Jueces 13:15 - Chuj San Sebastian Bible

^15-16 Ma'ix yojquej 'el Manoa toto yángel Jehová jun cha, 'ix yaln 'ixtc 'a 'a: —Tzin tew wal 'ayach, comnoc tz'el 'a a c'ojl a can quet' on̈, to 'oj qui b'o a chi junc quelm chiwo, xchi winac. 'Ix ta'w jun ángel chi 'ixtc 'a 'a: —Wach'xam tzin can eyet'oc, palta ma'oj stac' in c'uxn tas tze c'ux cha. A no e chiwo cha, tztac' eya'n no xajmb'al-l 'a Jehová, xchi.

Chuj San Mateo Bible

^15-16 A vin̈aj Manoa chi', man̈ yojtacoc vin̈ tato Yángel Jehová jun chi', yuj chi' ix yal vin̈: —Sval d'ayach, comonoc tz'el d'a a c'ool tzon̈ a tan̈vej, tic b'at co b'o junoc noc' yune' chiva a chi'a, xchi vin̈ d'ay. Ix tac'vi jun Ángel chi': —Vach'chom tzin can eyed'oc, palta man̈ ol in valaj. Syal eyac'an noc' chi' silab'il d'a Jehová, xchi.

Jueces 13:15 Iomraidhean Croise

Jueces 13:3

Palta ax jun yángel Jehová a 'ix sch'ox sb'a 'a 'ix. 'Ix yaln 'a 'ix 'ixtic: Ach tic, may xon junc one 'ix el satoc, ax ticnec jun, 'oj a cuchcnchan̈ jun a winc 'unin.

Jueces 6:20

Xyaln jun yángel Dios chi 'a win 'ixtic: 'Ij cot no chib'j yet' 'ixm pan may yich, tza'n q'ue 'a yib'n̈ q'uen q'uen tic, tza secn 'ejm yalil no cha, xchi. Ax Gedeón syiclj smasnil tas 'ix alx cha.