.

Jueces 3:10

Ax Yespíritu Jehová x'och 'a Otoniel, sjucb'tzan eb' yit israelal cha, xya'n owal. A Jehová a x'och yet' eb', x'ajx eb' 'ajc'ojl chi 'a yol sc'ab'. 'Ix lajw 'el eb' yu'uj.

Jueces 6:34

Ax Yespíritu Jehová, a x'och 'a Gedeón; 'a yic xyutz'n no sch'ac calnelu, 'ix syamn sb'a smasnil eb' yin̈tl Abiezer yet'oc.

A Ch'an̈ B'ab'el Libro Samuel 11:6

A yic xyab'n Saúl jun tzo'n̈ paxti cha, caw x'och Yespíritu Dios yet' spoder 'a 'a; yuj cha, caw xcot yowl Saúl chi si'mb'il.