Jueces 13:23 - Chuj San Sebastian Bible

²³ Palta 'ix ta'w 'ix 'ixtic: —Q'uinloc to tznib'j Jehová on̈ smila', toto 'ixta', ma'ix schaj am qui xajmb'al yet' qui ofrenda xca'c 'a 'a. Toc am 'ay tas sch'ox quil 'icha jun tzo'n̈ tic. May pax am tas xyala to 'oj 'aljoc junc cunnal, xchi 'ix.

Chuj San Mateo Bible

²³ Ix tac'vi ix d'a vin̈ icha tic: —Tato sgana Jehová to tzon̈ chami, maj am scha co silab' ix cac' d'ay yed' cofrenda, maj am sch'ox juntzan̈ tic quila', maj am yal juntzan̈ tic d'ayon̈, xchi ix.

Jueces 13:23 Iomraidhean Croise

Salmos 20:4

Ya' cab' 'el'choc smasnil tas tza nib'ej, scha cab' pax sc'ojl a b'on smasnil tas tza nalb'ej a b'oni.

Salmos 25:14

A eb' a wach'c'ojl a b'a yet'oc, atn eb' 'ay xiwc'ojlal 'ayach, tzac' pax 'el'choc a trato 'a eb'.

Salmos 27:13

Tzwa'ch yipc in c'ojol to 'oj wil a wach'c'ojlal yic pitzn in to.

Salmos 86:17

'Ac' wil a wach'c'ojlal 'a caw stojlal, sec 'oj yil eb' 'ajc'ojl yajch 'ayin, ax sq'uixw 'el eb'. Mamin colwjan̈ wet'oc, 'ac' pax sniwnal in c'ojol.

Pr 3:32

Yujto matz tzchaj sc'ojl Jehová eb' maysch'olnil snab'en, palta ax eb' wach' sb'eyb'al, caw tzalj yet' eb'.

Jn 14:20

A 'a jun c'u yic 'oj 'ochcn Espíritu 'ayex, atta 'oj nachjoc 'el eyu'uj, chajtlto 'ayn 'och 'a qui Mam Dios, 'aych pax 'ayin. Ax snachj pax 'el eyu'uj, chajtlto 'ayx 'och 'ayin, 'ayn pax 'och 'ayex.

Jn 14:23

Yuj cha, 'ix yaln pax 'a 'ixtic: —A eb' 'ay schamc'ojlal 'ayin, tzyiclni eb' tas tzwala. Yuj cha, ax in Mam, tzchamc'ojlan pax eb', ax woch cajn yet' in Mam chi 'a eb'.

Jn 15:15

A ticnec, tzwal 'ayex, man̈xtoc ton̈j 'a'm ex servil 'ayin. Yujto a junc tz'a'w servil, man̈ yojcoc tas tzb'o spatron̈. Palta ax ticnec, caw in wach'c'ojl ex, yujto jantcn̈ej tas yaljnac can in Mam 'ayin, c'uxn xwalx 'ayex.

1 Co 12:21

A yol qui satc tic, matz tac' yaln 'a qui c'ab', to may yopiso yu'uj. An̈jtona qui jolmec, matz tac' yaln 'a coc, to may yopiso yu'uj.

Jueces 13:24

'Ix c'och stiempoal yalj yune 'ix 'ix cha, xya'n 'ix sb'ic Sansón. 'Ix q'uib' win 'unn cha, xya'n Jehová swach'c'ojlal 'a yib'an̈.