Jueces 13:14 - Chuj San Sebastian Bible

¹⁴ Man̈ yuc' 'ix te yal uva, yet' jun tzo'n̈ xo tas ow yu'xi. May xon sat te uva chi tztac' slon 'ix, matz tac' scomn c'uxn 'ix junc tas man̈ wach'oc. Syiclc cab' 'ix tas xwal 'a 'a, xchi jun ángel cha.

Chuj San Mateo Bible

¹⁴ Jantacn̈ej tas scot d'a sat te' uva, man̈xo ol slolaj ix. Mocab' yuc' vino ix yed' junocxo tas pajb'inac, ma tas ay yovalil schiji d'a yichan̈ ley. A tas ix val chi' d'a ix, yovalil sc'anab'ajej ix, xchi d'a vin̈.

Jueces 13:14 Iomraidhean Croise

Jeremías 35:6

'Ix ta'w eb' 'ixtc 'ayin: An̈ tic on̈, matz cu'j yal uva on̈, yujto a Jonadab yunnal Recab, atn qui mam quichm on̈, a 'a'jnac can yowlal 'ayn̈ on̈, chajtlto matz cu'j yal uva on̈, an̈jtona eb' quin̈tl on̈, matz yu'j pax eb' yal uva cha.

Nm 6:2

Al jun tzo'n̈ tic 'a eb' et israelal: To an tzwala, toto 'ay junc winac, mto junc 'ix tzyac' sti ya'n 'och sb'a 'a yol in c'ab' 'icha nazareoal, a jun cha, man̈xtzac stac' yu'n 'an̈, man̈xtzac stac' yu'n junc xo tas jawnc xo sti', man̈xtzac stac' yu'n vinagre, man̈xtzac stac' yu'n yal uva, yet' te sat uva taquin̈, man̈xtzac stac' sloni.

Nm 6:4

Ya' sb'a 'aych 'a stiempoal yic tzya'n sti cha, may xon jac tztac' sc'uxn 'a tas tz'elt 'a te uva cha, toxn̈ej am tas sb'o'i.

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

Jn 15:14

Ax tic, toto tzeyiclj jun tzo'n̈ in checnb'il, to 'ixta', in wach'c'ojl ex.

Jn 2:5

Palta 'ix yaln snun chi 'ixtc 'a eb' tz'a'w servil cha: —Jantcn̈ej tas 'oj yal Jesús 'ayex, tze b'on̈ej, xchi 'a eb'.

Dt 12:32

A smasnil jun tzo'n̈ tzwalcn tic, yowlal tze b'eylb'ej, man̈ eya'ch stz'acub', man̈ eyi'l pax jab'oc 'a 'a, xchi Moisés.

2 Ts 3:4

Tzca'ch Cajlil yipc qui c'ojl eyuj on̈, chajtlto wan eyiclni jun tzo'n̈ checnb'il caljnac can 'ayx on̈, ax eyiclni pax 'a smasnil tiempo.

Jueces 13:4

A ticnec b'i'an man̈xtzac o'j te yal uva, man̈x oc' junc tas ow yu'xi, man̈ a comn c'uxc junc tas to man̈ wach'c yaji.

Jueces 13:7

A tas xyal 'ayin, tolab' 'oj wil satc junc wune'. Yuj cha, a ticnec man̈xtzac ab' stac' wu'n te yal uva yet' junc tas ow yu'xi. Matz tac' ab' in comn c'uxn junc tas man̈ wach'oc, yujto a jun 'unn cha, to yicn̈ej ab' Dios tz'aj winac yic 'oj 'aljoc, masnto ab' yic 'oj chamoc, xchi 'ix.